Bolgariyaning Sofiya shahrida boks bo‘yicha Stranja—2023 musobaqasining beshinchi kungi janglari yakunlandi.
24 fevral kuni 10 nafar o‘zbekistonlik bokschi o‘z janglarini o‘tkazdi. Olti nafar O‘zbekiston vakili o‘z janglarini g‘alaba bilan yakunladi va yarim final yo‘llanmasiga ega chiqdi. Abdumalik Halakov, Lazizbek Mullajonov, A’loxon Abdullayev va Madiyor Saidrahimov mag‘lubiyatga uchrab, musobaqadagi yurishini to‘xtatdi.
Uch nafar vakilimiz kecha qozog‘istonlik bokschilarga qarshi juda shiddatli janglarni o‘tkazishdi. 2022 yilgi JCHda kumush medalni qo‘lga kiritgan Abdumalik Halakov (57 kg.) uncha tanish bo‘lmagan O‘razbek Asilqulovga qarshi jangda 1:4 hisobida yutqazib qo‘ydi. Aytish mumkinki, raqib kuchli motivasiya ostida jang o‘tkazdi.
75 kg. vaznda A’loxon Abdullayev va Nurkanat Rayis o‘rtasida esa ojing jang bo‘lib o‘tdi. Raqiblar bir-birlarini ayab o‘tirishmadi. Dastlabki 2ta raundda qozog‘istonlik sportchi kichik ustunlikka ega bo‘ldi. A’loxon uchinchi bo‘limda raqibini 2 marta nokdaunga tushirdi. Hamyurtimiz bu ishni yana bir marta takrorlaganida, jangni muddatidan avval yakunlardi. Ammo u bosimni davom ettirmadi va Nurkanatning o‘ziga kelib olishiga imkon berdi. Hisoblarga qarang: 1:4 (28!:28, 28:29, 28:29, 28:28!, 28:28!).
80 kg. vazndagi Jasurbek Yo‘ldoshev va Bekzad Nurdauletov o‘rtasidagi jang esa rosmana qonli bo‘ldi. Hamyurtimiz 2019 yilgi JCH g‘olibiga qarshi mardonavor jang qildi. Ayniqsa, uchinchi raundda Bekzadning yuzidan qonlar oqdi. Hakam esa jang davomida vatandoshimizdan bir emas, ikki marta ochkolarni olib tashladi. Shunga qaramay, Jasurbek yakunda g‘alaba qozondi — 3:2 (28:27, 27:28, 28:27, 26:29, 28:27).
Saidaxon Rahmonova (-48 kg) fransiyalik Gloriya D'Ameydani yengdi (5:0);
Hasanboy Do‘stmatov (-51 kg) irlandiyalik Sean Marini mag‘lub etdi (5:0);
Abdumalik Halakov (-57 kg) qozog‘istonlik Orazbek Assilkulovga yutqazib qo‘ydi (1:4);
Havasbek Asadullayev (-75 kg) Avstraliya vakili Kallum Pitersni yutdi (5:0);
Ruslan Abdullayev (-63,5 kg) va Ozmen Kerem (Turkiya) jangida raqib jarohat sabab jangni davom ettira olmadi. Ruslan 1/2 finalda;
Mujibillo Tursunov (-63,5 kg) ozarbayjonlik Malik Hasanovdan ustun keldi (4:1);
A’loxon Abdullayev (-75 kg) qozog‘istonlik Nurkanat Rayisga yengildi (1:4);
Lazizbek Mullajonov (-92 kg) braziliyalik Keno Macxadoga mag‘lub bo‘ldi (2:3);
Jasurbek Yo‘ldoshev (-80 kg) qozog‘istonlik Bekzad Nurdauletovni yengdi (3:2);
Madiyor Saidrahimov (-92 kg) Ekvador vakili Xulio Kastilyoga yutqazdi (2:3).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
