"Manchester Siti" ushbu mavsumda treblga erishishiga katta hissa qo‘shgan futbolchilardan biri Ilkay Gyundogan bir-necha soat oldin jamoani rasman tark etdi. Germaniya terma jamoasi a’zosi 2016 yilda "shaharliklar" tarkibiga kelib qo‘shilgan edi. 7 yil mobaynida yarim himoyachi Gvardiola jamosida o‘z o‘rnini topib kerakli gollarga mualliflik qildi. U so‘nggi yillarda so‘zsiz jamoaning asosiy tarkib futbolchisi edi. Ho‘sh Pep ishongan futbolchisining o‘rnini kim bilan qoplamoqchi? "Manchester Siti" kuchlilar safida qolishi uchun Gyundoganning o‘rnini yopa oladigan futbolchiga muhtoj. Gvardiolada qanday variantlar bor?
Beqaror Kovachich
Xorvatiyalik futbolchi "Inter" safida katta futbolga tanilgan va o‘yin uslubi jihatidan Pep yoki shunga o‘xshash to‘p nazorati ustida ko‘proq ishlaydigan murabbiylar unga erkinlik berishi mumkin edi. Ammo u "Real"ni tanlagan. Bu tanlov unga ko‘plab sovrin olib keldi. Ammo o‘zini ko‘rsatishiga imkon topilmadi. Mana endi murabbiyini topdi. Ammo Gyundoganning o‘rnida Kovachichni ko‘rishimiz biroz qiyinroq. Chunki xorvat asosan markazda yoki tayanch yarim himoyachisi bo‘lib o‘ynashga ko‘nikkan. Pep, balki Kovachichni tayanch uchun olib kelgandir? Ammo Rays transferiga bo‘lgan urinish Kovachichni Ilkayning o‘rniga kelgan bo‘lishi mumkinligini ko‘rsatmoqda. Hozircha Kovachichni hujumkor yarimhimoyachi sifatida ko‘ra olmaymiz.
Universallik talab qilinayotgan Foden
Fil Foden o‘tgan mavsumning birinchi yarmida supero‘yinlar ko‘rsatib, Grilishni raqobatda batamom taslim qilgandek ko‘rindi. Ammo mundialdan keyin Jek o‘zini yaxshi tomonlarini ko‘rsatdi va Fodenni asosiy tarkibdan chiqarib yubordi. Albatta bunga Fodendagi jarohatlar ham sabab bo‘lgan. Endi Fodenda ikki yo‘l bor. Chap qanot uchun raqobatda Grilishni yengish yoki biroz markazlashishi kerak. Menimcha, Pep ham Fodenni markazga ko‘chirish haqida o‘ylayotgan bo‘lsa kerak, "Real"ga qarshi CHL yarim finali javob o‘yini va finalda "Inter"ga qarshi bahslarda Fil ushbu pozisiyada ham o‘ynay olishini ko‘rsatdi va bu bilan u Xolandga yanada yaqinroqdan ko‘maklasha oladi.
Mahrezning jamoada qolishi
Riyad Mahrez o‘yin amaliyoti kamligi sabab "Siti"dan ketmoqchi. Ammo Gyundoganning "Barselona"ga yo‘l olishi sabab Pep Mahrezga kafolatlangan o‘yin amaliyoti berishi mumkin. Buning uchun Bernardu Silva yarimhimoyaga ko‘chishi kerak. Bernandu bunday pozisiyalarda bemalol o‘ynay oladi va bu unga maqul tushishi ham mumkin.
Xulian Alvares uchun o‘yin amaliyoti
Yuqordagi nomlarning Gyundogandan bitta kam jihati bor. Bu pressingda ishlash. Pep jamoasida hamma pressingda ishlashga majbur. Ammo Ilkay pressingda boshqa darajadagi futbolchi edi. Xulian Alvaresning ham to‘p uchun kurashishi va mehnatkashligini qadrlash mumkin. Shu tariqa Pep futbolchini yarim himoyachiga aylantirishi va bu bilan yaxshigina o‘yin amaliyoti berishi mumkin.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Шуҳрат Шокиржонов
Шерзод Ражабов
Қаҳрамон Асланов
