Gvardiola o‘z davrining eng yaxshi murabbiyidan biri sanaladi. Balki barcha davrlarning hamdir. Buni aniq ayta olmaymiz. Ammo bir narsani aniq bilamizki, u 2016 yildan beri Angliyada faoliyat yuritmoqda. Hozirga qadar Pepning jamoasi allaqachon APLda dominant darajasiga chiqib oldi – nafaqat o‘yin borasida, balki natijada ham. Gvardiola murabbiylikni "Barselona B"da boshlagan. Oradan bir yil o‘tgach esa, asosiy jamoaga ustoz bo‘ladi. Kataloniyadagi davrida Gvardiola 3 marta Ispaniya chempioni bo‘ldi. Yana shuncha marotaba YECHLda zafar quchdi. Shuningdek, ikki bor Ispaniya kubogi ham aynan Gvardiola davrida yutilgan.
Ispaniyalik mutaxassis "Barselona"dan "Bavariya"ga yo‘l oladi. Germaniya ichidagi muvaffaqiyatlarga qaramay, u yerda Gvardiola uchun Yevropa sahnida zafar quchish nasib qilmadi. Bu muammo Manchester shahrida ham davom etmoqda. "Shaharliklar"uning davrida 6 ta mavsumning 4 tasida chempionlikka erishdi. Balki, bu mavsumda yettinchisi ham qo‘lga kiritilar. Beshta liga kubogi va bitta mamlakat kubogi Gvardiolaning Angliyadagi ishini yanada salmoqli qiladi. Aytish mumkinki, u o‘ziga berilgan imkoniyatlardan maksimum yaxshi foydalanmoqda.
Gvardiola haqida uning hamkasblari tomonidan aytilgan fikrlar ham buni tasdiqlaydi. 2021 yilda Klopp u haqida shunday degan: "Ular ("Manchester Siti")da ajoyib tarkib va undan ham ajoyib murabbiy bor. Shu narsalar, raqibni yengilmasga aylantirmoqda. "Siti"ga qarshi o‘ynash biz uchun rohat bag‘ishlaydi. Negaki, ular juda ham kuchli va futbolda kuchlilar bilan o‘ynash juda ham ijobiy holat. Ha, ularni mag‘lub etish mumkin. Ammo bu uchun siz eng yaxshi sport formasida bo‘lishingiz kerak. Demak, Gvardiola jamoasi bilan siz o‘z darajangizni ham bilib olasiz".
"Manchester Siti" Gvardiola kelganidan beri 4 marta mamlakat chempioni bo‘ldi. Ammo uning birinchi mavsumi omadli kechmaydi. 2020 yilda esa "Liverpul" bu nomni torib oladi. Aks holda, Gvardiola 6 marta ham zafar quchishi mumkin edi. Agarda uning darajasini baholamoqchi bo‘lsangiz, natijalarga qarash kerak. Buning uchun esa "Manchester Siti"ning 2016 yildan beri APLda yig‘gan ochkolarini qarab chiqish kerak. Demak, quyida Gvardiola "shaharliklar" bilan qancha ochko yig‘gani taqdim etiladi.
Eslatma: biz quyida faqat 11 ta jamoani keltirdik. Negaki, faqat ular so‘nggi yetti mavsum davomida (Gvardiola kelganidan beri) APLda ishtirok etgan.
1. "Manchester Siti" – 587 ochko
2. "Liverpul" – 540 ochko
3. "Chelsi" – 473 ochko
4. "Tottenxem" – 465 ochko
5. "MYU" – 460 ochko
6. "Arsenal" – 445 ochko
7. "Lester" – 347 ochko
8. "Everton" – 329 ochko
9. "Vest Xem" – 319 ochko
10. "Kristal Pelas" – 294 ochko
11. "Sautgempton" – 271 ochko.
ISMATOV J.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
