Karlo Anchelotti boshchiligidagi "Real"da so‘nggi vaqtlardagi asosiy muammo o‘ng qanot himoyasi bo‘lib qolmoqda. Anchelotti Dani Karvaxalni to‘liq qo‘llab-quvvatlaydi, biroq o‘ng qanot himoyachisi juda uzoq vaqtdan beri o‘z formasida emasligi ko‘pchilik muxlislarga ayon. Klub faxriysi endi avvalgi darajasiga qaytmasligi mumkin.
"Qaymoqranglilar"da o‘ng qanot himoyasidagi muammolarni yechish uchun uchta yo‘l mavjud.
Yangi o‘yinchi bilan shartnoma tuzish
Yozg‘i transfer oynasida "Real" rahbariyati yangi yulduz qanot himoyachisini olib kelishi mumkin. Diario AS xabariga ko‘ra, qisqa ro‘yxatga Ris Jeyms, Joau Kanselu, Xuan Foyt va Davide Kalabriya kiritilgan.
Muammo shundaki, yaxshi o‘ng qanot himoyachisi juda qimmat va xabarlarga ko‘ra, klub navbatdagi transfer oynasida asosiy xaridlar sifatida Yoshko Gvardiol va Jud Bellingemni belgilab olgan.
Militaoni o‘ng qanotga o‘tkazish
Bunday uslubni Anchelotti bu mavsumda ikki marta "Vilyarreal"ga qarshi o‘yinlarda sinab ko‘rdi. Birinchi tajriba o‘rtacha natija berdi, ikkinchisi esa muvaffaqiyatli bo‘ldi. O‘shanda Militao hatto gol ham urdi. Braziliya terma jamoasida Eder Militaoning qanotda o‘ynashi odatiy hod. Ba’zi o‘yinlarda u himoyada ham, hujumda ham birdek faol harakat qila oladi.
David Alaba jarohatidan safga qaytgach endi asosiy tarkib uchun kurash yanada qizg‘in kechadi. Markazdagi raqobat sabab balki Anchelotti Militaoni qanotda sinab ko‘rish ehtimoli bor.
Yosh Vinisius Tobiasga imkon berish
2022 yilning qishida "Shaxtyor"dan ijaraga olingan Vinisius Tobias "Real"ning ikkinchi jamoasi "Kastilya" safida Raul qo‘l ostida super o‘yinlar namoyish etmoqda. 19 yoshli futbolchi bu mavsumda jami 32 ta o‘yinda 5 ta golli uzatma amalga oshirdi.
"Barselona"da Alexandro Balde 18 yoshida Jordi Alba bilan raqobatda yutib chiqqanidek, balki Anchelotti "qirollik klubi" tarkibida Vinisiusga ham imkoniyat berar. Chunki La Ligada "Barselona" bilan oradagi 12 ochkolik farq sabab masala deyarli hal bo‘lgan. Bunday vaziyat rotatsiya orqali yangi futbolchilarning kuchini sinab ko‘rishning ayni vaqti.
Sizningcha jamoaga qaysi o‘zgarish foyda keltiradi?
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
