Transferlar oynasi davom etmoqda. Bu davrning o‘ziga xos xususiyati shundan iboratki, siz oldidan kim qaysi jamoaga o‘tishini aniq ayta olmaysiz. Bu esa transferlar oynasining qiziqligini oshiradi. Quyida APL klublari tomonidan amalga oshirilgan eng yaxshi xaridlarni bilib olasiz.
10. Mateo Kovachich >> "Manchester Siti"
Kovachich, katta ehtimol bilan "Manchester Siti"ga qandaydir yangilik olib kelmaydi. Ammo Gvardiolaga Ilkay Gyundogan o‘rnini bosa oladigan vakil kerak edi. Shu sabab Kovachich "Chelsi"dan xarid qilindi. Xorvatiya terma jamoasi a’zosi o‘z faoliyati davomida jami 4 ta YECHL sovrinini qo‘lga kiritgan.
9. Pau Torres >> "Aston Villa"
Unai Emeri "Aston Villa"da katta rejalarga ega. Shu sababdan o‘zining sobiq shogirdini jamoaga jalb etdi. Pau Torres himoyada Tayron Mingz, Eshri Konsa va Diyego Karloslar bilan birga harakat qiladi. Ispaniya terma jamoasi a’zoning 31.5 million funtga kelganini hisobga olsak, u asosiy tarkibdan joy oladi.
8. Sandro Tonali >> "Nyukasl"
Tonali katta nom sifatida, Italiya chempioni bo‘lib Angliyaga keldi. "Nyukasl", uni aynan YECHL sababli xarid qildi. Uning darajasi yarim himoya uchun muhim sanaladi. "Qarg‘alar"ni 2002-03 yildan beri ilk bor katta turnirda qatnashayotganini hisobga olsak, Eddi Xauning bu yurishi o‘ta foydali bo‘ldi.
7. Yurriyen Timber >> "Arsenal"
Mikel Arteta himoyani mustahkamlashi kerak edi. Shu sabab "Arsenal" "Ayaks"dan Timberni xarid qildi. Niderlandiya terma jamoasi a’zosi shunday moslashuvchanki, u himoyaning har qaysi nuqtasida birdek harakat qila oladi. 22 yoshli futbolchi allaqachon ikki bor mamlakat chempioni bo‘lgan va yangi jamoasiga chempionlik xarakaterini o‘tkaza oladi.
6. Meyson Maunt >> "MYU"
Mauntning o‘zi tarbiya topgan klubini tashlab ketishi, yomon albatta. Ammo unga yangi jamoa zarur edi. 24 yoshli yarim himoyachi "Chelsi" katta yutuqlarga erisha olgan. Raqib darvozasi oldida katta xavfga aylana oladigan futbolchi, eski klubida 195 o‘yinda 33 ta golga mualliflik qilgan.
5. Dominik Soboslai >> "Liverpul"
Futbol muxlislari uzoq vaqtdan beri Soboslaini kuzatib kelishadi. U, avvaliga "Zalsburg"da, keyin esa "Leypsig"da porladi. Ayni damda "Liverpul" uning oldida turibdi. 22 yoshli yarim himoyachi 60 million funtga xarid qilindi. Vengriya terma jamoasi a’zosidan ko‘p narsa kutilmoqda. Biz ham unga omad tilaymiz.
4. Jeyms Meddison >> "Tottenxem"
Meddison "Lester" bilan Chempionshipga yo‘l olgach, uni sotilishi aniq bo‘lib qoldi. "Shporlar" yarim himoyachi uchun 40 million funt to‘lab bergandi. Hujumkor yarim himoyachi avvalari "Tottenxem"ga yetishmayotgan mentalitetni olib kelishi kutilmoqda. Meddison maydonda Keyn, Son va Kulusevski uchligiga yordam beradi.
3. Kristofer Nkunku >> "Chelsi"
"Chelsi" o‘ta tartibsiz jamoaga aylanib qolgandi. Keraksiz hujumchilar ham ko‘p edi. Pochettino esa ularni birma-bir yo‘qotib, o‘rniga yosh va umidli yulduzlarni olib keldi. Shulardan biri 51 million funtga xarid qilinga Nkunkudir. "Leysig"dan olib kelingan vingerga katta umid bog‘langan.
2. Aleksis Makallister >> "Liverpul"
24 yoshli futbolchi yozning ilk xaridlaridan biriga aylangandi. Klopp uni mavsumoldi o‘yinlarida to‘liq harakat qilishini istadi va yoz avvalida sotib oldi. Makallister mundial g‘olibi va yangi jamoasiga ko‘p narsa taklif eta oladi. "Liverpul" argentinalik uchun bor-yo‘g‘i 35 million funt to‘ladi. Ammo qo‘yilgan maqsadlarga erishilsa, "Brayton" yana bu xariddan 20 milliongacha foyda ko‘radi.
1. Deklan Rays >> "Arsenal"
Raysning obro‘si juda yuqori edi. U "Vest Xem" bilan yevrokubok egasiga aylandi. Yarim himoyachi uchun "Manchester Siti" va "Arsenal" kurashgandi. Yakunda 100 millionlik taklif bilan London klubi g‘alabaga erishdi. Mikel Arteta qo‘yilgan maqsadiga erishganini aytadi. Rays katta ehtimol bilan Shimoliy Londonda muvaffaqiyatga erishsa kerak.
ISMATOV J.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
