Bir necha kundan buyon Ispan OAVlarida "Real" hujumchisi Karim Benzema jamoa bilan shartnomasini uzaytirish fikridan qaytib qolgani haqida xabarlar tarqalmoqda. Qayd etilishicha, 35 yoshli fransiyalik forvard Saudiya Arabistonidan 2 yilga 200 million yevrolik taklif olgan va bu taklif Karimni o‘ziga jalb qilmoqda. Agarda fransuz "qirollik klubi"dan ketishga ahd qilsa, Florentino Peres boshchiligidagi jamoa rahbariyati uning o‘rnini to‘ldirish uchun katta kuch va mablag‘ sarflashga to‘g‘ri keladi. Keling, Benzemaning o‘rnini qaysi futbolchilar bilan to‘ldirish mumkinligi haqida bugun to‘xtalib o‘tamiz.
Xarri Keyn
Yoshi: 29
Klubi: "Tottenxem"
Transfer narxi: 90 million yevro
Angliya terma jamoasi va "Tottenxem"ning haqiqiy yetakchisi hisoblangan Xarri Keyn yoshi 29 ga kirgan bo‘lsa-da, klub miqyosida birorta sovringa ega chiqmagan. 2009 yildan buyon "shporlar" tizimida harakat qilib kelayotgan Keynning amaldagi shartnomasi 2024 yilda tugaydi. The Sun u bu shartnomani uzaytirmaslikka qaror qilgani haqida xabar berdi. Agarda bu ma’lumotlar rost bo‘lsa, Deniyel Levi boshchiligidagi "Tottenxem" rahbariyati kelasi mavsum Xarrini tekinga yo‘qotmaslik uchun yozda unga kelgan takliflarni ko‘rib chiqishi mumkin. "Real"ga ushbu yo‘lda asosiy raqib "Manchester Yunayted" hisoblanadi. "Qizil iblislar"da ham xuddi "Real" singari markaziy hujumda jiddiy muammolar kuzatilmoqda. Keyn esa o‘sha muammolarni hal qilishi mumkin. Ortda qolgan mavsumda ingliz forvardi jami 49 ta o‘yinda raqiblar darvozasiga 32 bor yo‘l topdi va 5 bor assistentlik qildi.
Roberto Firmino
Yoshi: 31
Klubi: "Liverpul"
Transfer narxi: Erkin agent
"Liverpul"dagi 8 yillik mavsumidan so‘ng "qizillar"ni erkin agent maqomida tark etishi aniq bo‘lgan Roberto Firmino ham "Real" uchun variantlardan biri bo‘lishi mumkin, garchi Anchelottiga ushbu variant ma’qul kelayotgan bo‘lsa ham Florentino Peres hozircha Bobbiga shartnoma taklif qilishga shoshilmayapti. Shuningdek, 31 yoshli braziliyalikni o‘z safida "Barselona", "Galatasaroy" va "Inter" kabi klublar ham o‘z safida ko‘rmoqchi. Firmino hozirda takliflarni o‘rganib chiqmoqda. Ortda qolgan 2022/23 yilgi mavsumda Roberto 35 ta o‘yinda 13 ta gol urib, 5 bor sheriklarini golli uzatma bilan ta’minlagan.
Xoselu
Yoshi: 33
Klubi: "Espanyol"
Transfer narxi: 6 million yevro
Xoselu "Real" uchun nisbatan eng arzon variant bo‘lishi mumkin. 33 yoshli hujumchi joriy mavsumda jamoasi "Espanyol" Segundaga yo‘l olgan bo‘lsa ham juda sermahsul o‘yin namoyish etdi. U kataloniyaliklar safida 38 ta o‘yinda 16 bor gol urgan va 2 ta assistentlik qilgan. Agarda "Real"da boshqa variant qolmasa, Xoseluni ijaraga olishi mumkin. Uning "Espanyol" bilan shartnomasida agar jamoa quyi ligaga ravona bo‘la, boshqa jamoaga tekinga ijaraga berilishi haqida band bor.
Lautaro Martines
Yoshi: 25
Klubi: "Inter"
Transfer narxi: 80 million yevro
Ortda qolayotgan mavsum argentinalik uchun tom ma’noda juda omadli o‘tmoqda, desak yanglishmaymiz. Dastlab, o‘z milliy jamoasi bilan Qatar yashil maydonlarida o‘tgan Jahon chempionatida muvaffaqiyat qozongan Lautaro mavsum oxiriga kelib, "Inter" bilan YECHL finaliga qadar yetib bordi. Albatta, Lautaroning sovuqqonligi o‘z jamoalarining muvaffaqiyatlarida asosiy rollardan birini o‘ynamoqda. U aynan shu jihati bilan "Real" prezidenti Florentino Peresni o‘ziga jalb qilgan. Agarda "neradzurrilar" hujumchini sotishga tayyor bo‘lsa, "qirollik klubi" darhol unga o‘z "sovchilari"ni yuboradi. Taxminiy kelishuv 80-100 million yevro atrofida bo‘lishi mumkin. Ammo futbolchining yoshi va o‘yiniga qarasak, Lautaro bu narxga arziydi. 55 o‘yin, 28 gol, 11 assist - 25 yoshli hujumchining joriy mavsumdagi statistikasi.
Abduburxon Mamajonov
Neftchi
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
