Toni Kroosning so‘zlari futbol olamida e’tiborsiz qolmadi.
Nemis yarim himoyachisi OMR podkastida o‘zining professional faoliyatini tahlil qildi va ayrim nozik masalalar, jumladan Superliga va jahon chempionati haqida o‘z fikrini bildirdi.
Madridga ko‘chib o‘tish qarori haqida
- O‘sha paytda bu men qila oladigan eng yaxshi ish hamda sport va shaxsiy hayotimdagi katta qadam edi, chunki men 24 yoshda edim, o‘g‘lim bor edi, tilni bilmasdim. Siz dunyodagi eng katta klubga kelasiz va deyarli darhol ish boshlashingiz kerak. O‘z hayotingizni tartibga solishingiz va shu bilan birga maydondagi birinchi kundanoq boringizni berib ishlashingiz kerak, go‘yo o‘n yildan buyon shu yerda bo‘lgandek. Xudoga shukur, hammasi zo‘r bo‘ldi.
«Qirollik klubi» prezidenti haqida
- Men unga juda yaqinman, u yaxshi qalbli odam. Birinchi kundanoq u meni o‘z klubiga qo‘shib olayotganidan xursand ekanligini his qildi. Vaholanki, bu «Real Madrid»dek klub uchun odatiy emasdi.
Florentino Peresning ishonchi haqida
- Sakkiz yildan beri «Real Madrid»daman va biz birinchi kundanoq yaqinmiz. Bilaman, bu sakkiz yil ichida u meni sotish haqida bir soniya ham o‘ylamagan. O‘shanda «atigi» 25 million yevroga o‘tgandim va albatta u meni keyinroq kattaroq summaga sotishi ham mumkin edi.
«Madrid» muxlislari haqida
- Klub bilan yaxshi munosabatdaman, bu menga juda yoqdi. Prezident, jamoa, muxlislar... shuning uchun ham bu yerdan ketmayman.
Superliga haqida
- Hech qachon o‘z prezidentingni ro‘yxatdan o‘chirma (kuladi). Superliga ancha oldin boshlanishi kerak edi, menimcha, uning ishga tushishi biroz vaqt talab etadi va men uni o‘yinchi sifatida ko‘rmayman. Bu boradagi fikrim shunday: men hali ham bunga ishonaman, lekin qachon bo‘lishini ayta olmayman.
Ingliz klublarining «xayoliy ustunligi» haqida
- Bu yil APL klublari hech qanday xalqaro chempionlikni qo‘lga kiritishmadi. Ko‘p yillar davomida Angliyada televideniye huquqlari bo‘yicha daromadlar sezilarli darajada yuqori bo‘ldi, ammo baribir bu ingliz jamoalarining barchasida g‘alaba qozonishiga olib kelmadi.
Krishtianu Ronaldu haqida
- U kunlik mashg‘ulotlarga aql bovar qilmaydigan vaqt sarflaydi. U juda mehnatkash va bu muvaffaqiyatga erishishning yagona yo‘lidir.
Terma jamoani tark etishi haqida
- Terma jamoadan ketganimdan keyingi birinchi yilni yaxshi eslayman: Chempionlar ligasi finalida ham ajoyib formada edim. Demak, bu menga shunday qaror qabul qilish huquqini beradi.
Qatardagi jahon chempionati haqida
- Qatardagi jahon chempionati bilan bog‘liq xato o‘n yil oldin qilingan.
M.PO‘LATOV tayyorladi
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
