La Liganing dastlabki ikki turidan keyin turnir jadvalining yuqorisida «Vilyarreal» turibdi - Unai Emeri jamoasi avvalgi dam olish kunlari Madridda «Atletiko»dan 3 ochko tortib oldi - 2:0.
O‘yin juda keskin tus oldi, tomonlar navbati bilan xafvli vaziyatlar yaratishdi. Hisobni esa ikkinchi bo‘lim o‘rtalarida Jeremi Pino ochdi. «Vilyarreal» ikkinchi golni 90+7-daqiqada nishonladi - Jerar Moreno butun faoliyati davomida «Atletiko» darvozasini ilk marta nishonga oldi.
Morenoning «matraschilar» bilan o‘yinlardagi «quruq» seriyasi Ispaniyada allaqachon memlar mavzusiga aylangan edi. «Nega haligacha «Atletiko» darvozasiga gol urmaganman? Qachondir bu ishni uddalasam, osmon qulab tushishidan qo‘rqAman...», — deya hazillashgandi futbolchining o‘zi bu masalada. Xullas, Jerar «Atletiko»ga qarshi 16-o‘yinda «matraschilar»ga birinchi golini tortiq etdi. Futbolchi buni o‘z usulida nishonladi - tilini chiqargancha kameraga boqdi. Jerar odatda o‘z gollari sharafiga shu harakatni amalga oshiradi. Biroq Morenoning «til chiqarish» sahnasi «Atletiko» muxlislariga sira yoqmadii, ular bun ihaqorat o‘rnida qabul qilishdi va Jerarga nisbatan kuchli hushtakbozlik yangradi. Bosh hakam Rikardo Bengoechea esa Morenoning golni nishonlash usulini sportchiga xos bo‘lmagan harakat sifatida baholab, uni sariq kartochka bilan «siyladi». Natijada maydonda to‘s-to‘polon boshlanib ketdi.
Moreno o‘yindan keyin barchasini alohida tushuntirdi: «Meni yaqindan taniydiganlar yaxshi bilishadi, hech qachon kimgadir hurmatsizlik qilmayman. Golni nishonlashda kameraga qarashdan maqsad, shu tariqa uydagi qizlarimga salom yo‘llayman. Agar kimdir ranjigan bo‘lsa, kechirim so‘rayman. Aslida hech qanday yomon ish qilmadim, faqat buni haqorat sifatida ko‘rishdi. To‘g‘risi, bu holatda o‘zimni oqlash uchun qo‘limdan boshqa hech narsa kelmaydi». «Vilyarreal» esa Morenoga ko‘rsatilgan sariq kartochka bo‘yicha apellyasiya berishga chog‘lanmoqda.
«Vilyarreal» bosh murabbiyi Unai Emeri faoliyati davomida «Atletiko» ustozi Diyego Simeonedan ilk marta ustun keldi. Vaholanki, u argentinalik mutaxassis bilan oz emas, ko‘p emas naq 20-marta to‘qnashdi. Endi Emeri oldida yengilmas raqib sifatida birgina Xosep Gvardiola qoldi. Boz ustiga, u Pep bilan o‘zaro 12ta o‘yindan 8tasida mag‘lubiyatni tan olgan.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
