Angliya Premyer-ligasi bir necha hafta oldin 2023-24 yilgi mavsum uchun taqvimni taqdim etgandi. Mavsumoldi o‘yinlariga ham hademay start beriladi. Bu uchrashuvlarda futbolchilar o‘z sport formasini tiklab olishlari mumkin bo‘ladi. Ammo ayrimlar jarohati sababli iyul va avgust oylarida maydonga tusha olmasligi mumkin. Quyida shunday nomlar haqida so‘z boradi.
Kevin De Bryuyne
"Manchester Siti" yangi mavsumni nisbatan erta boshlashi kutilmoqda. Negaki, Gvardiola jamoasi avgust avvalida Angliya Superkubogi uchun "Arsenal" bilan to‘qnash kelishi kerak. Bu o‘yinda "shaharliklar" sardori Kevin qatnasha olmaydi. U YECHLda olgan jarohatidan to‘liq forig‘ bo‘la olmasligi mumkin. Belgiya terma jamoasi a’zosi mavsum avvaligacha tiklana olmaydi. Negaki, 32 yoshli yarim himoyachi o‘tgan mavsumning oxirgi ikki oyini jarohati bo‘lsa ham o‘ynab o‘tkazgandi. Bu haqida jurnalistlarga De Bryuynening o‘zi aytgan.
Benua Badiashile
"Chelsi"ga olib kelinganiga bir yil bo‘lganiga qaramay, Badiashile faqatgina 10 ta o‘yinda maydonga tushdi. U kelayotgan mavsum avvalini ham jarohati sababli o‘tkazib yuborishi ma’lum bo‘ldi. Himoyachi chov sohasidan jiddiy shikast olgan va 4 oygacha maydonga tusha olmaydi.
Rodrigo Bentankur
O‘tgan mavsumda Bentankurning yo‘qligi, "Tottenxem"ning kuchli to‘rtlik uchun kurashida katta muammolarga sabab bo‘lgandi. Fevral oyida "shporlar"ni to‘rtinchi o‘rindan bor-yo‘g‘i 2 ochko ajratgan bo‘lsa, Bentankur jarohat olganidan keyin, mavsum 8 pog‘onada yakunlandi. 26 yoshli yarim himoyachi oyog‘ida jarrohlik amaliyotini o‘tkazdi. Shu sabab noyabrga qadar qayta olmaydi.
Maykl Olise
"Kristal Pelas" hujumchisi Fransiya yoshlar terma jamoasi safida jarohat orttirib oldi. Shu sabab yangi mavsumning avvali usiz o‘tishi mumkin. Uni yo‘qotish "burgutlar" uchun katta muammo. Negaki, Vilfrid Zaa ketmoqda. Shu sabab jamoaga hujumchi kerak.
Andreas Pereyra
Braziliyalik pleymeyker "Manchester Siti" bilan ikkinchi davra o‘yinida to‘pig‘idan jarohat oladi. Shundan beri uni maydonda ko‘rmadik. Pereyraning bir oy ichida tuzalib qaytishi so‘roq ostida turibdi.
Aleks Moreno
Moreno qishki transferlar oynasida "Real Betis"dan sotib olingan edi. Himoyachi tezda APLga moslashib, "Aston Villa"ning muhim o‘yinlarida qalqon vazifasini o‘tadi. 37 turda "Liverpul" bilan kechgan bahsda, ispaniyalik jarohat olgandi. Shu sababli jarrohlik amaliyotini boshidan o‘tkazdi. 30 yoshli futbolchi endi mavsumoldi o‘yinlari paytini ham davolanib o‘tkazadi.
Stefan Baychetich
"Liverpul" Baychetichning jarohatini yengillatishga harakat qilmoqda. 18 yoshli pleymeyker mart oyidan beri davolanmoqda. U mersisaydliklar bilan mavsumoldi o‘yinlariga boradi. Ammo maydonga tushish masalasi bahsli bo‘lib turibdi. Bu haqida Klopp shunday degandi: "Yangi mavsum avvalida uni qaytarishni o‘ylayapmiz. Ammo rejamiz amalga oshishiga kafolat yo‘q. Ikki oysiz u to‘liq mashg‘ulotda qatnasha olmaydi. Hozircha bor gap shu".
ISMATOV J.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
