Biz yozgi transfer oynasini yoritishda davom etamiz. 10 iyun kuni ham yangiliklarga boy bo‘ldi.
"Barsa" 8 nafar futbolchidan qutulmoqchi
Klubning sport direktori Mateu Alemani haqiqiy savdoni tashkil qilishni o‘z zimmasiga oldi. Jurnalist Xavi Migelning so‘zlariga ko‘ra, "Barselona" transfer oynasining qolgan haftalarida Kleman Langle, Serjino Dest, Erik Garsiya, Frank Kessie, Pablo Torre, Niko Gonsales, Ferran Torres va Aleks Kolyadodan xalos bo‘lmoqchi.
Faqat Torre va Garsiya uchun nuanslar mavjud. Ular birinchisini ijaraga jo‘natmoqchi, ikkinchisini esa foydali taklif tushmasa, saqlab qolishga tayyor. Ro‘yxatdagi qolgan futbolchilar bilan "Barsa" moliyaviy ahvolini to‘g‘irlash uchun butunlay xayrlashmoqchi. Bu, ayniqsa, katta maoshga ega bo‘lgan Langle va Dest uchun to‘g‘ri keladi.
"Manchester Yunayted" Maguayrga narx belgiladi
"Manchester Yunayted" o‘z sardorini sotishga tayyorligi endi yangilik emas. Ammo hozir tafsilotlar oshkor bo‘ldi. ManchesterEveningNews nashrining ta’kidlashicha, "Yunayted" boshliqlari Xarri uchun 58 million yevro olishmoqchi. Qiziqarli narx, yaqin vaqtgacha klub himoyachini istalgan narx bilan qo‘yib yuborishga tayyor, degan qarash bor edi.
Shuningdek, Maguayr “Manchester Yunayted”da qolsa ham, Erik ten Xag undan sardorlik bog‘ichini tortib olishi xabar qilingan. Demak, yangi mavsumda baribir jamoa yangi sardorga ega bo‘ladi! 30 yoshli Maguayrning "Yunayted" bilan shartnomasi bor-yo‘g‘i ikki yildan keyin tugaydi.
Xalk Yevropaga qaytadimi?
O‘tgan o‘n yillikda "Portu" va "Zenit"dagi yorqin o‘yinlaridan so‘ng hujumchi vataniga qaytgach, omma ko‘z oldidan biroz g‘oyib bo‘ldi. Xalk 36 yoshda, ammo unga qiziqish hali ham mavjud. Jurnalist Yagiz Sabunchug‘luning ta’kidlashicha, "Samsunspor" braziliyalik futbolchini Yevropaga qaytarishga tayyor. Turk klubi allaqachon "Atletiko Mineyro" rahbariyatiga Xalkning transferi haqida so‘rov bilan murojaat qilgan.
"Tottenxem" "Bavariya"ning Keyn borasidagi shartlarini rad etdi
Bu muzokaralar hozir turg‘unlik bosqichida. "Bavariya" dastlab Xarri uchun 70 million yevro taklif qildi va rad javobini oldi. Endi ikkinchi taklif Londonga yetib keldi 80 million yevro. Ammo Fabrisio Romanoning so‘zlariga ko‘ra, Daniyel Levi ham bu taklifdan qoniqmagan. "Tottenxem" bunday shartlarga va undan kattaroq summaga rozi bo‘lmoqchi emas. Shunga qaramay, "Bavariya" optimist bo‘lib qolmoqda va ushbu qiyin muzokaralar davomida londonliklar bilan kelishuvga erishishga umid qilmoqda.
Saudiyaliklar "Yuventus" nishonini ilib ketishdi
Bir necha kun avval OAVda “Yuventus” Sergey Milinkovich-Savich bilan Turinga o‘tishga kelishib olgani haqida yozgan edi. Va endi vaziyat keskin o‘zgardi. La Repubblica nashrining xabar berishicha, serbiyalik yarim himoyachi “Al-Hilol”ning taklifini qabul qilgan va mavsumiga 20 million yevro maosh oladigan 3 yillik shartnoma asosida ketadi.
Pochettino "Chelsi" uchun ikki hujumchidan birini tanlaydi
Biz allaqachon "Chelsi"ning Dushan Vlahovichga qiziqishi haqida gapirgan edik, ammo xabarlarda yana bir forvard paydo bo‘ldi. Evening Standard nashri xabariga ko‘ra, jamoaning yangi bosh murabbiyi Maurisio Pochettino "Yuventus"dan serb va "MonpelYE"dan Elli Vai o‘rtasidan birini tanlamoqda.
Albatta, "Chelsi" eng klub emas, lekin Vai bilan variant arzonroq bo‘lishi aniq. 20 yoshli futbolchi 20 million yevroga baholangan, Vlahovich esa 70 million yevro atrofida. Ammo bu bosqichda tanlov Pochettinoga bog‘liq. Hech bo‘lmaganda, argentinalik murabbiy jamoaga hujumchi olish niyatida.
Lyoris ikkita top-klubga taklif qilindi
"Tottenxem" boshliqlari "Manchester Yunayted"ning David de Xea bilan xayrlashganini bilib, ularga ham o‘z afsonalari kerak emas deb qaror qilishdi. Sports Zone xabariga ko‘ra, Ugo Lyoris xizmatlari “PSJ” va “Inter”ga taklif qilingan.
Lekin bu hammasi emas. Lyorisga nomi oshkor etilmagan Premyer-liga klubi qiziqish bildirmoqda. Shu bilan birga, 36 yoshli jahon chempionining qo‘lida faqat bitta aniq taklif bor. O‘ylab ko‘ring qayerdan? Albatta, Saudiya Arabistonidan. “Al-SHabab” Ugoga shartnoma yuborgan, biroq u haligacha javob bermagan. Ko‘rinishidan, u hali ham Yevropada qolishni xohlaydi. Aytgancha, Llorisning "Tottenxem" bilan shartnomasi keyingi yozda tugaydi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
