KXDRda Janubiy Koreya milliy jamoasining JCH-2022dagi faqat bitta o‘yini namoyish etildi.
Tushunarliki, Braziliya termasiga qarshi kechgan va koreyslarning yirik hisobli mag‘lubiyatlari bilan xotima topgan uchrashuvni! Ko‘rinishidan, KXDR davlat televideniyesi Janubiy Koreya futbolining 1|8 finaldagi omadsiz o‘yinini bejiz namoyish etmagan. Binobarin, Shimoliy Koreyada janublik millatdoshlarning har qanday muvaffaqiyatsizliklari alohida nishonlanishi odat tusiga kirib ulgurgan...
Xullas, NK News xabariga ko‘ra, KXDR markaziy televideniyesi Janubiy Koreya termasining JCH-2022 1|8 finalidan o‘rin olgan omadsiz o‘yinini translyasiya qildi, xolos. Eslatma, Son Xyun Min va uning jamoadoshlari bu bahsda braziliyaliklarga teng kelolmay, 1:4 hisobida yutqazishdi va turnirdan chiqib ketishdi. Umuman, KXDR hududida joriy jahon chempionatining aksariyat o‘yinlari 1-2 kunlik kechikish bilan nomoyish etildi. Ayniqsa, AQSH va Yaponiya termalari ishtirokidagi bahslar. Ammo Janubiy Koreya termasining guruh bosqichidan o‘rin olgan biror uchrashuvi efirga uzatilmadi.
Qo‘shimcha qilinishicha, KXDRda Janubiy Koreya va Yaponiya milliy jamoalarining JCH-2014dagi o‘yinlari ham ko‘rsatilmagandi. JCH-2018da esa faqat yaponlar ishtirokidagi bahslar «qora ro‘yxat»ga tushirilgan. Oddiy aytganda, Yaponiya va AQSH termalari o‘yinlari (ayniqsa, bu jamoalar g‘alaba qozonsa)ni ko‘rsatish KXRD milliy televideniyasi uchun noodatiy holdir.
E’tiborli tomoni, Janubiy Koreya va Braziliya o‘rtasidagi o‘yin boshlanishidan oldin KXDR televideniyesi sharhlovchisi janublik qo‘shnilar jamoasi tarkibini to‘liq e’lon qildi - bunisi endi shimolliklar uchun g‘ayrioddiy holat. Zero, odatda KXDRda Janubiy Koreya ishtirokidagi sport musobaqalariga e’tibor qaratilmaydi, o‘yinlar ko‘rsatilgan taqdirda ham, janubliklar ism-familiyasi tilga olinmaydi. Bundan tashqari, o‘yin translyasiyasida maydon cheti va stadion atrofiga joylashtirilgan reklamalar senzurasiz namoyish etilgani yangilik bo‘ldi. Shu tariqa yopiq mamlakat fuqarolari Coca Cola va Hyundai kabi turli kompaniyalar mahsulotlari reklamasini ko‘rishdi. Vaholanki, bu brendlar KXDRga hali kirmagan.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
