«Lester» hamda «Everton» ushbu qarama-qarshilikka katta qo‘rquv bilan tashrif buyuradi. Chunki har ikkala jamoa ham pastki ligaga tushib ketish xavfi ostida bo‘lib turibdi. Aynan quyi ligaga tushib ketuvchi klublar taxmin qilinganda «Everton» ikkinchi (73,9%), «Lester» esa 5-o‘rinda tilga olingan.
«Lester»
«Tulkilar» seshanba kuni Jeymi Vardining so‘nggi daqiqalarda urgan goli evaziga «Lids»dan ochko olishga muvaffaq bo‘lgan edi. Undan bitta oldingi bahsda esa «Vulvz» 2:1 hisobida taslim etilgan. Ungacha esa jamoa ketma-ket naq 9 ta o‘yinda g‘alaba nimaligini bilmadi - 1 durang, 8 ta mag‘lubiyat. Jamo yaqinda tayinlangan Din Smit qo‘l ostida 3 ta o‘yinda 4 ochko jamg‘ardi. Ushbu murabbiy «Everton»ga qarshi ancha yaxshi statistikaga ega. U «irischi»larga qarshi 6 ta bahsda mag‘lub bo‘lmagan va 4 ta o‘yinda g‘alaba qozongan. Bu borada faqatgina Antonio Konte (7) Smitdan yaxshiroq natijaga ega.
Bu o‘yinni «Lester» uchun hayot-mamot janggiga qiyoslash mumkin. Chunki shundan so‘ng jamoa jadvalning birinchi yarmidagi 3 klubga qarshi maydonga tushadi - «Fulxem», «Liverpul», «Nyukasl». So‘ng esa «Vest Xem»ga qarshi bahs kutib turibdi.
«Everton»
Klub uchun joriy mavsum rosmana katastrofaga aylanib ketdi. «Irischilar» so‘nggi bor 1950-51 yillarda quyi ligaga tushib ketgan. Shon Daych jamoasi APLning so‘nggi turida «Nyukasl»ga 1:4 hisobida yengildi. Bu ularning g‘alabasiz seriyalarini 6 ta o‘yinga uzaytirdi. «Everton» so‘nngi 10 ta uchrashuvning atigi bittasida g‘alaba qozongan xolos (4 durang, 5 mag‘lubiyat). Biroq ushbu xavfli zonalar «Everton» uchun yangilik emas. Jamoa o‘tgan mavsum ham mayning boshida 18-o‘rinda edi. Biroq o‘shanda vaziyat o‘z vaqtida o‘nglangan. Kelgusi turlarda Daych shogirdlari «Brayton» hamda «Man Siti»ga to‘qnash kelishini hisobga olsak, bu galgi turda ochko olinishi shart. Undan keyingi ikki bahs «Vulvz» ham «Bornmut»ga qarshi bo‘lib o‘tadi.
Jamoalarning so‘nggi bahsi
U 2022 yilning 5 noyabrida sodir bo‘lgan va «tulkilar» 2:0 hisobidagi g‘alabani tantana qilgan edi. O‘shanda «Everton»ga Lempard, «Lester»ga esa Rojers ustozlik qilardi. Liverpuldagi oqshomda Tilemans hamda Barns katta sahnaga chiqqan.
Hozirgi formasi
Har ikkala jamoa mos ravishda 18 hamda 19-o‘rinlardan joy olgan. «Lester» so‘nggi 18 bahsning barchasida gol o‘tkazib yuborgan. Bu klubning yaqin yillar ichidagi APL tarixidagi eng uzun seriyasi hisoblanadi. Bungacha 1994 yil aprel-dekabr oylarida 21 ta bahsda ketma-ket gol o‘tkazib yuborilgan.
«Everton» so‘nggi 12 ta safar o‘yinida g‘alaba nimaligini bilmay kelmoqda. 2021 yil avgustda «Brayton»ni mehmonda 2:0 hisobida yutganlaridan beri 33 ta bahsning atigi 2 tasida g‘alaba qozongan xolos. Bu orada 3 ta «klin-shit» qayd etilgan va har uchchala hisob ham 0:0 hisobida tugagan.
Paxtakor
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
