Superliganing 2022 yilgi mavsumi yakuniga yana 3 ta tur qoldi. Ayni vaqtga kelib sovrinli o‘rinlar masalasi, Pro ligaga yo‘l oluvchi ikkinchi jamoa nomi hamda pley-off uchrashuvi ishtirokchisi aniq bo‘lib ulgurmagan. Har tur va har bir bellashuv qiziqarli, kurashlarga boy o‘tayotgani milliy chempionat uchrashuvlariga fayz kiritmoqda, deya olamiz.
O‘zbekiston Professional futbol ligasi Qatar mezbonligidagi jahon chempionatini inobatga olib, -cola Superliga so‘nggi turini bahordayoq 19 noyabrga rejalashtirgandi. Biroq O‘zbekiston milliy terma jamoasining 16 noyabr kuni Qozog‘istonga qarshi bellashuvda maydonga tushishi masalasi kuz oyida ma’lum bo‘ldi. Natijada biz 26-turni 11 noyabrga qadar surish rejasini ishlab chiqdik. Boisi, milliy terma ustozi Srechko Katanes terma bilan yig‘inni 12 noyabrda boshlashni rejalashtirgan.
Ma’lum bo‘lishicha, 11 noyabr kuni Samarqand shahri Turkiy davlatlar tashkiloti sammitiga mezbonlik qiladi. Samarqand ketma-ket ikkinchi bor yirik tadbirni qabul qilayotganidan kelib chiqib, MTRK texnikalari 11 noyabr kuni mazkur shaharga jalb etiladi.
Shu kuni Samarqand shahrida «Dinamo» hamda «Qo‘qon-1912» jamoalari o‘rtasidagi uchrashuv bor. Qolaversa, so‘nggi tur bellashuvlari Reglament asosida bir vaqtda start olishi ta’minlanishi kerak. Tabiiyki, mazkur jarayonda hal qiluvchi 7 ta bellashuvni o‘tkazish translyasiya masalasida muammolar keltirib chiqaradi. Televideniye biror ob’ektga o‘z texnikalarini o‘rnatib, uni qayta demontaj qilishi jarayoni ham bir necha soatlarga cho‘ziladi. Shunga qaramay, MTRK bilan hamkorlikda barchasini tezlashtirish chora-tadbirlari ko‘rilmoqda. Bu esa Superliga so‘nggi tur uchrashuvlari bir kunga kechiktirilishini talab etadi.
So‘nggi tur bellashuvlari muxlislarga yaxshi futbol uchrashuvlarini taqdim etishiga shubha yo‘q. Bu jarayonda shaffoflikni ta’minlash uchun O‘zPFL bellashuvlarning jonli efirga olib chiqilishidan manfaatdor. Mazkur jihatlar inobatga olinib, 26-tur 12 noyabr kuni bo‘lib o‘tadi. Futbol muxlislari hamda Superliga ishtirokchilaridan mazkur vaziyatni to‘g‘ri tushunishlari so‘raladi.
O‘z navbatida MTRKga vaziyatdan chiqish uchun biz kabi rejalarini o‘zgartirayotgani hamda barcha uchrashuvlarni jonli efirga olib chiqishdagi harakati uchun minnatdorchilik bildiramiz.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
