“Olmos to‘p” va mushuk bu ro‘yxatdagi eng katta g‘alati narsalar emas. Shunchaki bir-biridan qiziqarli harajatlar bilan quyida tanishib chiqishingiz mumkin.
Mushuk Ronaldu shaxsiy samolyotda uchadi
Ronalduning Pepe ismli mushuki o‘tgan yili nohushlikka uchradi va Krishtianu uni shaxsiy samolyotida davolash uchun Madridga yuborishga qaror qildi. Ko‘plab insonlar samalyotda uchishni orzu qiladi. Ammo Ronaldu sabab mushuklar ham parvozni boshlab yuborgan.
Levandovski vertolyotda nonga borgan
Polsha qishlog‘ida dam olayotganda, Levandovski non uchun mashinada emas, balki vertolyotda borishga qaror qildi. 30 kmlik yo‘lni Leva osmonda o‘tkazgan. Nonning narxi bizdagidek bo‘lsa mayli. Agar arzon bo‘lsa, aniq safar harajatlarini qoplamaydi.
Obameyangga rinstonesli butsalar yoqadi
Gabonlik asl sifati butsalarni yaxshi ko‘radi va uning kolleksiyasida Swarowski kristallari bilan bezatilgan bir nechta juftlari bor. Bularni kiyib futbol o‘ynab bo‘lmaydi. Maylida, pul ko‘p bo‘lsa, nimagadir ishlatish kerak-ku.
Messi shovqinli qo‘shnilarni yoqtirmasdi
Leo oilasi bilan Barselonada yashaganida, uning qo‘shnilari juda ko‘p shovqin ko‘tarishar edi. Messi muammoni tubdan hal qildi - u shunchaki ular yashaydigan uyni ham sotib oldi. Bizda esa bunday holatga atalgan bir naql bor “ uy olma qo‘shni ol!”
Neymar 1 million dollarga ikkita surat sotib olgan
Neymar zamon bilan hamnafas, shuning uchun u NFT suratlariga katta pul sarflagan. To‘g‘ri, ikkita noyob virtual tasvirga 1 million dollar to‘lash ahmoqlik. 1-2 oy kutganida shunga rasmlarni Google orqali tekinga yuklab olsa bo‘lardi. Salgina sifatsizroq formatda. Har qalay tekin.
Benzema uchun olmosli to‘p
Umumiy og‘irligi 1250 karat bo‘lgan 72 ming tosh - va bu go‘zallikning barchasi oddiy futbol to‘pini bezatadi. Uning uchun "Real Madrid" yetakchisi 250 ming dollar bergan. Mabodo Benzema “Oltin to‘p”ni qo‘lga kirita olmasa xafa bo‘lmasligi kerak. Ahir unda yanada qimmatliroq to‘p bor.
Ramos va Modrich bronza chumolilarga pul sarflashgan
Ramos uzoq vaqtdan beri zamonaviy san’atga qiziqadi, shuning uchun u bir vaqtning o‘zida o‘zi va oilasi uchun Ishiwut’dan bir nechta bronza chumolilarni sotib oldi. Balki u Modrichni bu g‘alati haykalni sotib olishga undagandir. O‘sha paytlar Ramos Modrich va “Real” uchun sardor edi.
Mirjalol Pardaboyev tayyorladi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
