"Real Madrid" muxlislari uchun xushxabar: klub qaydnomasida Yevropa Ittifoqi pasportiga ega bo‘lmagan futbolchi qolmadi. Vinisius Ispaniya fuqaroligini qabul qildi. Futbolchi konstitusiya oldida qasam ichdi.
Vinisius ikki yil oldin imtihonlarni topshirgan, ammo pasport ololmagan edi. Braziliyalik futbolchi 2018 yildan beri “Real Madrid” safida to‘p tepadi – Ispaniya qonunchiligi Braziliya va Argentina aholisiga mamlakatda ikki yillik yashashdan keyin pasport olish imkoni beriladi. Shunday qilib, 2020 yilda Vinisius hujjatlarni topshirdi va ikkita imtihondan o‘tdi - til va milliy madaniyat. Lekin ba’zi muammolar kelib chiqdi.
Klub Ispaniya Adliya vazirligiga da’vo bilan chiqdi (bu milliy fuqarolikni berish bilan bog‘liq) - boshqa chet ellik sportchilar hech qanday muammosiz pasport olishgan (masalan, amerikalik basketbolchi Lorenso Braun - hozir u Ispaniya milliy terma jamoasida ishtirok etmoqda), Vinisius bilan esa bu qiyinchilik bilan amalga oshdi.
Madrid klubining asosiy da’vosi shundaki, boshqa xorijliklar Ispaniya bilan Vinisiusga qaraganda ancha kam bog‘liqlikka ega, braziliyalik futbolchidan keyinroq murojaat qilgan boshqa braziliyaliklar esa tezroq pasport olishgan. Kubalik yengil atletikachi Jordan Dias esa ushbu proseduraga bor-yo‘g‘i bir yil sarfladi va yuqorida aytib o‘tilgan basketbolchi Lorenso Braun Ispaniyada o‘ynagani ham yo‘q - u mamlakatga faqat o‘z jamoalari tarkibidagi o‘yinlar uchun kelgan.
"Real Madrid" uchun yana bir muammo yaponiyalik Takefusa Kubo va "Kastilya"ning yana bir futbolchisi Tobiasning ro‘yxatga olinishi bo‘ldi. Ikkalasini yoki hech bo‘lmaganda bittasini ham asosiy tarkibga o‘tkazishning iloji bo‘lmadi - Yevropa Ittifoqi pasportiga ega bo‘lmagan futbolchilar ichida Vinisius Junior, shuningdek, Eder Militao va Rodrigo Goes mavjud. Natijada Tobias hamon yoshlar jamoasida o‘ynamoqda, Takefusa Kubo esa kutishdan charchadi va bir necha ijara klublaridan so‘ng “Real Sosyedad” bilan doimiy shartnoma imzolash uchun jo‘nab ketdi. Darvoqe, ijara asosida o‘ynagan Reyner ham xuddi shu sabab bilan "Real"da o‘ynamaydi.
Juma kuni Vinisius Junior nihoyat Ispaniya fuqaroligini oldi. Militao va Rodrigo ushbu jarayonda bo‘lib turibdi - ispan OAVning yozishicha, bu ko‘pi bilan bir necha oylik masala.
"Real" yozda "Siti"dan Gabriel Jezusni sotib olishi mumkin edi - biroq xuddi shu byurokratiya Gabiga ham fuqarolik berishga xalaqit qilgan.
Kubo va Tobias pasport olish jarayonining yagona qurbonlari emas. "Real Madrid" Gabrielni Karim Benzemaga raqobatchi deb hisoblagan, ammo ushbu muammolardan keyin boshqa hech kim bilan shartnoma imzolashmagan va Mariano Dias bazadagi o‘rin uchun Karim bilan raqobatlasha qolgan.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
