Bugun O‘zbekiston futzal federasiyasi prezidenti Bekzod Mamatqulov Saudiya Arabistoni poytaxti Ar-Riyod shahrida bo‘lib o‘tayotgan VI Islom birdamligi o‘yinlarida muvaffaqiyatli qatnashgan O‘zbekiston milliy futzal terma jamoasi a’zolari va murabbiylar shtabi bilan uchrashdi.
Uchrashuv juda samimiy va ruhlantiruvchi muhitda o‘tdi. O‘FF rahbari Bekzod Mamatqulov O‘zbekiston jahonning eng rivojlangan sport mamlakatlaridan biriga aylanib borayotganini ta’kidlar ekan, bu yutuqlar zamirida Hukumatimiz va shaxsan Prezidentimiz tomonidan ko‘rsatilayotgan katta e’tibor hamda g‘amxo‘rlikning o‘rni beqiyos ekanini qayd etdi:
“Kuni kecha muhtaram Prezidentimiz "Yangi Toshkent" stadioni tamal toshini qo‘yar ekanlar, bu majmua ertangi g‘alabalarimizga asos bo‘ladi. Mazkur inshoot yoshlar uchun ilhom, xalqimiz uchun iftixor ramzlaridan biri bo‘lib qoladi va millionlab futbol muxlislariga katta sovg‘a bo‘ladi, deb ta’kidladilar.
Albatta, bunday e’tibor, g‘amxo‘rliklarga xalqaro maydonlardagi zafarli yurishlar, yutuqlar bilan munosib javob qaytarish lozim. Ayniqsa to‘rt yillikning nufuzli turnirlarida jamoaviy sport turlarida qo‘lga kiritilgan g‘alaba g‘oyat qadrli bo‘ladi. Chunki u katta mehnat, hamjihatlik, sportchilarning birligi va fidoyiligining yuqori namunasidir. Barchangizni bronza medali bilan yana bir bor tabriklayman”,
— dedi Bekzod Mamatqulov.
Yig‘ilishda O‘FA prezidenti maslahatchisi Avaz Azizho‘jayev so‘zga chiqib, Islom birdamligi o‘yinlarida qo‘lga kiritilgan bronza medali hali tashkil etilganiga bir yil ham bo‘lmagan Futzal federasiyasining ulkan muvaffaqiyati ekanini ta’kidladi. Unga ko‘ra, O‘FF tomonidan amalga oshirilgan islohotlar va izlanishlar natijasida erishilayotgan yutuqlar tanlangan yo‘l va strategiyaning to‘g‘riligini yaqqol ko‘rsatmoqda.
Tadbirda milliy jamoa bosh murabbiyi Nodir Eliboyev hamda jamoa sardori Mashrab Odilov so‘zga chiqib, Islom birdamligi o‘yinlarida ishtirok etish imkoniyati va bildirilgan ishonch uchun O‘zbekiston Respublikasi Hukumatiga, Sport vazirligiga, Milliy Olimpiya qo‘mitasiga hamda O‘zbekiston futzal federasiyasiga minnatdorlik izhor etdilar.
Uchrashuv so‘ngida Islom birdamligi o‘yinlarida muvaffaqiyatli ishtirok etgan milliy terma jamoa a’zolari O‘zbekiston futzal federasiyasi tomonidan munosib taqdirlandi. Jamoa a’zolari tomonidan O‘FF prezidenti B.Mamatqulovga Islom birdamligi o‘yinlarining bronza medali topshirildi.
O‘FF rahbariyati jamoaga kelgusidagi xalqaro musobaqalarda ham yuqori natijalar tilab, ularning g‘alabalari ortidan butun mamlakat sport jamoatchiligi faxr tuyg‘usini his etishini ta’kidladi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
