Yaqinda Leo Messi Argentina prezidenti bo‘lishi mumkinligi haqida mish-mish paydo bo‘ldi. Biz hammamiz yaxshi bilamizki, sport siyosatdan tashqarida, degan "klishe" bor. Albatta, butunlay siyosat sport bilan bog‘langan. Buni isbotlaydigan ko‘plab sportchilar bor. Dunyoda, aslida, ko‘plab futbolchilar faoliyatini yakunlaganidan so‘ng, o‘zlarining shon-shuhratlarini va ularga ko‘rinib turganidek, odamlar manfaati uchun o‘zlarining aqlli fikrlari va g‘oyalarini siyosiy martabaga aylantirishga harakat qilmoqdalar. Endi siyosatga kirishga qaror qilgan jahonga mashhur futbolchilarni eslash vaqti keldi.
Jorj Vea
Ehtimol, sobiq futbolchilar orasida eng mashhur va muvaffaqiyatli siyosatchi. Futbolchi sifatida u yaxshi yutuqga erishdi - 1995 yilda "Oltin to‘p"ni qo‘lga kiritdi. Va 2005 yilda, Liberiyada Ikkinchi fuqarolar urushi tugaganidan ko‘p o‘tmay, Vea prezidentlikka nomzodini qo‘yish niyatini e’lon qildi. U o‘z vatanida juda mashhur edi, biroq muxoliflar uni bilimsiz, tajribasiz siyosatchi – “o‘rmondagi bola” deb atashdi. Keyin saylovlarda Vea Ellen Jonson-Serlifga yutqazdi. Ammo 2014 yilda u parlament saylovlarida Ellenning o‘g‘lini mag‘lub etdi, bu hammasi emas edi. Vea 2017 yilda prezidentlik uchun yana bir bor saydovda ishtirok etdi va qayta saylandi. Hozirgacha u mamlakatni boshqarib kelmoqda.
Romario
Barcha davrlarning eng buyuk hujumchilaridan biri va Braziliya afsonasi. Romario o‘zining siyosiy faoliyatida yetarlicha uzoqqa bordi. Braziliya Sosialistik partiyasi a’zosi sifatida Romario 2010 yilda Kongress quyi palatasiga kirdi. Braziliyadan tashqaridagi ko‘pchilik uning siyosiy faoliyati haqida 2014 yilgi Jahon chempionati oldidan eshitib hayron bo‘lishdi, chunki Romario Braziliyadagi musobaqani o‘tkazishga keskin qarshi bo‘lib, mamlakat hukumatini chempionatni o‘tkazish uchun katta harajat qilganligi sabab tanqid qilgan edi. Rio-de-Janeyro gubernatori bo‘lishni xohlagan Romario 2021 yildan beri Liberal partiya vakili bo‘lgan.
Jovanni Rivyera
Faqat Paolo Maldini, Franko Baresi va Alessandro Kostakurta 1960-1979 yillar oralig‘ida "rossoneri" libosida Rivyeradan ko‘ra ko‘proq maydonga tushishdi. Futbolchilik faoliyatini yakunlagach, u klub vise-prezidenti bo‘ldi, ammo 1986 yilga kelib u siyosatga e’tiborini qaratdi. U tezda Xristian Demokratlar partiyasidan deputat bo‘ldi, keyin mudofaa vaziri o‘rinbosari bo‘lib ishladi va 2005 yilda Evropa parlamenti a’zosi bo‘ldi.
Kaxa Kaladze
Gruziya tarixidagi eng buyuk futbolchilardan biri. "Milan"ning sobiq himoyachisi faoliyatini 2012 yilning may oyida yakunlagan, biroq siyosiy faoliyatini, aslida, bundan biroz oldinroq boshlagan. O‘sha yilning fevral oyida u "Gruziya orzusi - Demokratik Gruziya" partiyasiga a’zo bo‘ldi. Oktyabr oyida u deputat sifatida ish boshladi. Ikki karra Chempionlar ligasi g‘olibi saylanganidan atigi ikki hafta o‘tgach, Bosh vazir o‘rinbosari va Energetika vaziri etib tayinlandi. Hozir Kaladze Tbilisi meri hisoblanadi.
Xoqon Shukur
Turkiya terma jamoasi safida eng ko‘p gol urgan afsonaviy turk hujumchisi katta miqyosda siyosatsichiga aylangan. U 2011 yilda hukmron partiya a’zosi sifatida Turkiya parlamentida o‘rin olgan. Biroq, ikki yarim yil o‘tgach, u mustaqil deputat bo‘lib, partiyani tark etgan. Shukur 2016 yilda hibsga olish uchun order chiqarilgani haqida xabarlar paydo bo‘lgan edi. U qurolli terrorchilik guruhida ishtirok etganlikda ayblangan. Keyin Turkiya hukumati prezident Erdo‘g‘onni ag‘darish uchun muvaffaqiyatsiz urinishdan keyin, ko‘plab siyosatchilar hujumga uchradi. Hozir Shukur AQSHda yashaydi.
Lilian Tyuram
Afsonaviy fransuz himoyachisi siyosatga juda yorqin kirib kelgan. U Fransiyaning bo‘lajak prezidenti bilan bahslashish imkoniga ega bo‘ldi. 2005 yilda Nikolya Sarkozi Tyuramga qarshi bahsda televizorda chiqish qilishga majbur bo‘ldi. Efirda u futbolchini haqorat ham qilgan. Tyuram bir zumda va xotirjamlik bilan javob berdi: "Men axloqsiz emasman." Ikki yil o‘tgach, yangi prezident Sarkozi Tyuramga prinsipial ravishda tenglik uchun mas’ul bo‘lgan etnik xilma-xillik vaziri lavozimini taklif qildi. Lilian Sarkozining taklifini rad etdi.
Ziko
Yana bir afsonaviy braziliyalik o‘z omadini siyosatda sinab ko‘rgan. 1990 yilda u mamlakat sport vaziri bo‘ldi. Imkoniyatlardan dadil bo‘lgan Ziko Braziliya futbolini yaxshilash uchun bir qator islohotlarni amalga oshirishga qaror qildi, biroq uning loyihalari parlamentda doimo to‘xtab qoldi. U asabiylashdi va bir yildan keyin o‘z lavozimini tark etdi. Keyin u mashg‘ulotlar olib bordi, dunyo bo‘ylab sayohat qildi va 2015 yilda FIFA prezidentligi uchun o‘z nomzodini qo‘yishga harakat qildi, biroq milliy futbol federasiyalari tomonidan yetarlicha qo‘llab-quvvatlanmadi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
