Saudiya Arabistoni bosh murabbiyi Erve Renar iste’foga chiqdi.
AFP xabariga ko‘ra, mutaxassis vatani Fransiyaga qaytishga yaqin turibdi, u yerda mamlakat ayollar terma jamoasini boshqaradi.
Manba bergan xabarga ko‘ra, Saudiya Arabistonining Boliviya terma jamoasiga qarshi bugun bo‘lib o‘tgan sinov uchrashuvi - Renarning terma jamoa boshqaruvidagi so‘nggi o‘yini. Saudiya Arabistoni futbol federasiyasi allaqachon 54 yoshli murabbiyning iste’fosini e’lon qilgan.
Eslatib o‘tamiz, Saudiya Arabistoni terma jamoasi Qatarda bo‘lib o‘tgan jahon chempionatida bo‘lajak jahon chempionlari - Argentina terma jamoasini 2:1 hisobida mag‘lub eta olgan yagona jamoa bo‘ldi.
Bu o‘tgan yilning 22 noyabr kuni, jahon chempionati guruh bosqichining birinchi turida sodir bo‘lgandi.
Renar Saudiya Arabistoni terma jamoasini 2019 yildan beri boshqarib keladi.