Joriy mavsumning Chempionlar-ligasi yarim finallaridan biri "Real" va "Manchester Siti" o‘rtasida kechmoqda. Birinchi davra Madriddagi 1-1 hisobidagi durang bilan yakunlanadi. Shu sababli ushbu juftlik borasida taxminiy fikr bildirish biroz murakkab ish. To‘g‘ri, "Real" yangi davrdagi o‘zi chiqqan finallarning barida g‘alaba qozongan. Ammo bu qoida yarim final uchun ham ishlaydimi? Mana shu – masala. Quyida "Real"ning pley-off bosqichlarida qayd etgan durang natijalari va u olib kelgan oqibatlarga nazar tashlaymiz.
"Real" 1–1 "Chelsi" (2021)
2021 yilgi yarim finalda, "Real" o‘z maydonida 1-1 hisobida durang qayd etadi. "Chelsi" bilan safarda kechgan bahs esa londonliklar foydasiga hal bo‘lgandi. "Manchester Siti" buni yaxshi biladi. Ammo u paytda "Chelsi" Tomas Tuxelniki edi.
"Manchester Siti" 0-0 "Real" (2016)
Yuqoridagi "Chelsi" bilan bahsdagi durang, "Real"ning YECHL pley-offlarida qayd etgan so‘nggi besh yildagi birinchi durangi edi. Bundan oldingisi 2015-16 yilda Manuel Pellegrini shogirdlariga qarshi yuz bergan. "Manchester Siti" o‘shanda ancha qiynalgan. Jamoa raqibga qarshi himoyada o‘ynashga majbur edi. Shunga qaramay, 2016 yil "shaharliklar" tarixida ilk YECHL yarim finali sifatida qoladi. Zayniddin Zidan boshqargan "Real", birinchi davradagi 0-0 dan keyin, mehmonda Fernandinyoning avtogoli evaziga finalga yo‘l oladi.
"Atletiko" 0-0 "Real" (2015)
"Real" o‘sha davrda uch mavsum ketma-ket ravishda Diyego Simeonening "Atletiko"sini YECHLdan chiqarib yuboradi. Shulardan ikkinchisi 2014-15 yilgi mavsumning chorak finaliga to‘g‘ri kelgandi. Bu mavsumda "matraschilar" "Real"ni Ispaniya kubogida mag‘lub etib, La-ligada ham 4-0 hisobida dog‘da qoldiradi. Qasos esa YECHL orqali olinadi. "Visente Kalderon"dagi nursiz durangdan keyin, "Santiagu Bernabeu"da g‘alabaga erishiladi. O‘shanda Xavyer Ernandesning 88 daqiqadagi goli hammasini hal qilgan edi.
"Real" 1-1 "MYU" (2013)
"Real" 2012-13 yilgi mavsum YECHL guruh bahslarini Yurgen Kloppning "Borussiya Dortmund"didan keyingi pog‘onada yakunlagandi. Shu sabab "qaymoqranglilar" pley-offning dastlabki bosqichini "MYU"ga qarshi o‘tkazishga majbur bo‘lgan. Ronaldu Madriddagi bahsda hisobni tenglashtiradi. Manchesterda ham aynan u sobiq jamoasini mag‘lub qilishda katta hajmdagi ishni bajargandi. Ikkinchi o‘yin 2-1 hisobida "Real" foydasiga hal bo‘ladi.
"SSKA Moskva" 1-1 "Real" (2012)
Joze Mourinyoning "Real"i 2012 yil mayini La-ligada 100 ochko bilan chempion holda tugatadi. Jamoa fantastik mavsum o‘tkazadi. "SSKA" bilan nimchorak finalda 1-1 hisobi qayd etilgach, navbat Madriddagi javob uchrashuviga yetib keladi. Mourinyo jamoasi o‘z uyida raqibni 4-1 hisobida osongina taslim etadi.
ISMATOV J.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
