Bu yigit zamonaviy o‘zbek futboli yetakchilaridan biridir, shubhasiz. YouTube tarmog‘idagi IntervyuTV kanali ijodkorlari yaqinda Krishtianu Ronaldu bilan bitta jamoa - «Al-Nasr»da faoliyat yuritayotgan «O‘zbek Messisi»ning Saudiya poytaxti Ar-Riyodda joylashgan muhtasham uyida mehmon bo‘lib, undan katta intervyu olishdi. Alohida aytish kerak, o‘zbek futboli tevaragida bunday oshkora suhbatlar kamdan-kam bo‘ladi. Harqalay, O‘zbekiston milliy jamoasi yulduzi barchani qiziqtiradigan mavzular - turmush tarzi, qiyinchiliklarga to‘la bolaligi, shaxsiy rivojlanish yo‘li, biznes olamidagi hozirgi ishlari, Saudiyadagi hayoti va faoliyati xususida ochiq-oydin gapirib berdi.
- «Bunyodkor» jahon darajasidagi murabbiy va futbolchilarni olib kelgan payt sizda ham uning tarkibiga qo‘shilish istagi tug‘ilganmidi?
- Hech qachon. Chunki o‘sha vaqt «Paxtakor» yoshlar jamoasida o‘ynardim va har doim «qaldirg‘ochlar»ni mag‘lubiyatga uchratardik. Qisqasi, «Bunyodkor»ga havas qilmaganman, aksincha, uning futbolchilari bizga havas bilan qarashgandir ehtimol.
- 2017 yili «Paxtakor» tarkibi keskin yangilandi. Eski futbolchilardan esa faqat siz qoldingiz. Nega, ketish varianti yo‘qmidi?
- «Paxtakor»da kimdir uy egasi sifatida qolishi kerak edi-ku. 2017-2020 yillar oralig‘ida faoliyatimning eng baxtli davrini o‘tkazdim. Har holda, mamlakatimizda imkoni bor barcha sovrinlarni yutdik, OCHLda ham katta natijalar ko‘rsatdik. Orada Eron va boshqa kuchli chempionatlardan takliflar tushdi, ammo ketishni istamadim. Faqat 2020 yilga kelib, salohiyatim milliy chempionatimiz darajasidan oshgani va ketish fursati yetganini tushundim. Chunki agar yana ozgina qolganimda, pastga qarab sho‘ng‘ish xavfi oshardi.
- O‘sha yili «Al-Nasr» bilan shartnoma tuzdingiz, ammo Saudiya klubida legionerlar limiti to‘lgani tufayli ijara safariga yo‘l oldingiz - BAAning «Shabab Al-Ahli»siga...
- Yo‘q, aslida bunday bo‘lmagan. O‘sha payt «Al-Nasr» FIFA tomonidan qo‘yilgan qandaydir taqiq ortidan futbolchi sotib olgani bilan uni chempionatda o‘ynatolmasdi. Shuning uchun BAAdan taklif tushgach, klub 6 oy o‘ynab qaytishimga ruxsat bergandi.
- Aytingchi, hozirgi maoshingiz «Paxtakor»dagidan necha baravar katta?
- 3-4 baravar.
- Saudiyada mahalliy futbolchilarning moliyaviy holati qanday?
- Bir yilda o‘rtacha hisobda - «Bunyodkor» jahon darajasidagi murabbiy va futbolchilarni olib kelgan payt sizda ham uning tarkibiga qo‘shilish istagi tug‘ilganmidi?
- Hech qachon. Chunki o‘sha vaqt «Paxtakor» yoshlar jamoasida o‘ynardim va har doim «qaldirg‘ochlar»ni mag‘lubiyatga uchratardik. Qisqasi, «Bunyodkor»ga havas qilmaganman, aksincha, uning futbolchilari bizga havas bilan qarashgandir ehtimol.
- 2017 yili «Paxtakor» tarkibi keskin yangilandi. Eski futbolchilardan esa faqat siz qoldingiz. Nega, ketish varianti yo‘qmidi?
- «Paxtakor»da kimdir uy egasi sifatida qolishi kerak edi-ku. 2017-2020 yillar oralig‘ida faoliyatimning eng baxtli davrini o‘tkazdim. Har holda, mamlakatimizda imkoni bor barcha sovrinlarni yutdik, OCHLda ham katta natijalar ko‘rsatdik. Orada Eron va boshqa kuchli chempionatlardan takliflar tushdi, ammo ketishni istamadim. Faqat 2020 yilga kelib, salohiyatim milliy chempionatimiz darajasidan oshgani va ketish fursati yetganini tushundim. Chunki agar yana ozgina qolganimda, pastga qarab sho‘ng‘ish xavfi oshardi.
- O‘sha yili «Al-Nasr» bilan shartnoma tuzdingiz, ammo Saudiya klubida legionerlar limiti to‘lgani tufayli ijara safariga yo‘l oldingiz - BAAning «Shabab Al-Ahli»siga...
- Yo‘q, aslida bunday bo‘lmagan. O‘sha payt «Al-Nasr» FIFA tomonidan qo‘yilgan qandaydir taqiq ortidan futbolchi sotib olgani bilan uni chempionatda o‘ynatolmasdi. Shuning uchun BAAdan taklif tushgach, klub 6 oy o‘ynab qaytishimga ruxsat bergandi.
- Aytingchi, hozirgi maoshingiz «Paxtakor»dagidan necha baravar katta?
- 3-4 baravar.
- Saudiyada mahalliy futbolchilarning moliyaviy holati qanday?
- Bir yilda o‘rtacha hisobda 1 million dollardan ko‘proq topishadi.
- Sizning kamolotingizni o‘ylab, futbolchilik faoliyatidan voz kechgan akangizga nimalar sovg‘a qildingiz, sir bo‘lmasa?
- Akam bilan oramizda pul, buyumlarning umuman ahamiyati yo‘q. O‘zimga nimani ravo ko‘rsam, unga hattoki, ko‘prog‘ini ulashaman.
- Futbolni boks bilan taqqoslanishi qay darajada to‘g‘ri?
- Ikkisi umuman boshqa-boshqa qutb. Boksda hammasini bir o‘zingiz boshqarasiz, belgilaysiz. Futbol esa... Bunda jamoa o‘ynaydi - 11 futbolchi. Bir kishining noo‘rin harakati butun jamoa natijasiga ta’sir ko‘rsatishi hech gap emas.
- Krishtianu Ronalduga 7-raqamni topshirganingiz tafsiloti haqida ham gapirib bersangiz.
- Uning kelishidan oldin klub mutasaddilaridan biri yonimga keldi: «Jalol jamoamizga juda katta futbolchi jalb qilyapmiz. Shu, 7-raqamni unga bersak...». Darhol gap Ronaldu haqida ketayotganini tushundim va undan tasdiq olgach, hech qanday muammo yo‘qligini aytdim. Axir jahondagi ikki eng zo‘r futbolchidan biri kelsayu, unga raqamimni qanday bermasligim mumkin? Qisqasi, bu raqam o‘rniga ikkita 7ni birlashgan variantni so‘radim.
- Ronalduning shaxsiyati haqida...
- Bugungi kunda, 38 yoshida ham bizdan ko‘ra, qattiq mehnat qiladi, o‘z ustida ko‘p ishlaydi - haqiqiy professional. Odamgarchiligini esa ta’riflashga til ojiz.
- Saudiyaga qancha muddatda moslashgandingiz? Ronaldu-chi?
- Adaptasiya uchun chamasi 2-3 oy sarflagandim. Ronaldu esa havo nisbatan salqinlashgan payt keldi. Mana, havo endi isib ketdi va u ham ancha qiynalyapti...
- Bu yerda asosan nimalarga pul sarflaysiz?
- Qiyinchilik ko‘rib ulg‘ayganimizni aytdim. Demak, to‘g‘ri joylarga sarflash, kelajak uchun poydevor qo‘yishga harakat qilaman. Asosan ko‘chmas mulk sotib olyapman.
- Saudiya Arabistoni odatlaridan siz uchun qandaydir noqulay, g‘ayritabiiy tuyulgani ham bormi?
- Yo‘q. Hammasi o‘zimizdagi bilan bir xil deyarli.
- Olimjon Davletov, Dmitriy Kim yoki Ahmadjon Musayev? Qay biri hayotingiz va faoliyatingizda kattaroq o‘rin tutadi?
- Menimcha, Dmitriy Kim. Chunki katta futbol va hayotning haqiqiy sir-asrorlarini aynan undan ko‘proq o‘rgandim.
- «Paxtakor» bilan erishgan eng murakkab chempionlik qaysi?
- 2019 yilgi zafar o‘zgacha o‘rin tutadi. Chunki oradan ancha vaqt o‘tib, chempionlikni tantana qilgandik.
- Rudi Garsiya kuchliroqmi yoki Dinko Yelichich?
- Bulardan Shota Arveladze ustunroq edi...
- Siz bilan birga o‘ynagan eng kuchli yarim himoyachi: Odil Ahmedov, Server Jeparov yoki Temur Kapadze?
- Odil Ahmedov.
- Siz bilan birga o‘ynagan eng kuchli hujumchi Aleksandr Geynrix, Igor Sergeev yoki Eldor Shomurodov, albatta, Krishtianu Ronaldudan tashqari?
- Eldor Shomurodov.
- Quyidagilardan qay biri kuchliroq himoyachi: Yegor Krimes, Davron Hoshimov yoki Farrux Sayfiyev?
- Yegor Krimes.
- Kilian Mbappe kuchlimi yoki Erling Xoland?
- Neymar ikkalasidan ham zo‘rroq.
- Kim kuchli - Ronaldu yoki Messi?
- Ronaldu jamoamizga qo‘shilishidan oldin ham aytganman: jahonning birinchi raqamli futbolchisi ikki nafar: Krish va Leo.
- Nima uchun Messi emas?
- Messi - iqtidor, Krishtianu - mashaqqatli mehnat samarasi. Bunday mehnatkashlikni qadrlash kerak. To‘g‘ri, Messi jahon chempioniga aylandi, lekin men uchun ikkalasi teng, baribir.
- Sizda-chi, iqtidor ko‘proqmi yoki mehnat?
- Boshida iqtidor edi, hozir esa mashaqqatli kundalik mehnat.
- Qaysi sharhlovchini ko‘proq yoqtirasiz: Davron Fayziyevmi yoki Xayrulla Hamidov?
- Shu ikkisi birga sharhlagan o‘yinni maza qilib ko‘raman.
- Qayerga sayohat ma’qulroq: tog‘li hudud yoki dengiz bo‘yi...?
- Tog‘li joylar yaxshi, havo toza, chiroyli manzaralar...
- Faoliyatingizni qachongacha davom ettirishni o‘ylayapsiz?
- Avvalo, Alloh biladi. Yana 5-6 yil o‘ynashga qurbim yetsa kerak. Qachonki, o‘z pozisiyamdagilardan ortda qolishni boshlasam, o‘ynashni to‘xtataman.
- Hali yetisholmagan orzularingiz...
- Futbolda birgina orzu qoldi - jahon chempionatida o‘ynash. Qolganlariga ortig‘i bilan erishdim.
2020 yilga kelib, salohiyatim milliy chempionatimiz darajasidan oshgani va ketish fursati yetganini tushundim. Chunki agar yana ozgina qolganimda, pastga qarab sho‘ng‘ish xavfi oshardi.
Paxtakor
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
