AQSH futbol chempionati ancha yillardan beri o‘ziga dunyoning eng yirik yulduzlarini jalb etib kelmoqda.
2023 yilda bu borada eng katta yurishni «Inter Mayami» klubi qildi. Devid Bekxem jamoasida endi barcha davrlarning eng yaxshi futbolchilaridan biri - Lionel Messi hamda uning do‘sti Serxio Buskets to‘p suradi. Shuningdek, Jordi Albaning ham ularga qo‘shilishi kutilmoqda. Tabiiyki, ular katta maosh evaziga ishlaydi. Quyida MLSning yirik shartnomalarga ega yulduzlari top-10 bilan tanishib chiqishingiz mumkin.
10. Kristian Benteke - «Di-Ci Yunayted», 85 245 dollar
«Liverpul» va «Kristal Pelas»ning sobiq hujumchisi Amerikada o‘z to‘purarlik mahoratini namoyish etmoqda. Belgiyalik futbolchi o‘tgan yozda okeanortiga yo‘l olgandi. U MLSning 20ta o‘yinida 8ta gol va 2ta assistga mualliflik qildi. Bentekening haftalik maoshi 85 ming funtdan ko‘proqdir.
9. Duglas Kosta - «Los-Anjeles Gelaksi», 86 698 dollar
Kosta Yevropaning «Shaxtyor», «Bavariya» va «Yuventus» kabi klublarida faoliyat olib borgan. 32 yoshli yarim himoyachi jarohatlar sabab yuqori darajaga chiqishga qiynalgandi. Braziliyalik futbolchi 2022 yilning iyulidan beri MLSda o‘ynamoqda. Bir yil ichida 39ta o‘yinda 5ta gol va 5ta assist qayd etdi.
8. Ektor Errera - «Xyuston Dinamo», 100 901 dollar
Errera Xyuston jamoasiga 2022 yilda «Atletiko»dan olib kelingandi. Birinchi mavsum meksikalik futbolchi uchun oson kechmadi. U 2023 yilning o‘zida 17ta o‘yinda maydonga tushib, 3ta gol va 6ta assist qayd etdi.
7. Sebastyan Driussi - «Ostin», 115 817 dollar
Bu futbolchi ko‘pchilikka yaxshi tanish emas. Ammo u «River Pleyt»da ancha vaqt faoliyat yuritgan. Driussi 2022 yilda 25ta golga mualliflik qildi. Joriy yilda esa yarim himoyachi hisobida 15ta o‘yinda 4ta gol mavjud. Bunday sermahsullik 27 yoshli futbolchini Yevropa sari boshlashi ham mumkin.
6. Federiko Bernardeski - «Toronto», 121 065 dollar
Top-darajada bo‘lishiga qaramay, Bernardeski 2022 yilda «Yuventus»ni tashlab ketganida, hamma hayron qolgandi. Yarim himoyachi Kanada klubida 34ta o‘yib o‘tkazib, 22ta golga mualliflik qildi. Tabiiyki, u MLSda katta maosh oladi. Joriy yil ham futbolchi o‘zining omadli mavsumini davom ettirmoqda.
5. Xavyer Ernandes - «Los-Anjeles Gelaksi», 143 149 dollar
«Chicharito» Meksika tarixidagi eng yaxshi futbolchilardan biri sanaladi. U kelayotgan dekabr oyida erkin agentga aylanadi. Shundan so‘ng, hujumchi futboldan ketishi kutilmoqda. Ayni damda har hafta Ernandes 143 ming dollar ishlab topadi.
4. Lorenso Insinye - «Toronto», 144 230 dollar
Yana bir «A» seriyani shundoq tashlab ketgan yulduz - Insinyedir. U 2022 yilda Kanadaga yo‘l oldi. Bu mavsumda «Napoli»ning sobiq hujumchisi 15ta o‘yinda 4ta gol va 2ta assist qayd etdi. Uning jamoasi hozirda Sharqiy konferensiyaning so‘nggi pog‘onalarida bormoqda.
3. Jerdan Shakiri - «Chikago Fayr», 157 692 dollar
APL muxlislari bu futbolchini yaxshi tanishadi. Shakiri 2022 yilning fevralidan beri MLSda faoliyat olib bormoqda. 31 yoshli yarim himoyachi butun faoliyatida «Bavariya», «Bazel» va «Liverpul» bilan jami 18ta sovrinni qo‘lga kiritgan. Shu sababli hozir u Amerikadagi eng ko‘p maoshga ega uchinchi futbolchidir.
2. Serxio Buskets - «Inter Mayami», 192 307 dollar
Bu mavsum MLSdagi eng yulduzli tarkib Mayami shahrining «Inter» klubidir. Buskets yaqindagina «Barselona»dan olib kelindi. U Ispaniyada 15 yil davomida 32ta sovrin yutgan. Shulardan 7tasi La Liga chempionligi bo‘lsa, 3tasi YECHL kubogi. Buskets mayamiliklar bilan ikki yarim yillik shartnoma imzoladi.
1. Lionel Messi - «Inter Mayami», 1 mln. 57 ming dollar
Messi AQSHdagi eng katta maoshga ega futbolchiga aylandi. Endi u 2 yildan ko‘p vaqt davomida har haftada 1 million dollardan ziyod maosh oladi. Bu summa yiliga 60 millionga yaqin pul bo‘ladi. Albatta, jahon chempionining bunga haqqi bor. U «Barselona» va «PSJ» bilan jami 34ta sovringa erishdi. Messi «Inter Mayami»ga kelishidan oldin «Al-Hilol»dan kelgan 1,3 milliard dollarlik shartnomani rad etgan edi. Endi argentinalik hujumchi Amerikada 21 iyul kuni o‘z debyutini o‘tkazadi.
A.ABDUVALIXO‘JAYEV tayyorladi
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
