"Liverpul"da jarohatlar olganlar ko‘p: Nabi Keyta, Aleks Oksleyd-CHemberlen, Tiagu Alkantara va Kyortis Jons. Klopp yoz bo‘yi klub yangi yarim himoyachi sotib oladimi yoki yo‘qmi degan savollar bilan bezovta bo‘ldi, chunki sanab o‘tilgan o‘yinchilarning aksariyati maydonda emas.
Yurgen doimiy ravishda bir xil narsani takrorladi: tarkib to‘liq, hamma sog‘ bo‘lsa, biz muvozanatni o‘rnatamiz. Natijada - 36 yoshli Jeyms Milner va nominal vinger 19 yoshli Xarvi Elliott chempionlik da’vogarlari uchun maydon chiqishyapti.
“Bornmut”ga (9:0) qarshi o‘yin oldidan bo‘lib o‘tgan matbuot anjumanida nemis murabbiyidan yana bir bor kadrlar ahvoli haqida so‘ralganda, murabbiy o‘z va’dasini buzdi: “Bizga yarim himoyachi kerak emas, deb xato gapirgan ekanman. Ammo bu bizning transfer bozoriga bo‘lgan yondashuvimiz mohiyatini o‘zgartirmaydi. Agar biz kimnidir olib kelmoqchi bo‘lsak, u o‘yinchi tarkibimizga mos bo‘lishi kerak”.
Transfer oynasi yopilishiga atigi bir yarim kun qoldi, “Liverpul” esa hech kim bilan shartnoma imzolagani yo‘q. Yangi futbolchi sotib olishga ham juda oz vaqt qoldi. Quyida keltirilgan nomzodlardan biri jamoaga kelib qo‘shilishi kerak.
Sander Berge, “Sheffild Yunayted” 24 yosh
Chempionship jamoasining o‘yinchisi eng yaxshi variant emas, ammo skandinaviyalik yarim himoyachining "Liverpul"ga o‘tishi mumkinligi haqida xabarlar tarqalgan edi.
Berge Kloopning tavsifiga juda mos keladi. 195 santimetr bo‘yi bilan u hujumga mohirlik bilan bog‘langan zamonaviy yarim himoyachi sifatida shuhrat qozondi.
Moyses Kaysedo, “Brayton” 20 yosh
Kaysedoning "Liverpul"ga o‘tishi haqidagi mish-mishlar futbolchining vatani Ekvador matbuotida boshlangan bo‘lsa-da, tezda Angliyada ham paydo bo‘ldi. "Brayton" Moysesni 2021 yilda sotib oldi - "chayqalar" “Independiyente del Valle” futbolchisi uchun 5 million funt to‘lashdi.
Belgiyaning "Beersxote" jamoasida ijara asosida o‘tgan mavsumdan so‘ng, 20 yoshli yarim himoyachi Grem Potter jamoasidan joy oldi va joriy mavsumda Premyer-ligada to‘rtta to‘liq o‘yin o‘tkazdi.
Ruben Nevesh, “Vulverxempton” 25 yosh
Portugaliyalik yarim himoyachi uzoq vaqtdan buyon yuqori saviyada o‘ynaydi va "Liverpul"ga o‘tishi bilan bir necha transfer oynalari bo‘yicha qiziqish bildirishgan. Kuchli va texnik yarim himoyachi uzoq masofadan yaxshi zarba bera oladigan har qanday muxlisning orzusidir.
"Vulverxempton" bosh murabbiyi Bruno Laje Nevesh joriy mavsumda jamoada qolishiga "99 foiz" ishonchi komil ekanligini aytdi. Mish-mishlarga ko‘ra, "bo‘rilar" "Liverpul" bilan muzokaralarni umuman rad etishmagan, balki darhol futbolchiga narx belgilagan. Ruben faqatgina 100 million funt sterling evaziga transfer qilinadi.
Konrad Laymer, “RB Leypsig” 25 yosh
"Leypsig" bosh murabbiyi Domeniko Tedesko "Bavariya" qiziqishlari tufayli Laymerni shu yozda ketishini allaqachon rad etgan, ammo rahbariyat bu fikrni qo‘llab-quvvatlayotgani noma’lum. Konrad 2023 yilda jamoadan bepul ketishi mumkin.
Avstriyalik futbolchi uchrashuv davomida pressing qilishni yaxshi ko‘radi. Uning to‘p bilan va to‘pdan tashqari kuchli tomonlari Klopp tizimiga juda mos keladi.
Yuri Tilemans, “Lester Siti” 25 yosh
belgiyalik futbolchining amaldagi shartnomasi tugashiga atigi bir yil qoldi. Nega moliyaviy jihatdan qiynalayotgan “Lester” haligacha bozor qiymati yuqori va shartnomasi muddati tugaydigan futbolchisini sotmagani sir. Yoz boshida evening Standart nashri rahbariyat yarim himoyachini "Arsenal"ga 25 million funt sterlingga sotishga tayyorligini, ammo transfer amalga oshmagani haqida xabar bergandi.
CBC Sport jurnalisti Ben Jeykobs futbolchining "Enfild"da o‘ynash istagi haqida o‘rtoqlashdi: "U "Liverpul"ga o‘tish variantiga qarshi emas. Men buni bilaman, chunki avvalgi transfer oynalarida uning agenti Mersisayd klubidagi aloqalariga ushbu transferni faol ravishda targ‘ib qilgan.
Djud Bellingem, "Borussiya Dortmund", 19 yosh
Angliyalik yarim himoyachi allaqachon o‘z pozisiyasida dunyoning eng yaxshilaridan biri sifatida ye’tirof etilgan, garchi uni kamida 10-15 yillik yuqori darajadagi futbol kutib turibdi. "Liverpul"ning yarim himoyachiga qiziqishi bir yildan ko‘proq vaqtdan beri ma’lum va bir qator manbalar hatto Kloppning Birmingem akademiyasi bitiruvchisiga shaxsiy qo‘ng‘iroq qilgani haqida ham yozishgan.
"Borussiya" bu yozda Bellingem bilan xayrlashmasa kerak. Futbolchining shartnomasi 2025 yilgacha mo‘ljallangan, u Dortmundda baxtli va klub kelasi yozgacha futbolchi faqat qimmatlashishiga amin. "Liverpul" 2023 yilda futbolchi uchun kurash olib borishni rejalashtirgandi, ammo yarim himoyadagi jarohatlar inqirozi va mavsum boshida tashvishli natijalar "Liverpul" rahbariyatini hozir katta mablag‘ sarflashga undashi mumkin.