Bugun butun dunyo Ronalduning «MYU»dan achinarli holda ketganini biladi. U ilk bor bu jamoani 2009 yilning yozida, 80 million funt evaziga tark etgan. O‘shanda Ronaldu «Real»ga ketgan edi. Shundan keyin «Manchester Yunayted» Ronalduning o‘rnini to‘ldirish uchun bir nechta variantlarga ega bo‘lgan. Quyida 2009 yildagi «MYU»ning hujumdagi nishonlari va ularning taqdiri haqida gaplashamiz.
Karim Benzema
Benzema «MYU» nazariga «Lion»dagi o‘yinlaridan keyin tushgandi. Fergyuson Benzemani jamoaga qo‘shib olishga kirishadi, ammo «Real» bilan jiddiy raqobatga duch keladi. «MYU» ham «Real» ham «Lion» uchun yetarli pul taklif qilgan. Ammo Benzemaning o‘zi Madridga ketishni afzal bilgandi. Shu sababli «qizil iblislar» Ronalduning o‘rnini 29 yoshli Maykl Ouen bilan yopishga majbur bo‘ladi.
Frank Riberi
Ronalduga eng munosib o‘rinbosar sifatida o‘sha paytda Riberi e’tirof etiladi. U «Bavariya»ni tark etishga tayyor edi. «Guardian» nashri bergan bergan xabarda aytilishicha, 2009 yilda «MYU» Riberi uchun 62,5 million funt taklif qiladi. Fransiyalik vingerga «Chelsi», «Barselona» va «Real» ham qiziqish bilan qarayotgandi. Ammo «Bavariya» barcha takliflarni rad etadi va futbolchini Germaniyada qolishga ko‘ndiradi. 38 yoshli futbolchi 2022 yilning oktyabr oyida faoliyatini tugatganini ma’lum qilgandi.
Samyuel Eto'o
«Barselona» safida «MYU»ga qarshi urgan goli, Eto'oni katta sahnaga olib chiqdi. Unga Manchesterning ikki klubi qiziqa boshlaydi. Kamerunlik futbolchining narxi 18 million atrofida edi. Ammo kataloniyaliklar rahbariyati Samyuelni «Milan» bilan, Ibragimovichga almashtiradi. Eto'o APLga 2013 yilda keladi. Ammo uning manzili «Chelsi» edi. 2019 yilning sentyabrida afsonaviy hujumchi futbolchilik faoliyatini tugatdi.
David Vilya
Vilya uchun 2009 yilda «MYU» 47 million funt taklif etadi. Ammo ispaniyalik hujumchi o‘z yurtida qoladi va 2010 yilda «Barselona»ga o‘tadi. 2013 yildan boshlab esa «Atletiko» sharafini himoya qila boshladi. Horzirda 39 yoshni qarshi olgan sobiq futbolchi Amerika, Avstraliya va Yaponiya chempionatlarida harakat qildi. U 2019 yilning noyabrida futbolchilik bilan xayrlashdi.
David Silva
Sobiq «Velensiya» futbolchisi «MYU» uchun jiddiy nishonga aylanadi. Ammo «Old Trafford»ga ko‘chib o‘tish amalga oshmay qoldi. U bir yildan keyin «Manchester Siti»ga, 25 million funt evaziga o‘tadi. Silva «shaharliklar»ning haqiqiy afsonasiga aylandi. U 10 yil davomida «Manchester Siti» bilan 4 marta Angliya chempioni bo‘ldi. 2 ta mamlakat kubogini, 5 ta liga kubogini qo‘lga kiritdi. 35 yoshli yarim himoyachi 2020 yilda «Real Sosyedad»ga yo‘l olib, u yerda Ispaniya kubogiga ega chiqdi.
ISMATOV J.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
