"Arsenal" o‘zi uchun dramatik yakun topayotgan mavsumdagi xatolarini qayta ko‘rib chiqishi kerak. Jamoa o‘z kamchiliklarini to‘g‘irlashga kirisha boshladi. Mikel Arteta yangi mavsum uchun yangi rejalar va chempionlik odimlarini o‘ylayapti. Buning uchun tarkibni yanada kuchaytirish lozim. Shu maqsadda "Arsenal" yana ikkita "Manchester Siti" yulduzini xarid qiladi. Undan tashqari Deklan Rays ham rejada mavjud.
Jamoa 2004 yildan beri ilk marta chempion bo‘lish imkoniyatlarini "Brayton" bilan bahsda boy bergandi. Shok mag‘lubiyat "Manchester Siti"ning imkoniyatlarini yanada oshirib yubordi. Endilikda Gvardiola jamoasi shanba kungi "Chelsi" bilan o‘yinda chempionlikni rasmiylashtirishi mumkin.
Mikel Arteta hammasini boshidan boshlaydi. Keyingi mavsum uchun jiddiyroq qayg‘urish zarur. "Arsenal" qo‘lida allaqachon ikkita sobiq "Etihad" yulduzlari bor. So‘nggi xabarlarga ko‘ra esa to‘pchilar yozda yana "Manchester Siti"ga yuzlanadi. Ular manchesterliklardan yana ikkita futbolchi xarid qilishni maqsad qilgan. Shulardan birinchisi Joau Kanseludir. U ayni paytda "Bavariya" safida ijara asosida to‘p surmoqda. Garchand uning "shaharliklar" uchun foydasi beqiyos bo‘lsada, Gvardiola uni ijaraga berib yuborgandi. 28 yoshli futbolchiga yozda "Manchester Siti" safida joy topilishi qiyindek ko‘rinmoqda. Bu esa "Arsenal" uchun yaxshi imkon. Kanselu uchun kurashib ko‘rsa arziydi.
Yana bir "Manchester Siti" yulduzi "Arsenal" radariga tushgan. U Ilkay Gyundogandir. 32 yoshli yarim himoyachi Arteta jamoasi uchun o‘ta foydali xarid bo‘lgan bo‘lardi. Nemis futbolchisi buni maydondagi harakatlari bilan isbotlab kelmoqda. Gyundogan yozda erkin agentga aylanadi. U o‘z jamoasi bilan yangi bitim imzolamasligini bildirgan edi. Garchand Gyundoganga "Barselona" qiziqish bilan qarayotgan bo‘lsada, kataloniyaliklarning unga to‘laydigan puli yo‘q. Qolaversa, ular hozir hamma e’tiborini Lionel Messini qaytarishga qaratgan. Bu esa "Arsenal" uchun yaxshi imkoniyat demakdir.
Vanihoyat, "Arsenal" bu yozda o‘z tarixidagi eng katta transferni amalga oshirishi mumkin. Klub "Vest Xem" sardori va Angliya terma jamoasi a’zosi Deklan Raysni o‘ziniki qilmoqchi. Hozirgacha "Arsenal" rekord darajada 72 million funtni, 2019 yilda Nikolya Pepega sarf etgandi. Rays bu borada yangi rekordga sabab bo‘ladi. "Arsenal" u uchun 90 million funtdan voz kechishga tayyor ekanini bildirgan. Granit Jakaning jamoadan ketishi, Tomas Parti va Jorjinyolarning taqdiri noma’lum ekanligi, "Arsenal" oldiga yarim himoya masalasini ko‘ndalang qo‘ymoqda. Deklan Rays YECHLda o‘ynashni orzu qiladi. "Arsenal" unga bu imkoniyatni taqdim eta oladi.
ISMATOV J.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
