Ronaldo nomi tilga olinganida ko‘pchilik chalkashishi mumkin. Ammo bugun biz hammaga ma’lum bo‘lgan Ronaldu emas, balki braziliyalik Ronaldoning hayoti haqida qisqacha hikoya qilmoqchimiz. Xabar qilinganidek, braziliyalik afsonaning hayoti hujjjatli filmga muhrlanmoqda. "DAZN" kanali u haqida allaqachon film suratga olishni boshlab yuborgan. Uning o‘yinchi sifatidagi hayoti – Jahon chempionatidagi muvaffaqiyati, "Barselona", "Inter" hamda "Real" kabi yettita klub safida qilgan ishlari kinotasmaga muxrlanadigan bo‘ldi. Quyida "Il fenomeno" borasida ayrim faktlar taqdim etiladi.
Sport tovarlari ishlab chiqaruvchisi bo‘lgan "Nike" konserni Ronaldo bilan bir umrlik bitim tuzgan. Ushbu shartnomaning umumiy qiymati 160 million funt-sterlingni tashkil etadi.
Aytgancha, yuqoridagi film Ronaldoning futbolchilik faoliyatidan tashqari, uning klub egasi sifatida qilgan ishlarini ham o‘z ichiga olishi aytilgan.
U uchta klubga – "Kruzeyro" "Real Valyadolid" hamda "Fort Loderdeyl"ga sarmoya kiritadi. Ronaldoning homiyligi ostida "Valyadolid", o‘tgan mavsumda La-ligaga yo‘l olishga muvaffaq bo‘lgandi. Shuningdek, "Kruzeyro" ham yaqindagina Braziliya oliy ligasida o‘ynash huquqini qo‘lga kiritgan.
Ronaldo qaysidir ma’noda o‘z biznes imperiyasini yarata olgan. U 2011 yilda o‘z futbolchilik faoliyatini tugatadi. Ko‘p o‘tmay, AQSHning "Fort Loderdeyl" klubi aksiyalarining bir qismini sotib oladi. 2018 yilda esa "Valyadolid"ning yirik askiyadoriga aylangan. 51 foiz aksiya, u uchun 30 million funtga tushgan. Hozirga qadar braziliyalik afsonaning ispan klubidagi ulushi 82 foizni tashkil etmoqda.
Ronaldo sport marketingi agentligiga ham asos solgan. Ammo bu loyihaning ishlari rejadagi kabi ketmadi, ancha yo‘qotishlar yuz berdi.
Yuqorida Ronaldo va "Nike" o‘rtasidagi bitim haqida ma’lumot bergan edik. Maykl Jordanning ortidan Ronaldo ham "Nike" bilan bir umrlik bitimga imzo chekkan. Bu hamkorlik orqali sobiq futbolchi 160 million funt ishlab oladi. Bugun "Nike" Ronaldo nomidan foydalangan holda "R9" butsalarini ishlab chiqarmoqda. Ushbu mahsulot nisbatan ancha arzonligi bilan o‘ziga xosdir. Hatto APL futbolchilari ham aynan "R9" butsalarini ko‘plab xarid qiladi. Uning narxi esa 300 funtgacha.
O‘tmishda hamma uchun sevimli bo‘lgan futbolchi bugun o‘ziga xos yo‘ldan, eng asosiysi, futbolga aloqador yo‘ldan bormoqda.
ISMATOV J.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
