"Arsenal" "Vest Xem" yarim himoyachisi Deklan Rays uchun 105 million funt taklif qilgan edi. Bu summa ingliz futbolidagi eng balandi hisoblanadi. Ayni damda Mikel Arteta jamoasi Rays xaridiga yaqin turibdi. Ammo bir futbolchi uchun 105 million ko‘plik qilsa kerak. Ishonmasangiz, quyidagi 11 futbolchi Raysdan arzonroqqa sotib olinganini guvohi bo‘lishingiz mumkin.
Darvozabon: David Rayya – 3 million funt
O‘tgan mavsumni ispan darvozaboni "Brentford" safida fantastik darajada o‘tkazgan edi. Unga ayni damda "MYU" va "Tottenxem" qiziqayotgani aytiladi. Rayya 2019 yilda "Blekbern Rovers"dan atigi 3 millionga sotib olinadi. Hozirda 27 yoshli futbolchi 40 million funtga baholanmoqda.
O‘ng qanot himoya: Kiran Trippyer – 12 million funt
2022 yilning yanvarida "Nyukasl" Trippyer xaridini "Atletiko"dan 12 million evaziga amalga oshiradi. Trippyer 18 oy ichida o‘z klubini xavfli zonadagi jamoadan YECHL qatnashchisiga aylantirdi. Ayni damda u jamoasi sardori sanaladi.
Markaziy himoyachi: Manuyel Akanji – 15 million funt
Gvardiola Akanjini shunchaki, har ehtimolga qarshi xarid qiladi. Ammo futbolchi shunchaki odam sonidagi vakil emasligini isbotladi. 27 yoshli himoyachi birinchi mavsumidayoq 48 ta o‘yinda maydonga tushib, uchta titul yutishga erishdi.
Markaziy himoyachi: Fabian Sher – 3 million funt
Sher "Nyukasl" qahramonliklarida jamoa bilan birga edi. Eddi Xau asosiy tarkibiga kirmasa ham, futbolchi kerak paytda jamoaga yordam berib kelmoqda. Shveysariya terma jamoasi a’zosi 2018 yilda "Deportivo"dan xarid qilingan edi. U "qarg‘alar" uchun atigi 3 millionga tushgan.
Chap qanot himoya: Pervis Estupinyan – 17 million funt
Bu terma jamoadagi eng qimmat futbolchi aynan Pervisdir. "Brayton" uni Mark Kukurelyani o‘rniga "Vilyarreal"dan olib keladi. Hozirga kelib, ekvadorlik himoyachi o‘zi sotib olingan narxdan allaqachon uch barobar qimmatladi.
O‘ng qanot hujum: Maykl Olise – 8 million funt
Olise intervyular berishga uyalishi mumkindir. Ammo u hamma kuchini maydonda ko‘rsatadi. "Kristal Pelas" vakili o‘z jamoasida qimmat vakillardan biriga aylangan. Fransiya yoshlar terma jamoasi a’zosiga allaqachon katta klublar qiziqish bildirmoqda.
Yarim himoyachi: Moyses Kaysedo – 5 million funt
Yanvar oyida "Arsenal" Kaysedo uchun 60 million funt taklif etadi. Ammo "Brayton" uni sotishdan bosh tortgandi. Ekvador terma jamoasi a’zosi ikki yil ichida bir necha bor qimmatlab ketdi. Ayni damda Kaysedo Yevropadagi eng yaxshi yarim himoyachilar ichida e’tirof etilmoqda. Unga hozir ham ko‘plab klublar da’vo qilmoqda.
Yarim himoyachi: Rodrigo Bentankur – 15.8 million funt
Tarkibdagi yana bir qimmat futbolchi bu Bentankurdir. Urugvaylik yulduz 2022 yilning yanvarida 16 million evaziga "Yuventus"dan "Tottenxem"ga ko‘chishni amalga oshiradi. Afsuski, futbolchi hozirda jarohatlar girdobida qolmoqda.
O‘ng qanot hujum: Gabriel Martinelli – 6 million funt
"Arsenal" Edu boshchiligida ajoyib xaridga qo‘l uradi. Martinelli 2019 yilda APLga olib kelinadi. U 6 million funt evaziga Braziliyaning uncha mashhur bo‘lmagan "Ituano" klubidan sotib olingan edi. Oradan to‘rt yil o‘tdi. Martinelli ayni damda APLning yorqin yulduzlaridan biri va olib kelingan narxidan o‘n karra ko‘proq qiymatga ega.
Hujumchi: Xulian Alvares – 14.1 million funt
O‘tgan mavsum boshida "Manchester Siti" o‘z hujumchilari Jezus va Sterlingni sotib, ularning o‘rnini Xoland va Alvares bilan to‘ldiradi. Argentinalik Xulian "shaharliklar" bilan trebl qayd etdi. Qatarda jahon chempioniga aylandi. Ha, u hali Gvardiolaning asosiy tarkibiga kira olgani yo‘q. Ammo kerak bo‘lganda jamoaga yordam bermoqda. Hozirda Xulian Alvares 60 million funtga baholanmoqda.
Hujumchi: Ayvan Tauni – 5 million funt
"Brentford" 2020 yilda o‘z hujumchisi bo‘lgan Olli Uotkinzni "Aston Villa"ga 28 millionga pullaydi. Uning o‘rniga esa "Piterboro"dan 5 million funt evaziga Taunini olib keladi. Ingliz hujumchisi "arilar" bilan birinchi mavsumda 31 ta gol urib, APLga yo‘l oladi. U hozirda elitada ham o‘zini ko‘rsatib kelmoqda.
ISMATOV J.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
