Bugun O‘FA birinchi vise-prezidenti Ravshan Irmatov raisligida hududlarda futbolni rivojlantirish bo‘yicha olib borilayotgan ishlar, o‘tkazilgan musobaqalar va mavjud kamchiliklar tahliliga bag‘ishlangan yig‘ilish bo‘lib o‘tdi.
Unda O‘FA rahbariyati, futbol akademiyalari mutasaddilari, texnik direktorlari va bolalar-o‘smirlar futboli bo‘yicha mas’ul mutaxassislar ishtirok etdi.
Kun tartibiga ko‘ra, dastlab “Professional futbol maktablari” O‘zbekiston chempionati uchrashuvlari tahliliy ma’lumotlar asosida muhokama qilindi. Musobaqa davomida yo‘l qo‘yilgan kamchiliklar qattiq tanqid ostiga olindi va mutasaddilarga ogohlantirish berildi. Bu masalaga jiddiyroq yondashish kerakligi, bolalar futboliga har qachongidan ko‘proq mas’uliyat bilan qarash shartligi aytildi.
Joylardagi futbol akademiyalari faoliyati, xususan turli yosh toifasidagi O‘zbekiston terma jamoalari va klublar uchun futbolchilarni tayyorlab berish ko‘rsatkichlari tahlil qilindi. Akademiya rahbarlariga murabbiy va seleksionerlar faoliyatini monitoring qilish, mashg‘ulotlarini nazorat ostiga olish, yoshlar ta’lim-tarbiyasiga jiddiy e’tibor qaratish, o‘tgan musobaqalarni tahlil qilish, o‘quv-yig‘in mashg‘ulotlarda yo‘l qo‘yilayotgan xatolarni qayta ko‘rib chiqish bo‘yicha topshiriq berildi.
Bundan tashqari, terma jamoalarga futbolchi yetkazib berish, maktablardagi mavjud shart-sharoitlar, musobaqalardagi ishtirok va futbolchilarning tartib-intizomi kabi mezonlar asosida akademiyalarning faoliyatini KPI-tahlil orqali baholash bo‘yicha vazifa belgilandi.
Shuningdek, yig‘ilishda yosh futbolchilar maqomi va ularning klublarga ko‘chib o‘tishini tartibga soluvchi yagona turdagi shartnomani huquqiy jihatdan o‘rganish va qayta ishlab chiqish bo‘yicha topshiriq berildi.
Hududlardagi mutasaddilar va yig‘ilish ishtirokchilari yechimini kutib turgan bir qator masalalar hamda ayrim vazifalar yuzasidan o‘z takliflarini bildirib o‘tdilar. Uchrashuvda barcha yo‘nalishlar bo‘yicha mas’ullar belgilanib, ularga tegishli topshiriqlar berildi, ijro nazorati esa doimiy olib borilishi ma’lum qilindi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
