Angliya Premyer-ligasi dunyoning eng kuchli chempionati sanaladi. Turnirning yangi, 2023-24 yilgi mavsumi bilan bog‘liq barcha ma’lumotlarga aniqlik kiritildi. Quyida sizga kerak bo‘lgan, eng asosiy sanalar taqdim etiladi. Ingliz futboli 125 yildan beri doimiy ichki chempionat ko‘rinishida mavjud bo‘lib kelmoqda. Eng qadimiy musobaqaning yangi mavsumi qanday kechishi hammaga qiziq bo‘lsa kerak. Unday bo‘lsa, umumiy ma’lumotlarga ega bo‘ling.
2023-24 yilgi mavsum qachon boshlanadi?
APLning 32 mavsumi 2023 yilning 12 avgustida start olishi belgilab qo‘yilgan. Joriy mavsum 28 may, yakshanba kuni yakuniga yetadi. Oradan 76 kun o‘tib, yana qaytadan startni guvohi bo‘lishimiz mumkin. Esingizda bo‘lsa, 2020 yili koronavirus bilan bo‘liq vaziyat sababli turnir yozda davom ettirilgandi. O‘shanda jamoalar mavsumlar oralig‘ida atigi 48 kun dam olgan. O‘sha yildan boshqa hech bir mavsum bu safargisi qadar qisqa tanaffusga ega bo‘lmagan. Yozda Avstraliya va Yangi Zelandiyada ayollar o‘rtasidagi Jahon chempionati bo‘lib o‘tadi. Ushbu musobaqaning chorak-finallari aynan 12 avgust, APL start oladigan kuni o‘tkaziladi.
2023-24 yilgi APL mavsumning tugash sanasi qachon?
APLning yangi mavsumida ham so‘nggi tur odatdagiday tartibda tugatiladi. Ya’ni, oxirgi tur bahslari bir vaqtda start olishi belgilangan. Shunday qilib, 38 tur 2024 yilning 19 may sanasida bo‘lib o‘tadi. Bunga qilinishining asosiy sababi, jamoalar natijalarini oldindan kelishib olishiga yo‘l qo‘ymaslikdir. Shuni ham eslatib o‘tish joizki, Germaniyada o‘tkaziladigan 2024 yilgi Yevropa chempionati APL tugaganidan keyin, atigi 26 kun o‘tib boshlanadi. 14 iyundan ko‘hna qit’ada yana bayram avj oladi.
APLda mavsum orasidagi tanaffuslar qachon yuz beradi?
APL yangi mavsumda bo‘ladigan mavsum orasidagi tanaffuslarga ham oydinlik kiritgan. Unga ko‘ra, boksing deydan keyin 13 yanvardan 20 yanvarga qadar jamoalar dam olishadi. "MYU" ustozi Erik ten Xag bundan xabar topib, mavsumning o‘ta zichligi va tanaffusning kamligini tanqid ostiga olgandi. Ammo bu hech narsani o‘zgartirmaydi.
Mavsum davomida xalqaro tanaffuslarning o‘rni qayerda?
Jahon chempionati, oxirgisi kabi mavsum o‘rtasida bo‘lmagan paytlarda, saralash turnirlari mavsum davomida o‘tkaziladi. Qoidaga ko‘ra, bir mavsumda to‘rt marta xalqaro tanaffuslarga ruxsat beriladi. Shulardan birinchisi, mavsum startidan ko‘p o‘tmay, kuzda yuz beradi. Demak, bu borada tasdiqlangan start-sanalar quyidagicha:
1. 2023 yil 9 sentyabr;
2. 2023 yil 14 oktyabr;
3. 2023 yil 18 noyabr;
4. 2024 yil 23 mart.
2023-24 yilgi mavsumning uchrashuvlar vaqtlari qachon e’lon qilinadi?
Premyer-ligadagilar bu borada allaqachon ishni boshlab yuborgan. Xabarlarga ko‘ra, barcha hisob-kitoblar iyungacha tugatiladi. Shunday qilib, rasmiy vaqtlar 2023 yil 14 iyun kuni, London vaqti bilan 9:00da ma’lum qilinadi.
ISMATOV J.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
