JCH-2022 Qatar va Ekvador terma jamoalari o‘rtasidagi o‘yin bilan ochildi va janubiy amerikaliklarning 2:0 hisobidagi g‘alabasi bilan yakunlandi. Bugun, 21 noyabr kuni esa yana oltita jamoa uchun turnir boshlanadi. Quyida ushbu uchrashuvlar haqidagi asosiy ma’lumotlar keltirilgan.
Angliya - Eron
Yevropa vise-chempionlari “Xalifa” stadionida Osiyo terma jamoasi bilan uchrashadi. U Dohada joylashgan bo‘lib, 45 000 dan ortiq tomoshabinni sig‘dira oladi. O‘yin Toshkent vaqti bilan 18:00da boshlanadi. Ushbu o‘yinda Rafael Klaus boshchiligidagi braziliyalik hakamlar brigadasi ishlaydi. Uchrashuv Sport TV telekanalida jonli efirda namoyish etiladi, translyasiya soat 17:45da boshlanadi.
Mutaxassislar va ko‘plab muxlisalar ushbu uchrashuvda Angliyani favorit hisoblamoqda sizning fikringiz qanday? Izohlarda yozib qoldiring!
Senegal - Niderlandiya
Niderlandiya terma jamoasi turnirdagi ilk uchrashuvini Senegal bilan o‘tkazadi. Afrika terma jamoasi Sadio Maneni jarohati tufayli yo‘qotdi, bu esa guruhdan chiqish vazifasini sezilarli darajada qiyinlashtiradi. Uchrashuv Dohadagi 40 000 muxlisni sig‘dira oladigan "El Tumama" stadionida bo‘lib o‘tadi. O‘yin soat 21:00da boshlanadi. Ushbu uchrashuvda ham Braziliya hakamlar brigadasi ishlaydi, biroq uni Vilton Sampaio boshqaradi. Uchrashuvni Sport TV jonli efirda namoyish etadi, jonli efir boshlanishi soat 20:45ga belgilangan.
Ushbu terma jamoalarning tarixiga qarar ekanmiz, ular bir-biri bilan hech qachon o‘ynamagani guvohi bo‘lamiz. Shuning uchun uchrashuv natijasini oldindan tahmin qilib bo‘lmaydi.
AQSH - Uels
Ikkinchi o‘yin kunini yakunlab beruvchi uchrashuv Ar Rayyan shahrida joylashgan "Ahmed bin Ali" stadionida bo‘lib o‘tadi. Ushbu arena 40 mingdan sal ko‘proq odamni sig‘dira oladi va uchrashuv Toshkent vaqti bilan 00:00da boshlanadi. O‘yinni Sport TV orqali jonli efirda tomosha qilishingiz mumkin, translyasiya 23:45da boshlanadi. Uchrashuvda Abdulrahmon Al Jassim boshchiligidagi Qatarlik hakamlar brigadasi ishlaydi.
Ilgari jamoalar o‘zaro ikki marta to‘qnash kelishgan, har ikki holatda ham bu o‘rtoqlik uchrashuvlari bo‘lgan. 2003 yilda Qo‘shma Shtatlar raqibni 2:0 hisobida mag‘lub etgan edi va 17 yildan keyin o‘tkazilgan o‘yin esa golsiz yakunlandi.
22 noyabr kuni bizni birdaniga to‘rtta o‘yin kutmoqda: Argentina - Saudiya Arabistoni, Daniya - Tunis, Meksika - Polsha va Fransiya - Avstraliya. Shu kuni amaldagi jahon chempionlari ham, so‘nggi Amerika kubogi g‘oliblari ham maydonga tushishadi. Bu qiziqarli bo‘ladi, degan umiddamiz!
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
