"PSJ" hujumchi Neymarni 2023 yilning yozida 100 million yevroga sotishga tayyor, deya xabar beradi Sport.es. Parijliklar asosiy rollarni Lionel Messi va Kilian Mbappega berib, sport loyihasini isloh qilish niyatida. Bundan tashqari, klub ish haqini qisman tushirishga qarshi emas. Neymarning mavsumiga 40 million yevrolik shartnomasidan qutulish bu borada yordam beradi.
"PSJ" uchun katta xarajatlar hech qachon muammo bo‘lmagan, ammo Neymar bilan xayrlashishga tayyorlik bu dahshatli xato. Braziliyalik futbolchi joriy mavsumda ajoyib o‘yin ko‘rsatmoqda. Uning ketishi klub uchun halokatli bo‘ladi.
Neymar Mbappe va Messi bilan bir jamoada o‘ynab, "Oltin to‘p"ga da’vogarlar beshligidan joy oldi.
Neymar 2022 yilda "gol+pas" tizimi bo‘yicha 52 ochko to‘plagan (42 o‘yinda 32 gol +20 assist). Mbappe va Messining ko‘rsatkichlari yaxshiroq. Fransuz 56 o‘yinda 73 ochko (56+17) argentinalik esa 51 uchrashuvda 65 ochko (35+30) to‘plagan. Ammo braziliyalikning o‘yini hali ham ajoyib. Neymar o‘zini ikkita super yulduzli jamoada topdi. Yilning ikkinchi yarmida u pleymeyker sifatida ayniqsa yaxshi bo‘ldi.
Neymar joriy mavsumda barcha turnirlarda 21 ta o‘yinda maydonga tushib, 15 ta gol urdi va 13 ta golli uzatmani amalga oshirdi. Forvard ajoyib rekord o‘rnatdi: Neymar Yevropaning top-5 ligalarida kamida 10 ta gol urgan va 10 ta golli uzatmani amalga oshirgan birinchi futbolchi bo‘ldi.
Neymar Mbappe va Messiga mukammal qo‘shimcha hisoblanadi. Braziliyalik futbolchi Goal nashriga ko‘ra, Leo, Kilian, Erling Xoland va Robert Levandovski bilan birga “Oltin to‘p”ga da’vogarlar beshligidan joy olgan. Ajablanarlisi shundaki, braziliyalik “PSJ”da nominal uchinchi hujum variantidir.
Neymar bilan xayrlashish rejalarini faqat ahmoqlik, deb atash mumkin. “PSJ” albatta uning o‘rniga yulduz oladi. ESPN asosiy nomzod sifatida "Liverpul"dan Muhammad Salohni ko‘rsatmoqda. Klub uning uchun taxminan 100 million yevro to‘laydi va Neymar bilan taqqoslanadigan maosh beradi. Lekin nima uchun allaqachon mukammal ishlayotgan mexanizmni yo‘q qilish kerak? Saloh bilan bir xil saviyadagi futbolchining transferi borasida kelishib bo‘lmasligi uchun munosib imkoniyat bor.
Neymar “PSJ”ni tark etishni istamayapti
“PSJ” Neymarni 2017 yilning yozida "Barselona"dan 222 million yevro evaziga jahon futbol rekordi evaziga sotib olgandi. O‘yinchining shartnomasi 2026 yilgacha amal qiladi va yana bir mavsumga uzaytirish imkoniyatini o‘z ichiga oladi.
Klub o‘tgan yozda Neymarni sotishga harakat qilgan edi. O‘shanda braziliyalik Mbappe bilan ziddiyatga tushib qolgan, shartnoma uzaytirilganidan keyin unga kadrlar masalasida alohida vakolatlar berilgan. Kilian “PSJ” Neymardan qutulishini xohlargan edi.
Braziliyalik uchun ular 150 million yevro so‘rashgan, ammo ma’lum bo‘lishicha, hech kim buncha pul to‘lashga tayyor emas. 100 million yevro uchun, uni sotib olishlari mumkindir balki. Ayniqsa, 2022/2023 yilgi mavsumda 30 yoshli hujumchi jarohatlardan “qochib”, ajoyib statistika ko‘rsatmoqda. "Chelsi", "Manchester Siti" va "Manchester Yunayted" kabi Premyer-liganing top klublari doimo Neymarga ko‘z tikishgan. "Nyukasl" ham jiddiy qiziqish bildirildi, agar Chempionlar ligasiga yo‘llanma olsa, o‘z faoliyatini davom ettirish uchun ancha jozibador variant bo‘lardi.
“PSJ” sport direktori Luis Kampos klubda Mbappening muxlisidir. Ammo u braziliyalikni tarkibda saqlab qolmoqchi bo‘ldi va Kilianning nafratlangan jamoadoshiga nisbatan pozisiyasini yumshatish uchun ko‘p ish qildi. Mbappe va Neymar yaqin do‘st bo‘lishmadi, lekin ular o‘zlarining professional vazifalarini a’lo darajada bajarmoqdalar.
Marca xabariga ko‘ra, Neymarning o‘zi Mbappe bilan kelishmovchiliklarni hisobga olsa ham, “PSJ”dan ketishni istamaydi. Birinchidan, moliyaviy sabablarga ko‘ra: boshqa klub ham xuddi shunday hashamatli sharoitlarni taqdim eta olmaydi. Biroq, braziliyalik Parijda yashash va Galtye qo‘l ostida o‘ynashni ham yoqtiradi. Mbappe bilan munosabatlar idealdan yiroq, ammo bu kerishga asos bo‘lmaydi.
Neymar 2017 yildan buyon “PSJ” tarkibida 165 o‘yinda 115 ta gol urdi va 73 ta golli uzatmani amalga oshirdi. So‘nggi paytlarda braziliyalik ayniqsa yaxshi harakat qilmoqda: u joriy mavsumda o‘rtacha har bir o‘yinda deyarli 1,5 ta samarali harakat qilmoqda. Bunday buyuk futbolchini sotish noto‘g‘ri harakat. Ayniqsa, 100 million yevro uchun va uning o‘rniga munosib nomzod bo‘lmagan paytda.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
