"Brentford" hujumchisi Ivan Toni katta muammoga duch keldi.
"Brentford" hujumchisi Ivan Toni uzoq muddatga diskvalifikasiya qilinishi mumkin. Angliya terma jamoasi hujumchisi o‘zi ishtirok etgan futbol o‘yinlariga pul tikkanini tan oldi. 2017 yilning fevralidan 2021 yilning yanvarigacha futbolchi 262 ta qoidabuzarlik sodir etgan. Hozir u "Brentford"ning asosiy yulduzi va Angliya terma jamoasi tarkibida Yevro-2024 saralash bosqichi o‘yinlarida ishtirok etish uchun chaqirilishi mumkin, agar voqealar boshqacha tus olib ketmasa. Biz sportchiga nima tahdid solayotganini ko‘rib chiqamiz.
Ivan Tonini qancha vaqtga diskvalifikasiya kutmoqda?
Toniga nisbatan tergov deyarli 10 oy oldin boshlangan. 2022 yil noyabr oyida hujumchiga 232 ta garov o‘yinlarini buzishda ayblangan, bir oydan keyin yana 30 ta ayblov qo‘yilgan. FA bu huquqbuzarliklarni har bir holat bo‘yicha baholaydi, shuning uchun o‘yinchilar tomonidan pul tikish qoidalarini buzishning oldingi misollari Ivan olishi mumkin bo‘lgan jazoning og‘irligiga bevosita ta’sir qilishi kutilmaydi.
Sky News xabariga ko‘ra, agar o‘z jamoasiga pul tikkani aniqlansa, ingliz futbolchisi kamida olti oyga diskvalifikasiya qilinishi mumkin. Jinoyat sodir etilgan davrda hujumchi "Skuntorp", "Uigan", "Piterboro" va "Brentford"da o‘ynagan. Hozir Toni, uning advokati va vakillari "Brentford" va Angliya futbol assosiasiyasining qonuniy vakillari bilan har bir alohida qoidabuzarlikni muhokama qilishmoqda. Daily Mail xabariga ko‘ra, hujumchi bir nechta ayblovlarga qarshi chiqmoqchi.
The Sun xabariga ko‘ra, bu ish bo‘yicha rasmiy FA intizom komissiyasi bir necha hafta ichida o‘tkazilib, Toniga joriy mavsum tugagunga qadar jazoni o‘tashni boshlashga ruxsat beradi.
Ivan Toni o‘zi qanday o‘ynaydi?
"Brentford" hujumchisi hozirda Premyer-ligada eng yaxshi uchinchi to‘purar bo‘lib turibdi. U Markus Reshford bilan uchinchi o‘rinni bo‘lishib turibdi (har biri 14 tadan gol). Shu bilan birga, Ivan "Manchester Yunayted" forvardidan uchta o‘yin kam o‘tkazdi va qo‘shimcha ravishda uchta golli uzatmani amalga oshirdi. Angliya terma jamoasidagi o‘yinlariga kelsak, 2022 yilning sentyabrida Toni terma jamoaga ilk bor chaqiruv oldi. U Millatlar ligasida Germaniyaga qarshi o‘yinda zaxirada qoldi va Qatarda bo‘lib o‘tgan JCH-2022ga bormadi. Ko‘rsatkichdan kelib chiqqan holda, hujumchi Yevro-2024 saralash bosqichi uchun Angliya terma jamoasida bo‘lishi kerak edi, biroq mavjud vaziyat tufayli futbolchi barcha saralash o‘yinlarini o‘tkazib yuborish xavfi bor.
Bunday jinoyatlar uchun kimlar oldinroq diskvalifikasiya qilingan?
2020 yilda Kiran Trippyer 10 haftaga futboldan chetlashtirildi va 70 ming funt jarimaga tortildi. Bir yil oldin himoyachi do‘stiga "Tottenxem"dan "Atletiko"ga o‘tish oldidan pul tikishini aytgan edi.
2016 yilda “Byornli” futbolchisi Joi Barton bir yarim yilga futboldan chetlatilgan, natijada bu uning faoliyatiga so‘nggi nuqta bo‘lgan. 10 yil ichida u 1260 garov tikkanlikda gumonlangan. Qarorga qarshi chiqish o‘rniga u futbol o‘ynashni tugatdi.
“Liverpul”ning sobiq hujumchisi Deniyel Starrij ham xuddi shunday ayblovlar bilan ushlangan. 2018 yilda u transferiga oid ma’lumotlarning sizib chiqishida aybdor deb topilgach, to‘rt oyga chetlatildi. Hujumchi 150 ming funt sterling miqdorida jarimaga tortildi va "Trabzonspor" bilan shartnomasini bekor qildi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
