Uzoq vaqt davomida «Napoli»ga doimo nimadir yetishmayotgan ko‘rinar edi. Neapolliklar bir necha bor skudettoni yutishga yaqin keldi, ammo unga erisha olmadilar. Bu mavsumda «adzurrilar» nihoyat chempionlikni qo‘lga kirita oladigan yaxlit jamoaga o‘xshamoqda. «Napoli»ning hozirgi tarkibidagi eng muhim futbolchilaridan biri bu Viktor Osimxendir. Nigeriyalik futbolchi faoliyatidagi eng yaxshi mavsumini o‘tkazmoqda, klubining eng sermahsul futbolchisiga aylandi.
Osimxenning Yevropa bo‘ylab sayohati «Volfsburg»dan boshlandi, u yerda futbolchi eng yaxshi davrlarni o‘tkazmagan. Viktor nemis klubi safida bor yo‘g‘i 16 ta o‘yinda maydonga tushib, gol ura olmagan. Bu hamkorlikdan hech narsa chiqmaganini ko‘rgan «bo‘rilar» futbolchini Belgiyaning «Sharlerua»siga ijaraga jo‘natishdi. U yerda nigeriyalik ancha yaxshi o‘ynadi va 36 uchrashuvda 20 ta gol urdi. Belgiyadagi omadli mavsumdan so‘ng hujumchining Yevropadagi istiqboli oydinlasha boshladi. 2019 yilning iyul oyida «Sharlerua» hujumchini atigi 3,5 million yevroga sotib olgandi. Shu bilan birga, oradan bir oy o‘tib belgiyaliklar Viktorni 24,5 millionga «Lill»ga sotishdi. Fransuz klubida Osimxen bor-yo‘g‘i bitta, lekin juda muvaffaqiyatli mavsum o‘tkazdi. Viktor Liga 1da 27 ta o‘yin o‘tkazib, 13 ta gol urdi va 5 ta golli uzatmani amalga oshirdi. U jamoaning 2019/20 yilgi mavsumdagi eng yaxshi futbolchisi deb topildi. Ishlar yaxshi ketayotgandi, ammo «Napoli» o‘z vaqtida uning uchun kurashga qo‘shildi. Neapolliklar haqiqatan ham yosh hujumchini olishni xohladi. Natijada nigeriyalik rekord summa 75 million yevro evaziga xarid qilindi. Osimxenning transfer narxi, ayniqsa Italiya chempionati me’yorlariga ko‘ra, yuqori edi, ammo Viktor tezda unga investisiya qilingan pulni oqlay boshladi. A Seriyadagi ikkinchi o‘yinidayoq u dastlabki golli uzatmani amalga oshirdi, uchinchisida esa birinchi golini urdi. 2019/20 yilgi mavsumda hujumchi Italiya chempionatida 10 ta gol urdi. Albatta, yelka jarohati bo‘lmaganida ko‘proq urardi balki. Keyingi mavsumda nigeriyalik futbolchi yana 14 ta gol urdi va A Seriyaning eng yaxshi yosh futbolchisi deb topildi. Hozirgi mavsum Osimxen faoliyatidagi eng yaxshisi bo‘lib turibdi. Shu kungacha 24 yoshli hujumchi Italiya chempionatida 18 ta gol urishga muvaffaq bo‘ldi va shunga qaramay, mavsum oxirigacha hali uzoq vaqt bor. Viktor Lautaro Martinesdan 5 ta gol farqi bilan oldinda bo‘lgan holda A Seriyaning eng yaxshi to‘purari hisoblanadi. Yuqori ligalarga nazar tashlaydigan bo‘lsak, nigeriyalik futbolchi Kilian Mbappe va Robert Levandovskidan ko‘proq gol urgan, ularning har biri ligada 15 tadan gol urgan. Osimxendan faqat Erling Xoland ko‘proq gol urgan, norvegiyalik futbolchining raqamlari juda hayratlanarli: Premyer-liganing 23 o‘yinida 26 ta gol.
Osimxen joriy mavsumda 90 daqiqada o‘rtacha 1,02 ta gol urmoqda. Faqat Xoland (1,37) va Jovanni Reyna (1,05) undan yuqori ballga ega. Biroq, Dortmundning «Borussiya» klubi yarim himoyachisi «Napoli» forvardiga qaraganda kamroq o‘yin o‘tkazgan. A Seriyada Viktor darvozaga 32 ta zarba berdi. Faqat Lautaroda ko‘proq zarba (33) bor. Shu bilan birga, nigeriyalik allaqachon 19 marta ofsayd holatiga tushib qolgan. Bu A Seriyadagi uchinchi eng yuqori ko‘rsatkichdir. Aks holda hujumchi bundan ham ko‘proq gol urishi mumkin edi. Oktyabr oyida jarohatidan qaytgan Osimxen neapolliklarning deyarli har bir o‘yinida ustunlik qildi. Viktor A Seriyaning so‘nggi 7 o‘yinida ketma-ket gol urdi va ikkitasida dubl qayd etdi. «Sassuolo»ga qarshi bahsda nigeriyalik futbolchi o‘zining 100-golini kiritdi. U bu ko‘rsatkichga Krishtianu Ronaldu va Lionel Messidan tezroq erishdi, ammo baribir Erling Xoland va Kilian Mbappe kabi tez emas. Ushbu holatlar top-klublar e’tiborini tortadi. Biroq neapolliklar futbolchini sotishni qat’iyan rad etishmoqda. Albatta, Viktorning umuman olganda yuqori hujum salohiyatiga ega ekanligini ta’kidlash joiz.
Jamoa sifatida neapolliklar mavsum davomida A Seriyada 56 ta gol urishdi. Bu chempionatdagi eng yaxshi natijasi va «Inter»dan 12 golga ko‘p degani. Shunga ko‘ra, «adzurri» raqiblar darvozasiga eng ko‘p zarba bergan (187). Hozir Osimxenda hamma narsa bor: murabbiyning ishonchi, jamoadagi muhim roli, muxlislar mehri. Uning kelgusi taqdiri nima bo‘lishi qiziq.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
