"Arsenal" AQSHdagi mavsumoldi bahslarini payshanba kuni yakunlaydi. So‘nggi o‘yin, tarkibida kasallik tarqalgan "Barselona"ga qarshi kechadi. Kataloniya klubi dastlabki, "Yuventus"ga qarshi bahsni kasallik sababli bekor qilgan edi. Ulardan farqli ravishda "Arsenal" hozirga qadar uch bor maydonga tushdi. Bu uchta o‘yinning har biri, har-xil natijalar bilan yakunlandi. Xususan, "Nyurnberg" bilan durang qayd etgan Mikel Arteta shogirdlari (1-1), MLS yulduzlarini tor-mor keltirdi (5-0). Biroq, "MYU" bilan to‘qnashuv boy berildi (0-2). Qayd etish kerakki, "qizil iblislar"ga uchralgan kutilmagan mag‘lubiyat, bir qancha savollarni o‘rtaga tashladi. Negaki, rahbariyat Arteta so‘ragan barcha nomlarni sotib olishga ulgurgandi. Endi londonliklar Ispaniya chempionlariga qarshi jiddiy sinovdan o‘tadi.
O‘yin qayerda bo‘ladi?
Joy: Los-Anjeles, Qo‘shma Shtatlar
Stadion: "SoFi Stadium"
Vaqt: 27 iyul, chorshanba (mahalliy vaqt)
Start: 19:30 (mahalliy vaqt)
O‘zaro o‘yinlar (so‘nggi beshta)
"Arsenal": 1 ta g‘alaba
"Barselona": 4 ta g‘alaba
Durang: 0 ta
So‘nggi to‘qnashuv
"Barselona" 3-1 "Arsenal" (2016 yil, 16 mart, YECHL)
"Arsenal" haqida
Oleksandr Zinchenko hali ham jarohatdan qayta olmadi. Shu sabab, kelayotgan bahsni chap qanotda Kiran Tirni yoki Yakub Kivior o‘tkazadi. Shuningdek, Takexiro Tomiyasu ham safdan chiqqan.
Leandro Trossard mavsumoldi o‘yinlarida faol harakat qilmoqda. Shuning uchun aynan u, Kay Xavers o‘rniga asosiy tarkibga kiritiladi. U bilan Jorjinyo yoki Parti yarim himoyada sherik bo‘ladi. Deklam Rays esa tayanch zonasi uchun ma’sul sanaladi. O‘ng qanotni yana Yurriyen Timber band etsa kerak. U "MYU" qarshi ishonchli harakat qilgandi. Hujum chizig‘ida Gabriel Jezus harakat qiladi. Uning o‘rni, vaqti kelganida Eddi Nketia yoki Folarin Balogun bilan almashtirilishi mumkin.
Taxminiy tarkib:
Darvozada: Aron Ramzdeyl,
Himoyada: Timber, Saliba, Kivior, Tirni;
Yarim himoyada: Parti, Edegor, Trossard;
Hujumda: Saka, Jezus, Martinelli (4-3-3).
"Barselona" haqida
Hozirga qadar tarkibning aynan qaysi a’zolariga virus yuqqani aniq aytilmadi. Ammo "Yuventus" bilan o‘yinning sababi "tarkibning ancha qismiga oshqozon-ichak virusi yuqqani" bilan izohlangan. Mana shunday vaziyatda kim tarkibga kiritiladi, kim yo‘q, buni aniq aytish mushkul. Shunga qaramay, biz Alexandro Baldening to‘pig‘idan olgan jarohatidan xabardormiz va u ertangi o‘yinda qatnasha olmaydi. Jyul Kunde masalasi ham ochiq qolmoqda. Shu sabab o‘ng qanot Ronald Arauxo bilan to‘ldirilsa kerak.
Taxminiy tarkib:
Darvozada: Ter Shtegen;
Himoyada: Ronald Arauxo, Erik Garsiya, Martines, Alonso;
Yarim himoyada: Roberto, Romeu, Pedri;
Hujumda: Rafinya, Levandovski, Gavi (4-3-3).
Taxminiy hisob:
"Arsenal" "MYU"ga qarshi o‘yinda juda yomon ko‘rindi. Shunga qaramay, Mikel Arteta jamoasi bunday davom etmaydi. U bo‘lajak bahsga eski tarkibda tushishi kutilmoqda. Rays va Xavertslar zaxirada qoldiriladi.
"Barselona"ning hozirgi holati juda g‘alati. AQSHga katta yo‘l bosib kelganiga qaramay, Xavi shogirdlari birorta o‘yinda maydonga tushmadi. Aytish kerakki, virus muammosi sababli tarkibdagilar sport formasi ham zo‘r bo‘lmaydi. Bu vaziyatda "Arsenal" kabi jamoalarga qarshi turish oson emas. Demak, o‘yin "Arsenal" foydasiga hal bo‘lish ehtimoli kattaroq. Yakuniy hisob: 2-1, "Arsenal" foydasiga.
Eslatib o‘tamiz, "Arsenal" va "Barselona" o‘rtasidagi mavsumoldi o‘rtoqlik o‘yini Toshkent vaqti bilan payshanba, 28 iyul kuni, tonggi 7:30 da start oladi.
ISMATOV J.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
