O‘zbekiston Milliy olimpiya qo‘mitasida dzyudo bo‘yicha 6-13 oktyabr kunlari yurtimiz mezbonligida tashkil etilayotgan 35-jahon chempionatiga bag‘ishlangan matbuot anjumani bo‘lib o‘tdi.
Unda MOQ raisi o‘rinbosari, mamlakat dzyudo federasiyasi raisi Azizjon Kamilov, federasiya bosh kotibi Ulug‘bek Kabulov, rais o‘rinbosari Shokir Mo‘minov, terma jamoalar menejeri Eldor Qahhorov, olimpiya o‘yinlarining uch karra bronza medali sovrindori, ikki karra jahon chempioni Rishod Sobirov, dzyudo faxriylari hamda ommaviy axborot vositalari xodimlari ishtirok etishdi. Umumiy mukofot jamg‘armasi 1 000 000 yevroni tashkil qiluvchi jahon chempionatida sayyoramizning 5 qit’asi 87 davlatidan jami 584 (315 erkak, 269 ayol) nafar dzyudochi 14 ta vazn (7 ta erkaklar, 7 ta ayollar) toifasida medallar hamda Parij-2024 Olimpiadasining qimmatli reyting ochkolari uchun tatamiga chiqadilar.
Matbuot anjumanida musobaqaga olib borilayotgan so‘nggi tayyorgarlik ishlari, ishtirokchilar va rasmiylar uchun ajratilgan mehmonxonalarning shayligi, murabbiylar tomonidan e’lon qilingan terma jamoamizning yakuniy tarkibi, ommaviy axborot vositalarining akreditasiya hamda chempionatni yoritish bilan bog‘liq qator dolzarb masalalar yuzasidan axborot berildi.
Ma’lumot uchun, ayni paytda erkaklar terma jamoamiz Samarqandda, qizlarimiz esa Chirchiq shahrida jahon chempionatiga tayyorgarlikning so‘nggi bosqichini o‘tkazishyapti.
Federasiya raisi Azizjon Kamilov yurtimiz tarixida ilk bor tashkil etilayotgan jahon chempionatini yuqori saviyada tashkil etilishida davlatimiz rahbari hamda hukumatimiz tomonidan katta e’tibor qaratilayotgani, mehmonlar O‘zbekistondan a’lo kayfiyatda qaytishlari uchun barcha sa’y-harakatlar amalga oshirilayotganini urg‘uladi.
O‘zbek dzyudosi afsonasi Rishod Sobirov faoliyati davomida orttirgan katta tajribasiga tayangan holda o‘z tavsiyalarini berdi. Parij va Tokioda o‘tgan jahon chempionatlarida oltin medalni qo‘lga kiritgan Sobirov bu musobaqa Olimpiadadan ko‘ra kuchliroq bo‘lishini urg‘uladi.
Matbuot anjumani o‘tkazilayotgan bir paytda jahon chempionatining ilk delegasiyasi - Xitoy terma jamoasi poytaxtimizga yetib keldi. Islom Karimov nomidagi Toshkent xalqaro aeroportida Chin yurti vakillari kutib olindi va ular uchun ajratilgan mehmonxonaga joylashtirildi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
