U Angliyada tarix yozgandi. Aslida, Anri o‘z hamyurti Nikolya Anelkaga o‘rinbosar sifatida olib kelinadi. Fransiyalik APLda jami 370 ta bahsda 226 ta golga mualliflik qilgan.
Anri o‘sha yozda "Arsenal"ga olib kelingan yagona futbolchi emasdi. Quyida "kanonirlar" tomonidan 1999 yil yozida kimlar sotib olingani va ularning taqdiri ne kechganiga nazar tashlaymiz.
Silvinyo
Avvalo "Tottenxem" bilan bog‘langan futbolchi, so‘nggi damlarda "Arsenal"ga o‘tishga qaror qiladi. U klubdagi dastlabki braziliyalikka aylangandi. Silvinyo o‘zidan yaxshi taassurot qoldirib, Uinterbernni o‘rnini egallab oladi va chap qanotni o‘ziniki qiladi. Ikki mavsum davomida himoyachi to‘pchilar bilan jami 72 ta bahsda maydonga tushgan. Garchand eng yaxshi o‘yinchilardan biriga aylangan bo‘lsada, 2001 yilda "Selta"ga sotib yuborilgan. Chunki uning o‘rniga Eshli Koul olib kelingandi.
Shtefan Mals
"Arsenal" arzonroq futbolchi qidira boshlaydi. Shu sabab "1860 Myunxen" klubidan 650 ming funt evaziga Malsni xarid qiladi. Yarim himoyachi o‘zining yangi klubi bilan dastlabki mavsumda 11 ta bahsda 2 ta gol urishga erishgan. Ammo keyingi mavsumdan uning nomi yo‘qolib qoladi. Venger Malsni 3 marta maydonga tashlaydi xolos. Shu sabab u Germaniyaga qaytib ketadi va "Kayzerslautern" klubiga borib qo‘shiladi.
Davor Shuker
1998 yilgi mundialda fantastik o‘yinlari bilan "Oltin butsa" sovrinini qo‘lga kiritgan futbolchidan kutilmalar katta edi. Shuker "Real"dan 1999 yilda "Arsenal"ga yo‘l oladi. Sobiq Xorvatiya terma jamoasi a’zosi London klubiga Anridan bir kun oldin kelgan. Ammo ikki futbolchining taqdirlari mutlaqo ikki xil kechdi. Shuker tanlovda Anri, Bergkamp va Kanudan keyin qayd etildi va o‘zining jamoadagi bir mavsumida 11 ta gol urishga erishdi. Uning oxirgi o‘yini "Galatasaray" bilan finaldagi to‘g‘ri tepilmagan penalti edi.
Moris Fols
Fols "Arsenal"ga 16 yoshida kelgan. U yoshlar jamoasida o‘ynay boshladi. Sobiq "Shalke 04" tarbiyalanuvchisi 2000 va 2001 yillarda yoshlar tarkibida Angliya kubogiga ega chiqadi. Fols kattalar asosiy tarkibida faqat ikki marta, liga kubogida maydonga tushgan xolos. U 2006 yilda "Chelsi"ga qarshi o‘yinda APLning 15 minginchi goliga mualliflik qilgan. Nemis himoyachisi futboldan ketib, 4 yil davomida "Arsenal" uchun skautlik ishlarini bajargan edi. Ayni damda nemis mutaxassisi "Leypsig" safida yordamchi murabbiylik bilan shug‘ullanadi.
Oleg Lujniy
Kiyevning "Dinamo" klubi 1999 yili YECHL yarim finaliga qadar yetib borgandi. Shundan keyin Lujniyni "Arsenal" sotib oladi. U Li Dikson o‘rnini to‘ldirishi kerak bo‘lgan. O‘ng qanot himoyachisi "Arsenal"da hech qachon asosiy tarkib futbolchisi sifatida bo‘y ko‘rsatmadi. Shunga qaramay u 4 mavsum davomida jamoa bilan birga bo‘ldi va APL va mamlakat kubogini qo‘lga kiritishda ishtirok etdi. Lujniyning "Arsenal"dagi oxirgi o‘yini 2003 yili kubok bahsida edi. Shundan keyin u "Vulverxempton"ga yo‘l olgan.
ISMATOV J.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
