Kazemiro Madridning "Real" klubidan 70 million funtga xarid qilingan edi. Braziliya terma jamoasi a’zosi "Manchester Yunayted" safida harakat qilayotgan tarixdagi to‘qqizinchi braziliyalik o‘yinchiga aylandi. 30 yoshli yarim himoya vakili "qizil iblislar" safida haftasiga 350 ming funt oladigan bo‘ldi.
Quyida "MYU"ning yana sakkizta braziliyalik sobiq futbolchilari haqida so‘z boradi.
Rafael
Rafael futboldagi faoliyatida o‘z egizak akasi Fabiuga qaraganda yaxshiroq va muvaffaqiyatliroq harakat qilgan. U "MYU" afsonalaridan biri Gari Nevill jamoadan ketganidan so‘ng, uning o‘rnini to‘ldiradi. Rafael "MYU" bilan uchta APL titulini qo‘lga kiritgan. Braziliyalik himoyachi 2013 yildagi Fergyusonning iste’fosidan keyin Devid Moyes hamda Lui van Gal davrida asosiy jamoadagi o‘rnini yo‘qotib qo‘yadi. Shu sababli 2015 yilda "Lion"ga sotib yuborilgan.
Aderson
Bu futbolchi jamoadagi debyut mavsumidayoq katta muvaffaqiyatga erishadi. Aderson 2008 yilda "Chelsi"ni YECHL finalida taslim etgan zarbani yo‘llagan edi. Ammo yarim himoyachining keyingi ishlari unchalik ham omadli kechmadi. Chunki jarohatlar uni qiynab qo‘ygandi. Aderson "MYU"da 8 yil davomida 4 marta APL chempionligiga erishgan edi.
Fred
2018 yilda "MYU" Ukrainaning "Shaxtyor" klubidan 53 million funt evaziga Fredni xarid qilgandi. 29 yoshli yarim himoyachi hali ham "Old Trafford"da. Fred "MYU"ning sobiq futbolchisi Maykl Karrik tomonidan maqtovga sazovar bo‘lgan.
Fabiu
Fabiu yuqorida nomi keltirilgan Rafaelning egizagi edi. U 2008 yilda "Fluminense"dan sotib olinadi. Ammo u o‘z ukasi yo‘lidan yura olmadi va asosiy tarkibga kirishga qiynaldi. Fabiu "Manchester Yunayted" safida 50 dan ortiq o‘yinda qatnashib, 2011 yilda YECHL finalchisiga aylangandi. Afsuski, himoyachi 2014 yilda "Kardiff Siti"ga sotib yuboriladi.
Adreas Pereyra
Pereyra 2012 yilda "PSV" akademiyasidan olib kelinadi. Belgiyada tug‘ilib-o‘sgan braziliyalik futbolchi, hech qachon barqaror o‘yin ko‘rsata olmagan. U "MYU" safida Angliya kubogini yutishga erishgan xolos. Pereyra bu yozda "Fulxem"ga sotib yuborildi.
Aleks Telles
Ushbu braziliyalik futbolchi "Portu"dan xarid qilinadi. O‘shanda Telles ko‘plab shov-shuvlarga sabab bo‘lgandi. Ammo u ham o‘zidan kutilgan natijalarni bermadi. Aleks Telles asosiy tarkibda Lyuk Shouga kurashni boy bergan. Ayni damda u "Sevilya"ga ijaraga berilgan.
Kleberson
Jahon chempioni bo‘lgan futbolchi "MYU"ga "Atletiko Paranaense"dan olib kelinadi. Biroq, u klubdagi ikkinchi o‘yinidayoq jarohat oladi. Bu esa uning Angliyadagi faoliyatiga bolta uradi. Kleberson ikki mavsum davomida "MYU" bilan birga bo‘lib, atigi 28 ta o‘yinda qatnashadi. Shundan so‘ng uning manzili Turkiya bo‘ldi.
Rodrigo Possebon
Rodrigo 2008 yilda jamoaga olib kelingan. O‘sha payti uning kelajagi porloq deya ishonilgan. Ammo u liga kubogi bahsida dahshatli jarohat olgach, qayta o‘nglanmaydi. Bu esa futbolchining faoliyatidagi katta nuqta edi. Rodrigo ikki yarim yil davomida 8 marta maydonga tushdi. 2010 yilda esa Braziliyaga qaytib, "Santos"da o‘ynay boshladi. Ayni damda 33 yoshda bo‘lgan yarim himoyachi faoliyatini yakunlagan.
Shuningdek, bu ro‘yxatda yaqindagina "Ayaks"dan 100 million yevroga xarid qilingan Antoni ham mavjud. U mavsumning qolgan qismida debyut qilishi mumkin bo‘ladi.
ISMATOV J.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
