«Manchester Yunayted»ni sotib olish uchun potensial xaridorlardan arizalarni qabul qilish muddati yakunlandi. Quyida bu boradagi ikkita taklif haqida so‘z yuritamiz.
Dam olish kunlarida «Manchester Yunayted»ni sotib olmoqchi bo‘lgan potensial xaridorlarning arizalarini qabul qilishning oxirgi muddati nihoyasiga yetdi. Gleyzerlar oilasi ingliz klubini sotishni ko‘rib chiqmoqda va endi bir qancha variantlar ustida ishlaydi. Garchi mish-mishlar ko‘p bo‘lsada, yakunda u qadar ko‘p takliflar tushmadi. Gleyzerlarda «Manchester Yunayted»ning barcha aksiyalarini sotish uchun ikkita variant bor. Kutilganidek, takliflar ser Djima Retkliff va qaratrlik shayx Djassim bin Xamad Al Tanidan tushdi.
Retkliff Buyuk Britaniyaning eng boy odamlaridan biri hisoblanadi. U Ineos xalqaro kimyoviy guruhining egasi bo‘lib turibdi. Retkliff, shuningdek, sportning ashaddiy muxlisi va «Nissa» va «Lozanna» futbol klublari, Ineos Grenadiers velosiped jamoasi va Formula 1dan «Mercedes»ning aksiyalariga egalik qiladi. Shu bilan birga, Manchesterda tug‘ilgan Retkliff «Manchester Yunayted»ga muxlislik qiladi.
«Biz ser Jim Retkliff va Ineos «Manchester Yunayted»ning aksariyat ulushlarini olish uchun ariza berganligini tasdiqlaymiz. Bu klubni yana dunyoning birinchi raqamli klubiga aylantirish uchun jamoaga sarmoya kiritmoqchimiz. Biz «Manchester Yunayted» muxlislari o‘zining shonli tarixi va Angliyaning shimoli-g‘arbiy qismidagi buyuk ildizlari bilan faxrlanishini tushunamiz, Manchesterning hamma ishqibozlarini «Manchester Yunayted»ga qaytarishini va bor e’tiborni Chempionlar ligasida g‘alaba qozonishga qaratishni istaymiz», — deyiladi Ineos bayonotida.
Shayx Jassim bin Hamad Al Tani Qatar banklaridan biri QIB raisi hisoblanadi. Dastlab, UYEFA «Manchester Yunayted» va «PSJ»ning egasi bir bo‘lib qolishidan xavotirda degan shubhalar bor edi. Shayx Jassim bin Hamad Al Tani «Manchester Yunayted» futbol klubining 100% ulushini olish uchun ariza topshirganini tasdiqladi. Bu taklif klubni maydonda ham, undan tashqarida ham avvalgi shon-shuhratini tiklashga qaratilgan va birinchi navbatda muxlislarni «Manchester Yunayted» futbol klubini yana YECHLdagi sovrinli o‘rinlarga qaytarishga ishontirmoqchi. Taklif Shayx Jassim «Nine Two» jamg‘armasi orqali amalga oshirilgan, u futbol jamoalari, mashg‘ulotlar majmuasi, stadion va kengroq infratuzilmani mo‘ljallagan bo‘lib, muxlislar va jamoaning katta loyihasiga sarmoya kiritadi», dedi Al Tani bayonotida. Ma’lumki, Gleyzerlar aksiyalarning nazorat paketini sotishdan 6-7 milliard dollarga yaqin daromad olmoqchi.
Avvalroq Saudiya Arabistoni vakillari, Ilon Mask va hattoki Konnor Makgregor ham «Manchester Yunayted»ni sotib olish uchun ariza topshirishi mumkinligi xabar qilingandi. Biroq, yakunda ulardan hech qanday jiddiy taklif tushmadi. Qizig‘i shundaki, Gleyzerlarda «MYU»ni to‘liq sotmaslik, faqat bir qismini yangi egasiga o‘tkazib yuborish imkoniyati bor edi. ESPN xabariga ko‘ra, avvalroq «Milan»ga tegishli bo‘lgan taniqli Elliott Management jamg‘armasi «qizil iblislar»ning yarim ulushini sotib olishdan manfaatdorligi aytilgandi. Bu holatda Joel va Avram Gleyzer «Old Trafford»da o‘z o‘rinlari va pozisiyalarini saqlab qolishi mumkin edi. Endi Gleyzerlar yangi investorlarning qarorlarini kutishi, ularning takliflardan qaysi birini qabul qilishlari qiziq.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
