«Neftchi» klubi bosh murabbiyi Vitaliy Levchenko Superliganing 2-turi doirasida «Paxtakor»ga qarshi bo‘lib o‘tgan o‘yin (2:1) borasida o‘z fikrini bildirib o‘tdi.
— O‘yin haqida qisqa xulosa qiladigan bo‘lsam, rejamiz amalga oshdi. O‘yin muxlislarga yoqdi degan umiddaman. Tezkor va faol o‘yin bo‘ldi. Biz ongli ravishda maydonni raqibga topshirdik. Chunki "Paxtakor"ning qanotlarini yopish kerakligini bilardik. Ammo har ikki darvoza oldida xavfli vaziyatlar yuzaga keldi. Qarshi hujumlarda ko‘p imkoniyatlarga ega bo‘ldik, ammo ularning barchasidan foydalana olmadik. Biroq futbol shunisi bilan qiziq. Ishqibozlarga ham shunisi yoqadi.
— "Neftchi" va "Navbahor" kabi jamoalar doimo "Paxtakor"ga qarshi ikki his kuch bilan harakat qilishadi. Bugun "Neftchi" o‘zining bor imkoniyatini namoyish etdimi yoki klub hali yana o‘sishda davom etadimi?
— Hali jamoamizning salohiyati bor. Agar bugn e’tibor bergan bo‘lsangiz, jismoniy jihatdan yaxshi ko‘rindik. Raqibdan hech bir jihatdan qolishmadik. Boshqa tomondan, "Paxtakor" — O‘zbekistonning amaldagi chempioni. Har qanday jamoa bu klubga qarshi katta kuch bilan o‘ynaydi.
— Bugun "Neftchi" besh himoyachi bilan o‘ynadi. Bu jamoaning doimiy taktikasi bo‘ladmi yoki keyingi o‘yinlarda boshqa o‘yin uslublarida harakat qilishi mumkinmi?
— Biz 2022 yilgi mavsumda ham shunday taktikadan o‘ynagandik. O‘z futbolchilarimizning salohiyatidan kelib chiqib, ulardan maksimal foyda chiqarishga harakat qilyapmiz. O‘z o‘yinimizga mos tushadigan futbolchilarni tanladik. Bu o‘z samarasini beryapti.
— Sizningcha, "Paxtakor" avvalgi mavsumga nisbatan kuchsizroq ko‘rinyaptimi?
— Yo‘q. "Paxtakor" hamon kuchli jamoa. Shunchaki, raqiblar "Paxtakor" o‘yiniga moslashib o‘ynashni o‘rganishmoqda. Barcha jamoalar bu klubning o‘yinini tahlil qilmoqda va "Paxtakor"ni nimaning evaziga mag‘lub etish mumkinligini o‘rganishmoqda. 1-turda "Olimpik" tezkor qarshi hujumla orqali gollar urdi. Men ham bu jamoaning o‘yinlarini tahlil qildim, "Paxtakor"ning yig‘indagi 3-4ta o‘yinlarini tomosha qildim. Masalan, Shaskix jamoasi "Dnepr"ga qarshi bahsda tashabbusga erishganiga qaramay, qarshi hujumlarda gol o‘tkazib yuborib, 0:3 hisobida yutqazgandi. Futbol bir joyda to‘xtab turgani yo‘q, barcha izlanmoqda, o‘rganmoqda. "Paxtakor"ning kuchsiz tomonlarini o‘rgandik va bundan foydalanishga harakat qildik. Ha, biz gollarni qarshi hujumlardan emas, standart vaziyatlardan urdik. Buning ustida ham ishlagandik.
Al-Ayn
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
