Yakshanba kuni Madrid klubi La Liga mavsumini "Atletik Bilbao"ga qarshi o‘yin bilan yakunlaydi. Bu o‘yin "galaktikos"ning 9 a’zosi uchun so‘nggisi bo‘lishi mumkin. Yozda ba’zi futbolchilr "Real"dan ketish ehtimoli mavjud. Quyida "Real"dan ketishi ehtimoli juda kam bo‘lgan futbolchilardan, ketishi aniq bo‘lib ulgurgan futbolchilargacha tanishib chiqmiz.
Mariano Diaz. Uning klub bilan shartnomasi bir oydan keyin tugaydi va uning faoliyatini "Bernabeu"da davom ettirish imkoniyati nolga teng. Oddiy qilib aytganda "Qirollik klubi"ga Mariano umuman kerak emas. Balki bosha jamoaga ketsa, o‘z o‘yinini topib olar.
Nacho, Dani Sebalyos va Marko Asensio. Bu uchlik shartnomani uzaytirishga rozi bo‘lmasa kerak. Biroq, Marsa xabariga ko‘ra, klub bu futbolchilarni saqlab qolish uchun yana bir bor urinib ko‘radi. Nacho uzoq yillardan beri klubning asosiy zahira o‘yinchisi bo‘lib kelgan. Sebalyos esa yarim himoyadagi raqobatda yutishi juda qiyin. Asensio "Real" uchun bu uchlikda eng kerakli futbolchi bo‘lsa kerak. Ammo u ham asosiy tarkibda maydonga tushmayotganidan norozi.
Ferlan Mendi. Fransiyalik futbolchining jarohatlari himoyachidan qutulish istagida asosiy sababdir. Fran Garsiya "Real"ga kelishi deyarli oydinlashib bo‘lganini hisobga olsak, Mendining Madriddagi safari qarigan ko‘rinadi. Premyer-liga klublari Mendiga qiziqish bildirmoqda.
Eden Azar va Andrey Lunin. Azarning maoshi uzoq vaqt tarixga kirdi va bu jamoaning maoshi ro‘yxatidagi eng afsus qilinadigani bo‘lsa kerak. Hech qaysi jamoa zahirada o‘tiradigan va deyarli maydonga tushmaydigan futbolchi uchchun katta maosh to‘lashni istamaydi. Ukrainalik futbolchining shartnomasi keyingi mavsumda tugaydi, biroq u o‘yin vaqti kamligidan norozi. To‘g‘rida, Luninning raqobatchisi Kurtua bo‘lganidan keyin asosiy tarkib egasi aniq.
Alvaro Odriasola. Himoyachi joriy mavsumda jami 92 daqiqa o‘ynadi. Sosyedad va Bilbaoning qiziqishini inobatga olib, uning ketishiga qo‘yib berishsa kerak. Negaki, "Real"da Odriasoladan tashqari o‘sha pozisiyada o‘ynay oladigan Karvaxal va Lukas Vaskes bor. Shuningdek, "Real Kastilya"dan Vinsius Tobias asosiy jamoaga jalb qilinishi kutilmoqda.
Karim Benzema. Saudiya Arabistoni Karim uchun "otning kallasi"dek maosh taklif qilmoqda. Bunday taklifni rad etish qiyin. Biroq futbolchining o‘zi Ispaniyada yana bir yil qolishni istamoqda. Buyog‘ini vaqt ko‘rsatadi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
