2022/23 yilgi mavsum “Napoli” uchun juda omadli keldi. Birinchidan, neapolliklar skudettoni qo‘lga kiritishdi, bu Maradona davridan beri bo‘lmagandi. Ikkinchidan, "adzurrilar" o‘z tarixida birinchi marta Chempionlar ligasining chorak finaliga chiqishdi. "Napoli" bir necha muvaffaqiyatli yillarida ham YECHLda yaxshiroq ko‘rinmagandi, ammo vaziyat tezda o‘zgardi. Bunga birinchi navbatda neapolliklarning zafarli mavsumidagi bosh qahramon Luchano Spalettining klubni tark etishga qaror qilgani sabab bo‘ldi. Ammo boshqa fikrlar ham bor.
O‘tgan mavsum davomida ham "Napoli" yozda kuchsizlanib qolishi mumkin degan xavotirlar bor edi. Ko‘p futbolchilar shu qadar yaxshi ediki, top-klublar ularni e’tibordan chetda qoldira olmadilar. Agar Xvicha Kvarasxeliya yaqin kelajakda Neapolni tark etmasligini qat’iy aytgan bo‘lsa, Viktor Osimxen bu borada unchalik qat’iy emas edi. Nigeriyalik futbolchining aytishicha, uning holatida hammasi klub prezidenti Aurelio De Laurentisga bog‘liq. Futbolchi keyingi mavsumni boshqa joyda o‘tkazishi mumkinligini aniq aytdi. Albatta, u top-klublardan unga qiziqish bildirishayotganidan xabardor.
Osimxen atrofidagi mish-mishlar tushunarli. Nigeriyalik futbolchi Italiya chempionatining 32 o‘yinida 26 ta gol urib, ajoyib mavsum o‘tkazdi. U nafaqat "Napoli"ning, balki butun A Seriyaning eng yaxshi to‘purari bo‘ldi. Bungacha u bir mavsumda 14 va 10 ta gol urgandi. Osimxen atigi 24 yoshda bo‘lsa-da, sezilarli darajada rivojlanmoqda. Xvicha uchun ham xuddi shunday deyish mumkin. Yuqori darajadagi birinchi mavsumidayoq 22 yoshli vinger gol+pas tizimida 22 ochko to‘pladi (12+10). Har ikki futbolchi o‘zini juda yaxshi ko‘rsatib, chempionlik uchun kurashda neapolliklarga yordam berishdi. Shunday ekan, top-klublarning ularga bo‘lgan qiziqishi "adzurrilar" uchun ham syurpriz bo‘lmasa kerak.
Xvicha, ehtimol, qoladi, lekin Osimxen haqida savollar bor. De Laurentis avvalroq nigeriyalik futbolchini sotmasligini aytgandi. Ammo funksioner allaqachon Spaletti kelasi mavsumda "Napoli" bosh murabbiyi bo‘lib qolishini ham ta’kidlagan, biroq yakunda... Agar rahbariyatga nigeriyalik uchun katta summa taklif qilinsa, uni sotishga rozi bo‘lishlari mumkin. Neapolliklar "Verona"dan hujumchi Simeoneni sotib olishdi, ammo Diyegoning o‘g‘li Osimxen kabi samarali emas. Jamoa to‘purarini yo‘qotish Irving Losano va Matteo Politanodan yaxshi o‘yin kutishni anglatadi.
Osimxen "adzurrilar" uchun yagona yo‘qotish emas. Katta ehtimol bilan "Bavariya" jiddiy da’vo qilayotgan himoyachi Kim Min Chje Neapolni tark etadi. Tomonlar kelishuvga erishishga yaqin turibdi. "Napoli" u uchun 50 million yevro miqdorida katta tovon oladi, ammo u jamoa himoyasida muhim o‘yinchi edi (hali ham shunday). Bundan tashqari, yarim himoyachi Piotr Zelinski va darvozabon Aleks Meretning shartnomalari bir yildan so‘ng yakunlanadi. Bular jamoa uchun muhim tayanch o‘yinchilardir. Buning ustiga neapolliklarni sport direktori Krishtianu Jintoli ham tark etishi mumkin. Spaletti bilan chempionlik jamoasi tuzildi, ammo endi buni yana takrorlash qiyin. Balki funksioner boshqa murabbiy bilan ishlashni xohlamayotgandir yoki yangi chaqiruv olishni niyat qilgandir. Unga "Yuventus", "Tottenxem" va "Manchester Yunayted"dan qiziqishlar bor. Hozircha “Napoli” chempionlikdan so‘ng darhol parchalanib ketyapti, deyish mumkin emas, ammo buning uchun zarur shart-sharoitlar mavjud. Yoz ko‘p jihatdan "adzurrilar" uchun juda muhim bo‘ladi.
Endi murabbiylik almashinuvi haqida. Neapolliklar jamoaning yangi murabbiyi Rudi Garsiya bo‘lishini ma’lum qildi. Tanlov kutilmagan edi, chunki mish-mishlarda ko‘proq taniqli mutaxassislar paydo bo‘lgandi. Ammo bu De Laurentis, u har bir summaning qadriga jiddiy e’tibor beradi. “Napoli” xo‘jayini birinchi navbatda murabbiyni emas, shaxsni tanlaydi. Garsiyani tayinlashdan oldin u bilan 10 kun muloqot qilindi. Italiyalik funksioner uchun o‘zi yollayotgan odamni chuqur bilish juda muhimdir.
Ma’lum bo‘lishicha, Saudiya Arabistonini tark etish Garsiyaga foyda keltirgan. Italiya chempioni bo‘lish jiddiy muammo. Mutaxassis bungacha A seriyada ishlagan. 2013 yilning yozida u "Roma"ga tayinlangandi. Bungacha u “Lill”ni boshqargan, u bilan Fransiya chempioni bo‘lgan va mamlakat kubogini qo‘lga kiritgan. Rimda fransuz 2,5 mavsum o‘tkazdi. Garsiya "bo‘rilar" bilan yaxshi start oldi va ketma-ket 10 ta o‘yinda 24:1 to‘plar farqi hisobida g‘alaba qozondi. Ammo keyin “Roma” ochko yo‘qotishni boshladi. Bahorda jamoa navbatdagi g‘alabali seriyasini davom ettirdi, bu safar to‘qqizta o‘yin yo‘qotishlarsiz o‘tdi, ammo chempionlik uchun kurashda “Yuventus”ga imkoniyat boy berildi.
Ikkinchi mavsumda ham mutaxassis rahbarligida rimliklar A seriyani 2-o‘rinda yakunladi – yana “Yuventus” ularni ortda qoldirdi. Uchinchi mavsum qiyin kechdi. Fransuz 2016 yilning yanvarida ishdan bo‘shatilgan edi. E’tiborlisi, o‘shanda Garsiya o‘rniga Spaletti tayinlangandi. Bu safar Rudi "Napoli"da Luchano o‘rnini egalladi. Umuman olganda, mutaxassis A seriyada yaxshi ishladi. Lekin “Roma” ko‘p ochko yo‘qotgan g‘alati duranglar seriyasi uni tushkunlikka soldi. Rimliklar fransuz boshchiligida skudettoni qo‘lga kirita olishmadi, ammo ikki marta Italiya vise-chempioniga aylanishdi.
"Roma"dan keyin Garsiya "Marsel" va "Lion"da ishlagan. Mamlakat chempionatida mutaxassis boshchiligidagi jamoalar katta muvaffaqiyatlarga erisha olishmadi. Shu bilan birga, fransuz provansliklarni Yevropa ligasi finaliga olib chiqdi va u yerda Madridning “Atletiko”siga mag‘lub bo‘ldi. “Lion” bilan u Fransiya Liga kubogi finaliga qadar yetib bordi, u yerda “to‘quvchilar” “PSJ”ga mag‘lub bo‘ldi. "Lill" bilan "oltin dubl"dan so‘ng Garsiya 2010/11 yilgi mavsum yakunida birorta sovrin yuta olmadi, garchi u bir necha bor katta titullarga yaqin kelgan bo‘lsada.
Mutaxassis "Roma"ni tark etganidan 7 yil o‘tib Italiyaga qaytadi. Fransiyalik murabbiy qo‘l ostidagi “Napoli”dan nima kutish mumkinligini aytish hozircha qiyin, chunki jamoaning taqdiri nima bo‘lishi aniq emas. Albatta, De Laurentisning o‘zi hali hammasini bilmaydi, shuning uchun u eng taniqli murabbiyni tayinlashga qaror qildi. Shunday qilib, u jamoadagi bosimni olib tashlaydi, chunki mashhur murabbiy kelishi bilan u o‘z oldiga bundan ham yuqori maqsadlarni qo‘yishi kerak edi va endi bu qanday bo‘ladi, barchaga qiziq. Spaletti, shuningdek, neapolliklar uchun o‘tgan mavsumdagi muvaffaqiyatlarni takrorlash juda qiyin bo‘lishini aniq aytdi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
