«Andijon» o‘rinbosarlari (U-21)ning “Hokim Kubogi” yarim finalidagi g‘alabasidan keyin jamoa murabbiyi Farhod G‘ofurovning fikrlari bilan qiziqdik.
— G‘alaba bilan tabriklaymiz. O‘yin qanday taassurot qoldirdi?
— Viloyat “Hokimi Kubogi” musobaqasi boshlanganiga 4-5 kun bo‘lib qoldi. “V” guruhidan joy oldik va ko‘proq kuchli raqiblarga qarshi tushdik. Qirg‘izistonning “Neftchi”, birinchi liga ishtirokchisi “Shahrixon”, o‘zimizning “Andijon” U-19 va biz kurash olib bordik. O‘yinlar yaxshi darajada o‘tdi. Dastlab “Shahrixon”ni 1:0 hisobida mag‘lubiyatga uchratdik. Keyin “Neftchi”ga yagona gol evaziga imkoniyatni boy berib qo‘ydik. Uchinchi uchrashuvda g‘alaba qozondik hamda yarim final yo‘llanmasini qo‘lga kiritdik. Mana, o‘zinglar guvohi bo‘lganinglardek, futbol lisey jamoasi ustidan 2:0 hisobida g‘alaba qozondik. Mazkur g‘alaba bilan jamoamiz a’zolarini va barcha muxlislarimizni tabriklayman. Biz musobaqa finaliga chiqdik. Asosiy maqsadimiz finalda g‘alaba qozonib, musobaqa g‘olibligini qo‘lga kiritish.
— Yangi mavsum startiga ham oz fursat qoldi. Tayyorgarlik qay darajada o‘tdi? Barchasidan qoniqish hosil qildingizmi?
— Bizning o‘quv-mashg‘ulot yig‘inimiz 2-3 bosqich asosida o‘tdi. Dastlabki bosqichimizni o‘zimizda, Andijonda tashkil qildik. Shundan keyin Farg‘onada an’anaviy tarzda o‘tkazib kelinadigan “Hokim Kubogi”da ishtirok etdik. Bu orqali o‘yinlar va o‘rtoqlik bellashuvlari orqali yig‘inimizdagi futbolchilarni ko‘rikdan o‘tkazdik. So‘ngra, yigitlarga biroz dam berdik. Keyin Andijondagi “Hokim Kubogi” musobaqasiga tayyorgarlik ko‘rdik.
— Tabiiyki, ushbu yig‘inlar hamda turli musobaqalar orqali jamoaning chempionatga tayyorgarlik ko‘rishida muhim omil bo‘lib xizmat qiladi...
— Albatta, bu tayyorgarlik jarayonida juda muhim hisoblanadi. Qolaversa, kimni qandayligini ko‘rdik va bizga qaysi o‘yinchilar zarur bo‘lsa, o‘shalar bilan shartnomalar imzoladik. 4 mart kuni asosiy jamoamiz “Nasaf” bilan o‘ynaydi. Ertasiga o‘rinbosarlar jamoamiz maydonga tushadi. Xudo xohlasa, bo‘lajak uchrashuvga puxta tayyorgarlik ko‘ryapmiz. Andijon viloyati “Hokimi Kubogi”dan keyin futbolchilarimizga yana ikki kunlik dam beramiz va so‘ng tayyorgarligimizni belgilangan reja asosida davom ettiramiz.
— Umuman oladigan bo‘lsak, tarkibdan ko‘nglingiz to‘ldimi?
— Ha, yigitlar o‘ynayapti va harakat qilishyapti. Bizning asl maqsadimiz “Andijon”ning bosh jamoasiga munosib kadrlarni yetkazib berishdan iborat. Bilasizlar, bu yil asosiy tarkibga ayrim yoshlarni berdik. Aslbek Aysarov, Abdulatif Oybekov va darvozabon Mohir Komilov. Keyingi safar yanada ko‘proq iqtidorli yoshlarni yetkazib bermoqchimiz.
“Andijon” matbuot xizmati.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
