Superligasining 1-turidan o‘rin olgan “Navbahor” – “Qizilqum” (3:0) uchrashuvidan keyingi matbuot anjumanining birinchi qismida navoiyliklar bosh murabbiyi Asror Aliqulov qatnashib,jurnalistlarning savollariga javob berdi.
“Qizilqum” ustozi an’anaga muvofiq, o‘z so‘zini o‘yin haqidagi fikrlari bilan boshladi.
- Avvalo, Superliga starti, “Navbahor” muxlislarini esa g‘alaba bilan tabriklayman. O‘yinga keladigan bo‘lsak, biz futbolchilarni “Navbahor”ga qarshi kechadigan o‘yinda bosimga qarshi turishga tayyorladik. Futbolchilar maydonda borini berib harakat qilishdi, ammo xatolar evaziga jazolandik. O‘yinda ko‘p hujum uyushtira olmadik va ularni oxirigacha yetkaza olmadik. Natijada gol urolmadik.
- “Navbahor” sizni hayron qoldira oldimi?
- Yo‘q, hayron qoldirmadi. Chunki, “Navbahor” safidagi futbolchilarning mahorati va jismoniy holati juda yuqori, bundan tashqari, Samvel Babayan qo‘l ostida futbolchi sifatida faoliyat olib borganman va u insonning qanchalik kurashuvchan xarakterga ega ekanligini yaxshi bilaman. Aynan shular “Navbahor”ning kuchli tomonlari desam adashmagan bo‘laman.
- O‘tgan yili “Qizilqum”da futbolchilar, murabbiylar va rahbariyat o‘rtasida muammolar kelib chiqqan edi. Hozir jamoadagi muhit qanday?
- Hozir muhit o‘zgargan. To‘g‘ri, muammolar bor, lekin ular mayda muammolar. Futbolchilarning tartib-intizomi bo‘yicha ishlar olib borilmoqda. Jamoani bir oila sifatida shakllantirishga harakat qilyapmiz, lekin bu qisqa vaqt ichida bo‘ladigan narsa emas.
- O‘tgan mavsum “Qizilqum”da o‘ynab ketgan nomdor futbolchilarning jamoa haqida bildirgan fikrlaridan so‘ng yangi mavsumga futbolchilar jalb etishda muammolar paydo bo‘lmadimi?
- Muammolar bo‘ldi. Kuchli futbolchilar jamoani tark etgach, ayrim o‘yinchilar taklifimizni rad etishdi. Ayni paytda jamoaviy o‘yinni shakllantirishga harakat qilyapmiz. Yigitlar harakat qilishdi. Shogirdlarim yirik hisobdagi mag‘lubiyatga mos o‘yin namoyish etishmagandi.
- Bu yilgi mavsum syurprizlar bilan boshlandi. Keyingi o‘yinlarda ham shunday syurprizlar bo‘ladimi yoki bu mavsum avvalida barcha jamoalarning kuchi tengligi bilan bog‘liqmi?
- Jamoamiz ham shakllanyapti. Shogirdlarimga dastlabki 15-20 daqiqa “Navbahor” bosim uyushtiradi, deb uqtirgandik. Ammo shunday bo‘lsada, 19-daqiqada o‘z darvozamizdan to‘p olib chiqishga majbur bo‘ldik. Yigitlarda maydonda o‘zaro til topishishda biroz muammolar bor.
Joriy mavsum davomida yaxshi jamoa tuzish, tartibli futbol namoyish etish, muxlislarning ishonchini qozonishga harakat qilamiz.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
