AQSHning eng boy oilalaridan biri bo‘lgan Gleyzerlar yigirma yilga yaqin davrdan buyon "Manchester Yunayted"ga egalik qilib kelayotgan edi. Bundan bir necha oy oldin ular klubni sotuvga qo‘yilishini ma’lum qildi. Ayni damda xaridorlarning ichida beshtasi o‘ta jiddiy nomzod sifatida qaralmoqda. Quyida ularning kim ekaniga to‘xtalib o‘tamiz.
"Qizil iblislar" Gleyzerlar tomonidan noyabr oyidayoq sotuvga qo‘yilgan. Ungacha esa jamoa muxlislari tomonidan uzoq vaqt davomida norozilik namoyishlari o‘tkazib kelinayotgandi. Savdoni olib borishi belgilangan Qo‘shma Shtatlarnibg "Raine" banki xaridorlar uchun 17 fevralga qadar vaqt berdi. Demak, yana olti kun ichida da’vogarlar o‘zlarining yakuniy takliflarini bildirishi kerak.
Ular ichida Britaniyaning eng boy kishisi sanalgan Ser Jim Retkliff ham bor. Joriy haftaning boshida qatarlik boylar ham kurashga qo‘shilgandi. "Mail" nashri bergan xabarda aytilishicha, klub uchun beshta qonuniy talabgorlar mavjud.
Xususan, Redkliff "Manchester Yunayted"ni sotib olish uchun Uoll Stritda katta qudratga ega bo‘lgan "JP Morgan" va "Goldman Sachs" banklaridan yordam so‘radi. Biroq, qatarliklarning taklif etadigan puli ko‘proq bo‘lishi va bu Gleyzerlarni o‘ziga jalb qilishi aytilgan. Shuni ham ta’kidlash kerakki, "MYU"ga qiziqish bildirgan Qatar kompaniyasi hech qanaqasiga "PSJ"ga egalik qiladigan "Qatari Sports Investment" guruhiga aloqasi yo‘q. Shu sababdan ular o‘zlarini bu poygada yutib chiqishiga ishonmoqda.
Bu kurashda, shuningdek, bir nechta Saudiya Arabistoni kompaniyalari ham mavjud. Ammo ularning hech biri "Nyukasl"ga egalik qiluvchi guruhga affillanmagan. Noyabr oyida "MYU" afsonasi Devid Bekxem ham o‘zining sevimli jamoasini sotib olishga harakat qilgandi. Eski xaridorlar ichida "Apple" hamda ispan konglomerati Amansio Ortega ham bor edi.
Gleyzerlar 20 marta Angliya chempioni bo‘lgan jamoa uchun 6 milliard funt atrofida pul olishni istaydi. Biroq, da’vogarlar tomonidan beriladigan 4,1 dan 4,5 milliard funtgacha bo‘lgan takliflar qabul qilinishi mumkin. Kimki klubni sotib olsa, yana 2 milliard funtni "Old Trafford" va Karringtonni yangilash va yaxshilash uchun ishlatishi shart. Chunki infratuzilma masalasi hozir eng keskin va muhim masala bo‘lib turibdi.
ISMATOV J.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
