O‘zbekiston futbol assotsiatsiyasi Tartib-intizom qo‘mitasining navbatdagi yig‘ilishi bo‘lib o‘tdi. Unda so‘nggi turlar doirasida bo‘lib o‘tgan uchrashuvlardagi intizomiy ishlar ko‘rib chiqildi.
Superliga
"Metallurg" — "Nasaf"
Superliganing 10-turi doirasidagi “Metallurg” — “Nasaf” uchrashuvning 86-daqiqasida “Nasaf” futbolchisi Mateus Lima Kruz raqib o‘yinchisining ko‘krak qismiga qo‘li bilan zarba bergani uchun maydondan chetlashtirilgan.
Tartib-intizom qo‘mitasining qaroriga ko‘ra, Mateus Lima Kruzga (“Nasaf”) nisbatan 2 ta o‘yinga chetlashtirish intizom chorasi qo‘llanildi.
OKMK — “Andijon”
Superliganing 10-turi doirasidagi OKMK — “Andijon” uchrashuvi yakunlangandan so‘ng “Andijon” futbol klubi futbolchisi Eldor Adxamov tribuna osti yo‘lakchasida xavfsizlik tartibiga rioya qilmasdan, jamoat tartibini saqlash uchun mas’ul bo‘lgan xodimlarga nisbatan hurmatsizlik qilib, provokasion harakatlar qilgan.
Tartib-intizom qo‘mitasining qaroriga ko‘ra, Eldor Adxamovga (“Andijon”) nisbatan jarima intizom chorasi qo‘llanildi.
“Surxon” — “Metallurg”
Superliganing 11-turi doirasidagi “Surxon” — “Metallurg” uchrashuvning 12-daqiqasida “Metallurg” futbolchisi Ergash Ismoilov to‘p uchun kurashish vaqtida oyog‘ining tag qismi bilan raqib o‘yinchisini oyog‘iga zarba bergani uchun maydondan chetlashtirilgan.
o‘yinning 25-daqiqasida “Surxon” futbolchisi Kamron Saidazimov to‘p uchun kurashish vaqtida oyog‘ining tag qismi bilan raqib o‘yinchisini bosh qismiga zarba bergani uchun maydondan chetlashtirilgan.
Tartib-intizom qo‘mitasining qaroriga ko‘ra, Ergash Ismoilovga (“Metallurg”) nisbatan 2 ta o‘yinga chetlashtirish va jarima intizom chorasi, Kamron Saidazimovga (“Surxon”) nisbatan esa 3 ta o‘yinga chetlashtirish va jarima intizom chorasi qo‘llanildi.
“Qizilqum” — “Olimpik”
Superliganing 10-turi doirasidagi “Qizilqum” — “Olimpik” uchrashuvning 44-daqiqasida “Qizilqum” futbol klubi futbolchisi Ifeani Ifeani to‘p uchun kurashish vaqtida oyog‘ining tag qismi bilan raqib o‘yinchisini tana qismiga zarba bergani uchun maydondan chetlashtirilgan.
Tartib-intizom qo‘mitasining qaroriga ko‘ra, Ifeani Ifeaniga (“Qizilqum”) nisbatan 3 ta o‘yinga chetlashtirish va jarima intizom chorasi qo‘llanildi.
“Andijon” — “Turon”
Superliganing 12-turi doirasidagi “Andijon” — “Turon” uchrashuvning 34-daqiqasida “Turon” klubi futbolchisi Bilolxon Toshmirzayevga ko‘rsatilgan qizil kartochka Intizom kodeksining 5.61-bandiga asosan O‘zFHMning Ekspert hakamlar komissiyasi bilan kelishilgan holda bekor qilindi.
O‘zbekiston kubogi
“Qizilqum” — “Lokomotiv”
O‘zbekiston Kubogining 2-guruh bosqichi doirasidagi “Qizilqum” — “Lokomotiv” uchrashuvning 11-daqiqasida “Qizilqum” futbol klubi futbolchisi Humoyun Abdualimov to‘p uchun kurashish vaqtida oyog‘ining tag qismi bilan raqib o‘yinchisini oyoq qismiga zarba bergani uchun maydondan chetlashtirilgan.
Tartib-intizom qo‘mitasining qaroriga ko‘ra, Humoyun Abdualimovga (“Qizilqum”) nisbatan 4 ta o‘yinga chetlashtirish va jarima intizom chorasi qo‘llanildi.
Pro liga
“Dinamo plyus” — “Qo‘qon-1912”
Pro liganing 9-turi doirasidagi “Dinamo plyus” — “Qo‘qon-1912” uchrashuvi yakunlangandan so‘ng “Qo‘qon-1912” futbol klubi bosh murabbiyi Muxsin Nizamitdinov o‘yindan keyingi matbuot anjumanida tasdiqlanmagan, noto‘g‘ri ma’lumotlar berib, raqib jamoaga hamda muxlislarga hurmatsizlik qilgan.
Tartib-intizom qo‘mitasining qaroriga ko‘ra, Muxsin Nizamitdinovga (“Qo‘qon-1912”) nisbatan jarima intizom chorasi qo‘llanildi
“Lokomotiv” — “Mash’al”
Pro liganing 9-turi doirasidagi “Lokomotiv” — “Mash’al” uchrashuvi yakunlangandan so‘ng “Lokomotiv” futbolchisi Marat Bikmayev hamda “Mash’al” futbolchisi Otar Javashvili bir-biriga nisbatan tajovuzkor harakat qilib, mushtlashib ketgani hamda ommaviy tartibsizlik vujudga keltirgani uchun maydondan chetlashtirilgan.
Tartib-intizom qo‘mitasining qaroriga ko‘ra, Marat Bikmayev va Otar Javashviliga nisbatan 3 ta o‘yinga chetlashtirish va jarima intizom chorasi qo‘llanildi.
“Sho‘rtan” — “Xorazm”
Pro liga musobaqasining 10-turi doirasidagi “Sho‘rtan” — “Xorazm” uchrashuvning 33-daqiqasida “Sho‘rtan” jamoasi futbolchisi Hojiakbar Yunusov raqib o‘yinchisining yuz qismiga tirsagi bilan zarba bergani uchun maydondan chetlashtirilgan hamda uchrashuv yakunlangandan bosh hakam sha’niga haqoratli so‘zlar ishlatgan.
Tartib-intizom qo‘mitasining qaroriga ko‘ra, Hojiakbar Yunusovga (“Sho‘rtan”) nisbatan 3 ta o‘yinga chetlashtirish va jarima intizom chorasi qo‘llanildi.
“G‘ijduvon” — “Dinamo plyus”
Pro liga musobaqasining 10-turi doirasidagi “G‘ijduvon” — “Dinamo plyus” uchrashuvning 90+2-daqiqasida “Dinamo plyus” futbol klubi futbolchisi Hazratjon Tursunqulov zaxira o‘rindigʻidan turib, yordamchi hakamga nisbatan tajovuzkor harakat qilib, yelim idish uloqtirgani uchun maydondan chetlashtirilgan.
Tartib-intizom qo‘mitasi qaroriga ko‘ra, Hazratjon Tursunqulovga (“Dinamo plyus”) 3 ta o‘yinga chetlashtirish va jarima intizom chorasi qo‘llanildi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
