Hozirda butun Angliya Bellingemlarni maqtamoqda. Ha, «Borussiya» D. vakili Judning ukasi ham istiqbolli futbolchi sifatida ko‘zga tashlanmoqda. Aytish joiz, aka-uka Bellingemlar bir-birlariga shu qadar o‘xshashki, ularni bir qarashda farqlash oson emas.
Job Bellingem ham yarim himoyachi va ayni payt «Birmingem» klubi sharafini himoya qilmoqda. O‘tgan hafta Jud Bellingem YEML turniridan o‘rin olgan Germaniya termasiga qarshi o‘yinda Angliya milliy jamoasining eng yaxshi futbolchisi sifatida e’tirof etilgan bo‘lsa, uning ukasi Ispaniyada tashkillashtirilgan «Pinatar» kubogida shu maqomga erishdi. Oddiy aytganda, kichik Bellingem Angliya U-18 jamoasining Niderlandiya, Farer orollari va Belgiya yoshlar termalariga qarshi o‘yinlarida o‘zini ko‘rsatdi.
Job yaqindagina «Birmingem» bilan birinchi professional shartnomasini rasmiylashtirdi. Eslatma, Angliya futboli qonunlariga ko‘ra, 17 yoshga to‘lmagan futbolchi professional darajada bitim tuzolmaydi, shuning uchun Jobning biroz kutishiga to‘g‘ri keldi. Aslida Dortmund «Borussiya»si kichik Bellingemni ham o‘z tomoniga og‘dirmoqchi. Germaniya jamoasi ehtimolki, maydonda «10-raqam» rolini bajaradigan yosh yarim himoyachini olish evaziga katta Bellingemni yangi shartnoma tuzishga ko‘ndirishni rejalashtirayotgandir. Nemislarning yosh futbolchi transferi bo‘yicha harakatni davom ettirishayotgani yoki bu variantdan voz kechishgani haqida hozircha ma’lumot yo‘q. Bild va Daily Mail nashrlari ma’lumotlariga qarasak, ular Jobga ancha oldin e’tibor qaratishgan. Zero, u 16 yoshidayoq maydonda yaqqol ko‘zga tashlangan edi.
Job Bellingem «Birmingem»ning asosiy tarkibida aynan 16 yoshida debyut qildi. Aniqrog‘i, u yanvar oyida Angliya kubogi doirasida «Pli-mut»ga qarshi kechgan o‘yinda zaxiradan maydonga tushdi. Chempionshipning joriy mavsumi esa 3ta uchrashuvda qatnashishga ulgurdi. Qarangki, Jud ham «Birmingem»dagi debyutini 16 yoshida nishonlagan va «ko‘klar» safida 44ta o‘yin o‘tkazgach, Dortmund «Borussiya»siga yo‘l olgandi. O‘shanda Germaniya klubi yosh yarim himoyachi transferiga 25 million funt ajratgandi. Ma’lumot uchun, Jud Bellingem futbol tarixida 17 yoshlilar orasida eng qimmatbaho o‘yinchiga aylangan edi. Endi esa «Borussiya» bu futbolchi uchun «Liverpul», «Real», «Manchester Siti» kabi da’vogarlardan 130 million funt sterling so‘ramoqda. Agar xaridorlar shuncha to‘lashni istashmasa, «Borussiya» o‘z tarkibida aka-ukalar tandemini hosil qilar balki. Voqealar shunday rivojlansami, dortmundlik muxlislar ikkisini ajratishda ancha qiynalishadi. Zero, Jud va Job tashqi ko‘rinish bilan bir-biriga juda o‘xshash...
D.ALIMOV tayyorladi
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
