Rossiyalik futbol mutaxassisi Dmitriy Alenichev zamonaviy futbol yulduzlari — Lionel Messi va Krishtianu Ronaldu o‘rtasidagi raqobatning bugungi natijasi haqida fikr bildirdi.
«Santush jahonning eng yaxshi futbolchilaridan birini katta sahnadan olib qo‘ydi. Boz ustiga, Ronalduning o‘zi ham so‘nggi paytlarda ko‘p ishlashdan ko‘ra ko‘proq gapirayotgandi. Biz buni dastlab «MYU»da, keyin esa Portugaliya terma jamoasida ko‘rdik. Matbuotda tarqatilgan xabarga ko‘ra, Krishtianu Shveysariyaga qarshi o‘yinda asosiy tarkibga kirmasligini bilgach, terma jamoa bazasini tark etishiga bir baxya qolgan.
Bularning barchasi futbolchining sport formasiga albatta ta’sir qiladi. Bir bo‘lim davomida raqib darvozasi tomon atigi bir marta zarba berish... Bu esa Krishtianu optimal formadan uzoqda ekanini yaqqol ko‘rsatib turibdi.
Bundan tashqari, hakamning hushtagidan so‘ng u "kema"ni birinchi bo‘lib tark etdi. Uning jamoadoshlari esa, ko‘zda yosh bilan bo‘lsa-da, muxlislarga minnatdorchilik bildirishdi. Ronaldu kiyinish xonasida yig‘lab o‘tirdi...
Axir sen jamoa bilan birga maydonda qolishing kerak! O‘z muxlislaringga minnatdorchilik bildir, barcha bilan birgalikda maydonni tark et. Mana shunda sen haqiqiy sardor bo‘lasan! Bu masalada Messi Ronalduning aksi. Jamoa muvaffaqiyatsizlikka uchragan paytda Leo birinchi bo‘lib kiyinish xonasiga kirib ketmagan bo‘lardi.
Ronaldu terma jamoa safida so‘nggi o‘yinini o‘tkazdimi? Bunga shubham bor. U hali o‘ynasa kerak. Terma jamoaga yangi murabbiy kelsa, u bilan gaplashib oladi. Har holda Krishtianu – muhim figura. Agar u keyinchalik terma jamoa libosida maydonga tushadigan bo‘lsa, Portugaliyaga foydali bo‘ladi.
Ammo Ronaldu Messidan o‘rnak olishi kerak. Argentinalik futbolchining xulqi — namuna. Shunday bo‘lishga intilish kerak. Azaliy bahsda Leo g‘alaba qozondi. Mutlaq g‘alaba!
Darvoqe, mazkur jahon chempionati Messi uchun oxirgisi bo‘lishiga ishonchim komil emas. To‘rt yildan keyin u 39 yoshda bo‘ladi. Boz ustiga, Leo bir o‘yinda 12 km yugurishi kerak emas, unga 5-6 km yetadi. Qaysidir pallada birdan "portlab", o‘yin taqdirini hal qilsa bo‘lgani.
U Qatarda qanchalik samarali harakat qilayotganini ko‘ryapmiz. Har bir o‘yinda yo gol uryapti, yoki golli uzatmani amalga oshiryapti. Mahorat hech qayoqqa yo‘qolmaydi. Boz ustiga, Leo – professional, rejimga qat’iy amal qiladi. Shunday ekan, JCH-2022dan keyin men u bilan xayrlashmagan bo‘lardim», – dedi Alenichev.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
