"Roma" Nikolo Dzanyologa ultimatum qo‘ydi.
Yarim himoyachi qishda "Roma"dan ketmoqchi. Uning "Milan"ga o‘tmoqchi ekanligi xabar qilingandi, ammo "Roma" bilan transfer shartlarini "Bornmut" kelishib olgan. "Milan" inglizlarning taklifini takrorlashga tayyor emasdi va futbolchi uchun kurashdan voz kechdi.
Rimliklar Dzanyoloni faqat "Bornmut"dan transfer qilish borasida aniq taklif oldi.
Correira Della Sport xabariga ko‘ra, bu borada Nikolo "Roma"da qolish haqida o‘ylamoqda, biroq u va klub o‘rtasidagi munosabatlar butunlay buzilgan.
"Roma" xo‘jayinlari Den va Rayan Fridkinlar "Bornmut" bilan Dzanyolo uchun muzokaralarda shaxsan ishtirok etishgan va futbolchiga nisbatan qattiq munosabatda bo‘lishgan.
Nikologa ultimatum qo‘yildi. U yo "Bornmut"ga o‘tishga rozi bo‘lishi yoki yozgacha "Roma"da qolishi kerak. Fridkinlar Dzanyolo 2024 yilning yoziga qadar mo‘ljallangan shartnomasi yakuniga qadar endi "Roma"da o‘ynamasligini va bu vaqtni tribunada o‘tkazishini istisno qilishmaydi.
Avvalroq, "Bornmut" yarim himoyachi uchun 30+5 million yevro, shuningdek, keyingi sotuvning 10 foizini taklif qilgani ma’lum bo‘lgandi.
23 yoshli hujumkor yarim himoyachi joriy mavsumda “Roma” safida barcha turnirlarda 17 ta o‘yinda maydonga tushib, 2 ta gol va 1 ta golli uzatmani amalga oshirdi.