"Real Madrid" o‘zining Florentino Peres davridagi pragmatik transferlar siyosati bilan mashhurdir. Buning natijasida jamoada yillar davomida ajoyib tarkiblar yig‘ila bordi. Har qanday klub o‘zi uchun yangi superyulduzni kashf qilishi kerak. Buning uchun esa katta pul zarur. Shunday ekan, "Real" faoliyatida sotuvlar, xaridlar kabi muhim ahamiyatga ega. Klub muxlislari baxtiga, rahbariyat qaysi futbolchini sotib olishni, ularni qachon va qanday summaga sotishni yaxshi biladi. Shu tufayli maydondagi futbolchilar va ular qayd etadigan natijalar, har qanday transferdan minimal zarar yoki yaxshi foyda ko‘radi. "Real" kabi jamoalar katta mablag‘larni yulduzlar uchun sarflashdan qo‘rqmaydi. Shu bilan bir qatorda, "qirollik klubi" sotuvlarni ham yaxshi amalga oshiradi. Hech kim abadiy emas. Shunday ekan, har qanday futbolchini vaqtida sotishni ham bilish kerak. Bu gapning amaldagi isbotini "Real" bajargan quyidagi sotuvlarda ko‘rishingiz mumkin.
10. Gonsalo Iguain
Ispaniya poytaxtidagi olti yillik faoliyatdan keyin, hujumchi butun dunyoga tanildi. Ammo Iguain hech qachon "Real"ning asosiy tarkibiga kira olmagan. Shu sababli 2013 yilning yozida argentinalik futbolchi "Napoli"ga sotiladi. Uning transfer narxi 34.5 million funt edi. Keyinchalik, hujumchi "Yuventus"ga ko‘chib o‘tadi.
9. Robinyo
Robinyo 2005 yilda "Real"ga keladi. Hujumchi uch mavsum davomida "qirollik klubi" sharafini himoya qilgan edi. Oradan uch yil o‘tib, braziliyalik futbolchi "Manchester Siti"ga yo‘l oladi. 2008 yilning sentyabrida arab shayxlari jamoani sotib oladi. Natijada Robinyo uchun to‘lanishi kerak bo‘lgan 32.5 million funt "Manchester Siti"ga muammo tug‘dirmaydi.
8. Rafael Varan
"Real"ning Varanni sotish qarori hammani hayratga solgan edi. Negaki, himoyachi jamoaning muhim figurasi hisoblangan. 2021 yilda "MYU" Varan uchun rasmiy taklif bilan chiqadi. Taklifga madridliklar rozi bo‘ladi. Natijada Fransiya terma jamoasi a’zosi 41 million funt evaziga APLga yo‘l oladi.
7. Ashraf Xakimi
Xakimi "Real" tarbiyalanuvchisi sanaladi. U ayni o‘ynaydigan davrida "Borussiya Dortmund"ga ikki yillik ijaraga beriladi. 2021 yilda "Real" marokashlik himoyachini "Inter"ga 36.3 million funtga sotadi. Bir yillik A seriyadagi mavsumidan keyin, futbolchi "PSJ"ga 60 million funtga transfer qilingandi.
6. Mateo Kovachich
"Real" 2015 yilda Kovachichni "Inter"dan sotib oladi. Xorvatiyalik yarim himoyachi Ispaniyada zaxira futbolchisi sifatida faoliyat yuritdi. 2018 yilda "Chelsi"ga ijaraga berilgan Kovachich, oxir-oqibat londonliklar safida butunlay qoladigan bo‘ladi. "Real" esa bu transfer uchun 40 million funtga ega bo‘lgandi.
5. Mesut O‘zil
Madriddagi uch yillik davridan keyin nemis futbolchisi "Real"dan ketadi. 2013 yilning yozida "Arsenal" APL tarixidagi eng yaxshi futbolchilardan birini xarid qiladi. "Real" O‘zil uchun 42.5 million funt olgan edi.
4. Anxel Di Mariya
"MYU" muxlislari Di Mariya xaridi xato bo‘lgan deb hisoblashadi. Bunday fikr tarqalishiga sabablar bisyor edi. Negaki, argentinalik o‘zidan kutilgan natijani bermagandi. 2014 yilda "Manchester Yunayted" Di Mariyani o‘sha paytdagi rekord summa, 59.7 million funtga xarid qiladi. Futbolchi "PSJ" va ayni damda "Yuventus"da harakat qilmoqda.
3. Alvaro Morata
2014 yilning yozida "Real" Moratani "Yuventus"ga sotadi. Oradan ikki yil o‘tib, 24 million funt evaziga madridliklar o‘z hujumchisini qaytarib olgandi. "Real"dagi bir mavsumdan keyin, ispaniyalik futbolchi "Chelsi"dan taklif oladi. Oqibatda u 70 million funt evaziga Londonga yo‘l oladi.
2. Kazemiro
"MYU"ga yordam kerak edi. Klub bu yo‘lda qancha bo‘lsa ham pul sarflashga tayyor bo‘lgan. O‘z jarohatlarini davolish maqsadida, jamoa Kazemironi sotib oladi. Braziliya terma jamoasi a’zosi YECHLda g‘olib bo‘lgach, 2022 yilning yozida "MYU"ga o‘tadi. Uning transfer narxi 70 million funt edi.
1. Krishtianu Ronaldu
"Real" 80 million funt evaziga Ronalduni "Manchester Yunayted"dan xarid qiladi. 2009 yildan boshlab, to‘qqiz yil davomida hujumchi 5 marta "Oltin to‘p"ga, 5 marta YECHL bosh sovriniga erishgandi. 23 yoshlida "Real"ga kelgan Ronaldu, qariyb 10 yildan keyin, 33 yoshida jamoadan ketdi. Ammo uning narxi oshsa oshgan ediki, tushmagandi. "Yuventus" Ronaldu uchun 99.2 million funt to‘lashga rozi bo‘ladi. Afsona Italiyaga yo‘l oladi.
ISMATOV J.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
