"Manchester Yunayted" Fergyuson davrida Angliyaning eng kuchli futbol qudratiga aylagan edi. Fergyuson 2013 yilda jamoadan ketdi. Shundan buyon ko‘p narsa o‘zgardi.
Ser Aleks 1986 yilda "MYU"ga keladi. Uning jamoasi APLning ilk, 1992-93 yilgi mavsumini chempion sifatida yakunlaydi. Bu bilan muxlislarning 26 yillik orzusini ro‘yobga chiqaradi. Shundan keyin, Fergyuson ushbu klubda katta tarix yaratdi. Uning davrida klub 12 marta APLni, 5 marta Angliya kubogini, 4 ta liga kubogini, 2 marotaba YECHL yutgan hamda klublar o‘rtasidagi Jahon chempionatida zafar quchgan. Uning ketishi esa klubdagi futbolchilarga, kutilmaganda yomon ta’sir o‘tkazgan. Bu haqida sobiq "MYU" vakili Patris Evra shunday degandi:
"Fergyuson ketayotganini eshitish biz uchun o‘ta og‘ir bo‘lgandi. Yaxshi eslayman, liga yakunlanishiga ikki hafta qolganida Fergyuson mening yonimga kelib, shunday degan: "Patris matbuot mening ketishim haqida yozmoqda. Ammo, seng menga ishon, men yana 10 yil shu yerda bo‘laman".
Biroq, amalda bunday bo‘lmadi. U 2012-13 yilgi mavsumning so‘ngida jamoasini chempion qildi-yu, ular bilan xayrlashdi. Fergyusonning o‘rniga Devid Moyes olib kelinadi. U jamoa bilan 6 yillik bitimga imzo chekkandi. Ammo 10 oy ichida ishdan bo‘shatilgan. Chunki Moyes boshchilik qilgan "MYU", mavsumni 7 o‘rinda yakunlagan edi. Bu haqida, keyinchalik Moyes shunday degan: "Jamoaga Gvardiola, Mourinyo, Anchelotti yoki men kelishimizni ahamiyati yo‘q ekan, aslida. "MYU"dagi ish o‘ta murakkab. Men vaqtni o‘tkazganimdan afsusdaman. Chunki boshidanoq 10-12 oyda bu jamoani to‘g‘irlab bo‘lmasligini bilardim" (2016).
Keyinchalik, klubga Lui van Gal keldi. U 2015-16 yilgi mavsumni kuchli to‘rttalikda yakunlay olmagani sababli, ishdan olindi. Mourinyo va Sulsher davrlari nisbatan yaxshiroq edi. Ammo kutilgan natija - chempionlikka erishilmadi. Shu tufayli, ular jamoada qola bilmadi.
Erik ten Xag bugungi kunda "MYU"ni boshqarmoqda. Ammo uning vazifasi ham juda murakkab. Klub APLni yutmaganiga qariyb 10 yil bo‘ldi. Bu vaqt oralig‘ida esa raqib jamoalar kuchayib bordi...
Quyida 2013-14 yilgi mavsumdan boshlab to hozirga qadar klublarning umumiy ochkolar yig‘indisiga ko‘z tashlaymiz. Demak, Fergyuson ketganidan buyon umumiy turnir jadvali quyidagicha ko‘rinish olgan.
(Eslatma: Ro‘yxatda so‘nggi to‘qqiz yilda APLdan tushib ketmagan 10 ta jamoa mavjud. Shuningdek, bu jamoalarning hammasi 349 tadan o‘yin o‘tkazgan)
1. "Manchester Siti" - 784 ochko
2. "Liverpul" - 723 ochko
3. "Chelsi" - 671 ochko
4. "Tottenxem" - 647 ochko
5. "Arsenal" - 637 ochko
6. "MYU" - 626 ochko
7. "Everton" - 484 ochko
8. "Vest Xem" - 452 ochko
9. "Sautgempton" - 442 ochko
10. "Kristal Pelas" - 410 ochko
ISMATOV J.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
