Stadion.uz jamoasi so‘nggi 24 soat ichida chiqqan eng sara yangiliklarni bir sahifaga joyladi. Marhamat kunni eng qiziqarli yangiliklari bilan tanishing.
"Chelsi"ga qimmatga tushgan Potter
"Aristokratlar" yakshanba kuni iste’foga chiqarilgan Grem Potterga tovon puli sifatida 13 million funt to‘lab beradi. Bu vaqtgacha mutaxassis klubda 7 millon funt ishlab olishga ulgurgan edi. Bundan tashqari "Chelsi" "Brayton"ga Potterni qo‘yib yuborish uchun 22 million funt to‘lagan. Umumiy summani hisobga olsak "Chelsi" bu mavsumda birgina Potter uchun 42 million funt sarflab yuborgan, bunga qo‘shimcha tarzda mavsum avvalida iste’foga chiqarilgan Tomas Tuxel uchun 10 million "kompensasiya"ni qo‘shsak londonliklar murabbiylar uchun birgina mavsumning o‘zida 50 million funtdan ko‘proq pul ishlatib yuborganini ko‘rishimiz mumkin.
Messining Parijdagi hikoyasi yakunlanmoqda
Argentinalik yulduz hujumchi Lionel Messi mavsum yakunida "PSJ"ni tark etishi kutilmoqda. U jamoaning maoshi kamaytirilgan holda taklif etilgan yangi shartnomasini rad etdi va katta ehtimol bilan Leo uchun bu mavsum Parijdagi so‘nggisi bo‘ladi.
35 yoshli forvard yana jonajon Kataloniyasiga qaytishi kutilmoqda. "Barselona" bu haftada shaxsan Xavi boshchiligida Messi bilan muzokaralarga kirishadi. Ko‘ramiz, bu voqealar qanday yakunlanadi.
Mbappe "PSJ"ni "sog‘ishda" davom etadi
"PSJ" hujumchisi Kilian Mbappe har mavsum sodiqlik uchun klubdan qo‘shimcha kattagina mablag‘ ishlab olishi ma’lum bo‘ldi. Fransuz nashrlarining xabariga ko‘ra, bu summa taxminan 60 million yevro atrofida bo‘ladi. Ma’lumot uchun, 24 yoshli forvard o‘tgan yozda "Real"ga o‘tishi mumkin edi, ammo u so‘nggi soniyalarda fikridan qaytib, "PSJ" bilan mo‘maygina daromad olish maqsadida yangi shartnoma imzolagandi.
"Chelsi"ning yangi bosh murabbiyi kim bo‘lishi aniqmi?
Yaqindagina "Bavariya"dan iste’foga chiqarilgan Yulian Nagelsmann "Chelsi" taklifini ko‘rib chiqishga tayyor, ammo bir shart evaziga - klub taklif qiladigan loyiha uzoq muddatli bo‘lishi kerak. Hozirda Nagelsmann "Chelsi" rahbariyati uchun asosiy tanlov bo‘lib turibdi, agarda uning varianti o‘xshamasa rahbariyat Roberto de Dzerbi (Brayton), Luis Enrike (ishsiz), Ruben Amorim (Sporting) va Karlo Anchelotti (Real)ga e’tibor qaratadi.
"Manchester Yunayted"ning asosiy nishoni - Xarri Keyn
"Manchester Yunayted" yozgi transfer oynasidagi asosiy maqsadini belgilab oldi. Mankunianliklar "Tottenxem" hujumchisi Xarri Keynni nima qilib bo‘lsa ham o‘z jamoasiga jalb qilmoqchi. Bu borada "Yunayted" rahbariyati bir narsadan qo‘rqadi - hujumchi uchun kurash uzoq davom etishi. O‘tgan mavsumda "qizil iblislar" "Barselona" yarim himoyachisi Frenki de Yong bilan deyarli 3 oy muzokaralar olib bordi, ammo yakunda niderlandiyalik futbolchi "Barsa"da qoldi. Klub Keyn bilan ham shunday voqea takrorlanishidan qo‘rqadi. Agar Xarri varianti o‘xshamasa, Viktor Osimxen (Napoli), Gonsalu Ramush (Benfika) va Evan Fergyuson (Brayton) zaxira varianti bo‘ladi.
"Manchester Yunayted"dan ketadigan futbolchilar ro‘yxati tuzildi
Erik ten Xag boshchiligidagi "Manchester Yunayted" yozda tarkibda bir qator o‘zagrishlarga qo‘l uradi. Xususan Xarri Maguayr, Brendon Uilyams, Aleks Tellas va Antoni Marsyalga chiqish eshiklari ko‘rsatiladi. Shuningdek "Nottingem Forest"da ijara asosida harakat qilayotgan darvozabon Din Xenderson ham to‘liq sotib yuborilishi mumkin.
Nemis klubi bir mavsumda to‘rtinchi marotaba murabbiy almashtirdi
"Shtutgart" jamoasi rasmiy sayti jamoa bosh murabbiyligiga Sebastyan Xenessning tayinlangani haqida xabar berdi. U bu lavozimda Bruno Labbadiyani almashtirdi.
Qayd etish kerak, bu "Shtutgart"ning mavsumdagi to‘rtinchi murabbiyi. Mavsum startidan buyon jamoa boshqaruvida Pellegrino Matarasso, Mixael Vimmer kabi murabbiylar ham ishladi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
